Zeremi 8:2 - Bibeli do fee

² Aa tɛ ŋai si inunu do cukpa do leleaɔ̃ ŋa iyi aŋa taka nŋa à bi nɔ à ya maa tɔɔ ŋau. Aŋaò ŋa à nɛ anu akã. À ya maa dɛdɛ ŋa, nɔ à ya maa sɛɛbata si waju nŋa. A kaa tɔtɔɔ kũkũ nŋa ŋau, a kaa si ŋa. Taasii ilɛi aa baa a jɛ.

Zeremi 8:2 Iomraidhean Croise

Ilaalu 2, 17:16

À kɔ̀si woodai Aɔ̃ Lafɛ̃ɛ nŋau fei. Nɔ à yɔ isɔ à ceò ama kɛtɛ minji. Nɔ à ce iwɛ̃ iyi à ya kpe Asera. Nɔ à waa tɔɔ mii ndii lele ŋau fei do iwɛ̃ Baaliu.

Ilaalu 2, 21:3

Nŋui í teese í ma bi kuwee ŋa iyi baaɛ Ezekiasi í lɛgɛ si antaii geete ŋau. Nɔ í maa iwɛ̃ Baali bi kuwee ŋa, nɔ í gũa iwɛ̃ Asera jĩi bɛi Akabu ilaalui Izirɛliu í tako í ceu wo. Nɔ í ya gulɛ ku maa tɔɔ cukpa do inunu do leleaɔ̃ ŋa fei.

Ilaalu 2, 21:5

Í ma bii à ya weea cukpa do inunu do leleaɔ̃ ŋa si inɔ bantuma minjii kpasɛ̃i Aɔ̃ Lafɛ̃ɛu.

Ilaalu 2, 23:5

Ŋɔi í lele woo weei iwɛ̃ ŋa iyi ilaalui Zudaa ŋau à jilɛ a ya maa jo tuae si bi kuwee ŋa si antaii iri kuta ŋa iyi à wa kɔkɔi Zeruzalɛmu do ilɛɛkoɛ ŋa do ilu ŋa iyi à wa si ilɛi Zudaau fei. Nɔ í lele inɛ ŋa iyi à ya jo tuae ŋa na iwɛ̃ Baaliu do na inunu do na cukpa do leleaɔ̃ ŋau fei.

Iri ku kɔ̃ 53:5

Ŋɔi Ilaaɔ̃ í ni, ntɔ ntɔ, woo ce laalɔ ŋau ihɛ̃, a kù nɛ kumà kãma. Aŋa iyi à waa ŋɔ inɛm ŋa bɛi à ya ŋɔ pɛ̃ɛ, nɔ a kù waa tɔɔm ajɔ kãma.

Iri ku kɔ̃ 83:10

Ce nŋa bɛi ì cea inɛi Madiãa ŋa, do bɛi ì cea Sisera do Yabɛ̃ɛ iyi à kpa si acãi inyii Kisɔ̃ɔu.

Iri ku kɔ̃ 83:11

À ce nfe nŋai si ilui Eni-Dɔɔ. Bɛi à sãmi à ce taasi si ilɛ.

Woo lasabu 6:3

Bii inɛ gɔ í nɛ ama cĩɔ nɔ kuwɛɛɛ í kpɛ si ilɛ ihɛ̃ nɔ kukpɔi adɔ̃ɛ wa mɔsi wa koo, aranfãani yoomai í nɛ bii kù ba inɔ didɔ̃ nɔ a kù suu dee dee si bɛi í jɔ. Si lasabum asĩ iyi í nya á wɛɛò inɔ didɔ̃ ku roo

Zeremi 14:16

Nɔ inɛ ŋa iyi à waa cea walii ŋau, an kɛkɛ ŋai si kpãai Zeruzalɛmu ŋau na ari do igũ iyi á ceu. Inɛ kãma kaa wɛɛ iyi a si aŋa taka nŋa hee má jɛ abo nŋa ŋa. A kaa si ama inɛmɔkɔ nŋa ŋa hee má jɛ ama inaabo nŋa ŋa. An jɔ̀ inɔ kukã nŋa ku cuku si irii aŋa taka nŋai.

Zeremi 16:11

Waati bɛɛbɛ, aa jɛ nŋai i ni, Aɔ̃ Lafɛ̃ɛ í ni, bala nŋɛ ŋai à fũsim awɔ à koo à waa tɔɔ iwɛ̃ ŋa nɔ à waa sɛɛbata nŋa. À sinda à toom anyii nɔ a kù ceò woodam ŋa icɛ.

Zeremi 16:4

Bɔ̃ɔ á kpa ŋai. A kaa si ŋa, nɔ a kaa ce akũ nŋa. Aŋai aa baa a jɛ bɛi taasii ilɛ, nɔ aa kui si igũ walakɔ ari ku kpa ŋa. Nɔ mɛɛmui sako ŋa do yɛi ŋai aa jɛ iku nŋa.

Zeremi 16:6

Si ilɛu bɛ, ilu fia ŋa do ilu are ŋa aa maa kui nɔ inɛ kãma kaa si ŋa. Inɛ kãma kaa ce akũ nŋa, inɛ kãma kaa bu araɛ nɔ inɛ kãma kaa wa iriɛ na iri nŋa.

Zeremi 19:13

Kpasɛ̃i Zeruzalɛmu ŋa do kpasɛ̃i ilaalui Zudaa ŋa aa baa a jɛ inya riisi bɛi inyai Tofɛti. Ntɔ ntɔ mii iyi á ba inɛ ŋa iyi à wa si antaii lelei ile ŋa tengi bii inɛ ŋa à ya jo tuae ku dɔ̃ inunu na irii leleaɔ̃ ŋa, do bii à ya cea iwɛ̃ ŋa kuweei atɛ̃ vɛ̃ɛ ŋau mbɛ.

Zeremi 22:19

Aa suui bɛi à ya si gbankɛlɛ bii í ku. Aa fa ikuɛui a koo a nyɔɔ angulei Zeruzalɛmu.

Zeremi 25:33

Waati iyi mii ŋau bɛ aa na a maa ce, inɛ kãma kù wɛɛ hai kɔɔi andunya ihɛ̃ hee ku bɔ kɔɔ ihɔ̃ iyi á maa kpata na iku ŋau bɛ. Inɛ kãma kaa tɔtɔɔ iku nŋa ŋau, nɔ inɛ kãma kaa si ŋa. Aa baa a jɛi bɛi taasii ilɛ.

Zeremi 31:40

Hai bi lɔɔmai iku ŋau do ti iluluu hee ku bɔ si bantuma iyi í wɛɛ ngbɛu hee ku bɔ lɔɔmai Sedorɔ̃ɔ, hee do bi gonta bii gamboi acĩ ŋau í wa. Inya ŋau bɛ fei, ti Aɔ̃ Lafɛ̃ɛi á jɛ. A kaa wú nkãma bɛ má hee má jɛ a lɛgɛ ngɔgɔ.

Zeremi 36:30

Na nŋu, ide iyi Aɔ̃ Lafɛ̃ɛ í fɔ si gãmɛi Zoakimu ilaalui Zudaau wee. Í ni, dimiɛ kãma kaa buba si batai bommai Davidiu má, nɔ dasã ikuɛ á maa wai si inya gbãa, idũ mɔ si tũtũ.

Zeremi 9:20

I ce bɛɛbɛ ŋa, domi wee iku í lɔ wa hai do fɛrɛnti nŋɛ ŋa, do si inɔ kpasɛ̃ kusĩa nŋɛ ŋa. Nɔ wa so amu ŋa iyi à wa si kpãa ŋa, do awaasũ ŋa iyi à wa si bantuma ŋa.

Zeremi 9:21

Sɔ̃ ŋa i ni, amu Aɔ̃ Lafɛ̃ɛ ǹ ni, iku ŋa aa maa tɛi bɛi taasi si bantumai ilɛu, do bɛi amaajɛ kambo ŋa do anyii woo mu ŋa, nɔ inɛ kãma kaa koo.

Zeremi 9:22

Ŋɔi Aɔ̃ Lafɛ̃ɛ í nyi í ni má, ilu bisi ku maà tɔɔ fufu do kumàɛ iyi í nɛ. Ilu gbugbã mɔ ku maà tɔɔ fufu do gbugbãɛ iyi í nɛ. Nɔ ilu amani mɔ ku maà tɔɔ fufu do amaniɛ iyi í nɛ.

Ezekiɛli 29:5

An koo n nyɔɔi si gbaa nŋu do cɛ̃ɛi amaawɔi idoi Nili ŋau fei. Si ilɛ ngbɛ bɛi á ku. Inɛ gɔ kaa soo nɔ inɛ gɔ kaa suu. Ijɛi mɛɛmui sako ŋa do yɛi ŋai an jɔ̀ ku jɛ.

Ezekiɛli 39:5

Si gbugbãai aa cuku i ku, domi amui ǹ fɔ ide, amu Aɔ̃ Lafɛ̃ɛ.

Ezekiɛli 6:5

An jilɛ ikui inɛi Izirɛli ŋai si wajui iwɛ̃ nŋa ŋa nɔ n fangaa kũkũ nŋa ŋa n kaakoò bi kuwee nŋa ŋau.

Ezekiɛli 8:16

Ŋɔi í gbãm í bɔɔm si inɔ bantumai kpasɛ̃i Aɔ̃ Lafɛ̃ɛu. Hai anu koofai kpasɛ̃i Aɔ̃ Lafɛ̃ɛu, si afei bi ku lɔu do bi kuweeu, amanɛ kɔnfia do miiui í wa bɛ iyi à toa kpasɛ̃i Aɔ̃ Lafɛ̃ɛu anyi à waa cɔ ikpa nunui daakɔ nɔ à sɛɛbata à waa tɔɔ inunu.

Sofoni 1:17

An jɔ̀ amanɛ ŋa a dasi inɔ kufɔi. Aa maa nɛi bɛi fɛɛju ŋa si na iyi í jɔ̀ à ce dulum bi amu Aɔ̃ Lafɛ̃ɛ. Njɛ nŋa á fangaai bii fei bɛi sãa, nɔ iku nŋa mɔ á maa nyɔi bɛi mii ndii iri ankitã ŋa.

Sofoni 1:5

Inɛ ŋa iyi à ya gũ antaii ile sikifa ŋa a maa tɔɔ cukpa do leleaɔ̃ ŋa, an ce nfei aŋa feii. Inɛ ŋa mɔ iyi à ya maa tɔɔm, nɔ a tɔtɔɔ a maa ceò kugbasi do irii iwɛ̃ iyi à ya kpe Molɔkuu, an ce nfe nŋai.

Woo bɛ ŋa 7:42

Na nŋu, Ilaaɔ̃ í fa araɛ hai bi tu ŋa nɔ í jɔ̀ à waa tɔɔ inunu do cukpa do leleaɔ̃ ŋa. Ide nŋui à kɔ si tiai walii ŋau à ni, Ilaaɔ̃ í ni, iŋɛ inɛi Izirɛli ŋa, amui í cea dimii kuwee ikã ikã adɔ̃ ciiji si gbaau ihɛ̃ ŋa?

Wooda ku kɔsi 17:3

í koo wa tɔɔ iwɛ̃ ŋa, wa gulɛ si waju nŋa, wa tɔɔ inunu do cukpa do leleaɔ̃ ŋa fei. Aɔ̃ Lafɛ̃ɛ wee kù bɛi kù bi bɛɛbɛ.

Wooda ku kɔsi 4:19

I ce laakai ŋa waati iyi ì wu iju lelei Aɔ̃, bii ì yɛ inunu do cukpa do leleaɔ̃ ŋa hee do mii ŋa iyi à wa lele bɛ fei, i maà ti i gulɛ i tɔɔ ŋa. Mii ŋau bɛ, mii ŋa iyi Aɔ̃ Lafɛ̃ɛ í cea zamaa fei ikpɛ̃ɛ mbɛ si ilɛ ihɛ̃.