Zeremi 8:3 - Bibeli do fee

³ Iku á sĩa ku re kuwɛɛ bi inɛ ŋa iyi aa gbe si zamaa laalɔ iyi an fangaa bii feiu. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Zeremi 8:3 Iomraidhean Croise

Ilaalu 1, 19:4

Nŋu takaɛ í nɛ si gbaa zakai ajɔ akã, nɔ í koo í buba si abɛi jĩi gɔ wa tɔɔ iku wa ni, í to bɛɛbɛ Aɔ̃ Lafɛ̃ɛ, so hundem bɛbɛi, domi n kù tia balam ŋa.

Zeremi 23:3

Amu takam nii an tɔtɔɔ mɛɛmu gaam ŋa iyi à gbeu wa hai ilɛ ŋa bii ǹ lele ŋa ǹ jɔ̀ à nɛu fei. An baaò ŋa wai si aro nŋa. An jɔ̀ a bí, nɔ aa kpɔ a kɔ̃ɔsi.

Zeremi 23:8

Amma aa ya ce kugbasii a ni, do irii Aɔ̃ Lafɛ̃ɛ nŋu iyi í wɛɛ, nŋu iyi í jɔ̀ à mu dimii inɛi Izirɛli ŋa à nɛò ŋa ilɛi ikpa awɔ njɛi kpãai inunu, nɔ í nyi í jɔ̀ à baa má, do hai si ilɛ ŋa bii í lele ŋa í jɔ̀ à nɛu fei. Aa nyi a baai má a na a buba si ilɛ nŋa.

Zeremi 29:28

nŋu iyi í bɛ wa Babilɔni kaa fɔ ka ni aa ka kpɛ Babilɔni bɛ. Í fɔ mɔm í ni ka ma ile ŋa ka buba si, ka lɔ jĩi ŋa ku ba ka ya ka ba iso nŋa ka jɛ.

Zeremi 40:12

Ŋɔi inɛi Zudaa ŋau fei à baa hai inya ŋa bii à tako à fangaa à nɛu, nɔ à nɛ ikpa ilɛi Zudaa bi Gedalia do ikpa Misipa. Nɔ tengi bɛ, à ba isoi rezɛ̃ɛ do isoi jĩi nkpɔ nkpɔ à ka.

Zeremi 44:2

ide iyi Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋau í fɔ wee. Iŋɛ fei ì yɛ wahala iyi ǹ jɔ̀ í naa si Zeruzalɛmu do si ilui Zudaa ŋau fei ŋa. Ilu ŋau bɛ fei, nnyiu ihɛ̃ à baa à kpɔò bomma, inɛ kãma kù wa bɛ má

Zeremi 44:6

Ŋɔi idɔɔkɔ̃m í dede si ŋɛ ntɔ ntɔ, nɔ ǹ jo ilui Zudaa ŋau do kpãai Zeruzalɛmu ŋa. Ǹ lɛgɛ iluu ǹ jɔ̀ í kpɔò bomma bɛi ì waa yɔɔ nnyiu ihɛ̃ ŋa.

Zeremi 6:9

Aɔ̃ Lafɛ̃ɛi lele do ilɛ í ni, aa fengee inɛi Izirɛli ŋa iyi à gbeui bɛi à ya fengee isoi rezɛ̃ɛ. Sisi i lesi awɔ má, bɛi woo ka isoi jĩi ndii rezɛ̃ɛ í ya cea amaawɔɛ ŋa.

Daniɛli 9:7

Aɔ̃ Lafɛ̃ɛ, awɔ ì jɛ dee dee, nɔ anyɔi í jɛ ti awa. Ntɔ ntɔ nnyiu ihɛ̃, hai inɛi Zeruzalɛmu ŋa hee do inɛi bommai Zudaa ŋau fei, à wa si anyɔ nla nla. Nɔ bɛɛbɛ mɔi hee do inɛi Izirɛli ŋau fei, hai inɛ ŋa iyi à wa amɛɛ hee do inɛ ŋa iyi à wa hee jĩijĩ ŋau fei. Awɔi ì lele ŋa ì jɔ̀ à koo à wa si ilɛ mmu ŋa bii fei si na iyi í jɔ̀ à ce dulum bi tɛɛ.

Kuwee 26:33

An jɔ̀ igũ ku naa si ŋɛ nɔ n fangaa ŋɛ i nɛ ilɛ mmu ŋa. Ilɛ nŋɛu á gbe ngbɛi nɔ ilu nŋɛ ŋau mɔ a kpɔò bomma.

Amɔsu 3:1

I de itĩ i gbɔ ide iyi amu Aɔ̃ Lafɛ̃ɛ ǹ wa n fɔ, iŋɛ inɛi Izirɛli ŋa fei, iŋɛ iyi ǹ nya wa hai ilɛi Ezibitiu.

Zonasi 4:3

Nsɛi, Aɔ̃ Lafɛ̃ɛ, jɔ̀ n ku, domi í sĩam n ku do iyi an maa n wɛɛ.

Misee 2:3

Na ŋɔi í ce Aɔ̃ Lafɛ̃ɛ í ni, cɔ, wee ǹ ce sɔɔlui laalɔ na dimiu bɛ tã. Nɔ i kaa fita si ŋa, i kaa nɔ i nɛ i wu iri lele ŋa, domi awaatii laalɔi á jɛ.

Wooda ku kɔsi 30:1

Ŋɔi Moizi í ni, ide ŋa iyi ǹ ni aa na a naa si ŋɛ ŋau, waatɔ kuwee walakɔ ikpe iyi ǹ jilɛ na iri nŋɛu aa naa si ŋɛi. Waati iyi Aɔ̃ Lafɛ̃ɛ nŋɛ á na ku jɔ̀ i koo i maa wa ilɛ mmu si inɔi dimi mmu ŋa, bii ì lasabu si

Wooda ku kɔsi 30:4

Baa bii ì koo ì waa jɛ aru hee kɔɔi andunyau ŋai, Aɔ̃ Lafɛ̃ɛ nŋɛ á tɔtɔɔ ŋɛ nɔ ku so ŋɛ wa hai bɛ.

Kuyɛi Zãa 6:16

À waa dɔ̃ anu si iri kuta ŋau do si kuta ŋau à waa ni, i cuku si wa wa, i bii wa ku ba Ilaaɔ̃ ku maà yɛ wa, nŋu iyi wa buba si kitãi bommau. Nɔ i bii wa na idɔɔkɔ̃i ama angudãu ŋa.

Kuyɛi Zãa 9:6

Si cukpa miiuu, inɛ ŋa aa dɛdɛ iku amma a kaa ba. Aa bi aŋa a ku amma iku á sa nŋa.