Zeremi 8:4 - Bibeli do fee

⁴ Sɔ̃ ŋa i ni, amu Aɔ̃ Lafɛ̃ɛ ǹ ni, bii inɛ í koosɛ í cuku, ci ya dede mái? Bii inɛ í nyɔ, ci ya sinda ku nyi wa mái?

Zeremi 8:4 Iomraidhean Croise

Ilaalu 1, 8:38

bii à ce kutɔɔ na irii zamaaɛ inɛi Izirɛli ŋa nɔ inɛ fei í mà kurara iyi nŋu í ce, nɔ à to awɔ nŋa wa ikpa bi ileu ihɛ̃,

Mɔnda ŋa 24:16

domi baa bii inɛ dee dee í cuku isɛ gbɛɛje, í ya nyi ku dede má. Amma inɛ laalɔ ŋa wahala í ya kɛkɛ ŋai nɔ a ci ya dede má.

Ezai 44:22

Ǹ nya kuraraɛ ŋai bɛi kudũi ijĩ í ya nya, nɔ do yaase bɛɛbɛ mɔi ǹ nyaò dulum dɛɛ ŋa mɔ. Na nŋu, sinda i nyi wa bi titom, domi amui ǹ yaɛ.

Ezai 55:7

Ilu inɔ kukã ku sinda ku jɔ̀ kpãaɛ, nɔ woo ce laalɔ mɔ ku jɔ̀ lasabuɛ ŋa nɔ ku sinda ku baa bi Aɔ̃ Lafɛ̃ɛ iyi á ce araareɛ. Ku sinda ku baa wa bi Aɔ̃ Lafɛ̃ɛ nwa nŋu iyi í ya ce suuru ntɔ ntɔ.

Zeremi 23:14

Amma mii iyi ǹ yɛ bi waliii Zeruzalɛmu ŋau í nyi í sãmi í caa má. Inɛ ŋau woo ce sakara ŋai, nɔ si iboi à waa jɛ kuwɛɛ nŋa. À ya maa muaa inɛ laalɔ ŋa himmai si laalɔ ku ce nŋa ku ba baa inɛ akã nŋa ku maà sinda ku toa inɔ kukãɛ anyi. Aŋa fei à yɛi si wajum bɛi inɛi Sodomu ŋa, nɔ inɛi Zeruzalɛmu ŋa mɔ, à yɛi bɛi inɛi Gomɔɔ ŋa.

Zeremi 3:1

Aɔ̃ Lafɛ̃ɛ í ni, bii inɛ gɔ í kɔ̀si aboɛ, nɔ abou í nɛ í koo í so mɔkɔ mmu, mɔkɔ nwou á yɔkɔ ku na ku gbaa ku jɛ aboɛ má? Aawo. Ilɛu á so riisii bii í ce bɛɛbɛ. Awɔ Izirɛli iyi ì ya dabii i maa tɔɔ iwɛ̃ nkpɔ nkpɔ bɛi woo ta icu í ya maa gba mɔkɔ nkpɔ nkpɔ, ì waa bi i nyi wa bi tom má?

Zeremi 3:22

I baa wa ŋa, ama ku kɔ̀ ide ŋa. An ce nŋɛ suurui dee dee hai jɛ nŋɛ. Awa wee Ilaaɔ̃, à waa baa bi tɛɛ, domi awɔi ì jɛ Aɔ̃ Lafɛ̃ɛ nwa.

Zeremi 36:3

Á yɔkɔ ku jɛ inɛi Zudaa ŋa aa gbɔ iyi ǹ wa n bi n jɔ̀ wahala ku naa si aŋai, nɔ á yɔkɔ ku jɛ aa fũsi laalɔ ku ce nŋa awɔ, nɔ n ce nŋa suurui kurara nŋa do dulum du ŋa.

Zeremi 4:1

Ŋɔi Aɔ̃ Lafɛ̃ɛ í ni, awɔ Izirɛli bii ì sinda ì nyi wa bi tom, nɔ i kù waa mɔsi do laalɔɛ ŋau ku ce si wajum, i kaa nɛ i maa sa hai nɛ kɔɔ má.

Ezekiɛli 18:23

Amu Aɔ̃ Lafɛ̃ɛ n kù bi ilu dulum ku ku si dulum dɛɛ. Ǹ bi ku jɔ̀ɔi nɔ ku ba kuwɛɛ.

Ozee 14:1

Inɛi ilui Samari ŋa à nɛ a yɛ ijuukpãi kurara nŋai si na iyi í jɔ̀ à ce ide ku kɔ̀ bi Aɔ̃ Lafɛ̃ɛ nŋa. Na nŋu, igũi á naa si ŋa ku kpa ŋa. Aa tɛɛsɛ ama kpɔtɔɔ nŋa ŋai, nɔ a pũ inaabo bãasĩ nŋa ŋa.

Ozee 6:1

Aa na i fɔ i maa ni ŋa, ka koo, ka nyi bi Aɔ̃ Lafɛ̃ɛ. Nŋui í mɛɛ wa, nɔ nŋui á jɔ̀ kumɛɛu ku tã. Nŋui í cã wa, nɔ nŋui á jɔsi kumɛɛ nwa ŋau iwɔ.

Ozee 7:10

Inɛi Izirɛli ŋau, ilu faau ŋai. Faau nŋai í jɛ sɛɛdai kurara nŋa. Inɛi Izirɛli ŋau à kɔ̀ ku nyi wa bi amu Aɔ̃ Lafɛ̃ɛ nŋa. Baa do mii ŋa iyi í ba ŋau bɛ fei, a kù dɛdɛɛm.

Amɔsu 5:2

Izirɛli iyi í jɛ bɛi mudɛ̃ɛ, í cuku nɔ kaa dede má. Wa sũ ilɛi ideɛ nɔ inɛ gɔ kù dedeɛ.

Misee 7:8

Iŋɛ mbɛɛ nwa ŋa, i maà wɛɛò inɔ didɔ̃ si mii iyi í ba wa ŋa, domi bii à cuku, aa ka dede má. Nɔ baa bii à wa si ilu kuku, Aɔ̃ Lafɛ̃ɛ á má nwa inya.