Zeremi 8:12 - Bibeli do fee

¹² Anyɔ í nɛ ku mu ŋai wo si laalɔ ŋa iyi à ce. Amma kù mu ŋa. A kù mà baa mà aŋa à wa si kurara. Na ŋɔi í ce aa cukui do inɛ ŋa iyi à waa cuku. Ilɛi aa maa tɛɛsɛ waati iyi an kpã ŋa iju. Amu Aɔ̃ Lafɛ̃ɛi ǹ fɔ bɛɛbɛ.

Zeremi 8:12 Iomraidhean Croise

Kusintii Andunya 19:34

Iju kumáɛ ŋɔi inɛ ngbou í sɔ̃ ifɔɛ í ni, idũ ana ǹ jɔ̀ baa nwa í sũòm. Ka sɔɔ atɛ̃ vɛ̃ɛ má alɛi ku ba awɔ mɔ i koo ku sũòɛ ku ba dimiɛ ku maà kpa iri.

Iri ku kɔ̃ 52:1

Iriu ihɛ̃ ti inɛ ngboi woo kɔ̃ iri ŋai do Davidi.

Iri ku kɔ̃ 52:7

Si bɛɛbɛ, Ilaaɔ̃ á kɛkɛɛi hee do ajɔ fei. Á tɛɛsɛɛi, nɔ ku nyaɛ hai si ilei acɔɛ nɔ nŋui á leekĩ kuwɛɛɛ si ilɛu ihɛ̃. Kusĩmi.

Ezai 24:2

Mii iyi á ba woo wee, nŋui á ba inɛ iyi kù jɛ woo wee. Mii iyi á ba inɛ iyi í nɛ aru, nŋui á ba aruu mɔ. Mii iyi á ba inaabo iyi í nɛ aru, nŋui á ba aru ama inaaboɛ mɔ. Mii iyi á ba woo ta, nŋui á ba woo ra mɔ. Mii iyi á ba inɛ iyi í kãayea inɛ gɔ, nŋui á ba inɛ iyi à kãayeau mɔ. Mii iyi á ba inɛ iyi í wɛ̃a inɛ gɔ, nŋui á ba inɛ iyi à wɛ̃aau mɔ.

Ezai 3:9

Kucei aŋa tii taka nŋai wa jɛ sɛɛdai laalɔ ku jɛ nŋa. À waa ce dulum nii bɛi inɛi Sodomu ŋa, a kù waa singaɛ mɔm. Inɔ kufɔi á jɛ tu ŋa, domi sɔɔlui inɔ kufɔi à waa cea ara nŋa.

Zeremi 10:15

Inya ngbɛ ŋai, nɔ dɔ̃anyi ŋai. Aŋa fei aa lɔi waati iyi ijuukpã á to wa.

Zeremi 14:15

Na nŋu, amu Aɔ̃ Lafɛ̃ɛ, ide iyi ǹ wa n fɔ si gãmɛi inɛ ŋau bɛ wee. Inɛ ŋa iyi à waa ce walii do irim ŋau bɛ nɔ kù bɛi kù jɛ amui ǹ bɛ ŋa wa, nɔ à waa fɔɔ do irim à waa ni, si ilɛu ihɛ̃ igũ kaa ce hee má jɛ ari. Igũ do arii á kpa walii ŋau bɛ.

Zeremi 23:12

Na ŋɔi í jɔ̀ kpãa nŋa á nɛ yɔɔgɔ do ilu kuku. Aa tale ŋai nɔ a cuku, domi an jɔ̀ laalɔ ku naa si ŋa si adɔ̃ iyi an naa si ŋa.

Zeremi 3:3

Na ŋɔi í jɔ̀ ǹ kɔ̀ɛ ijĩ, nɔ agbɛ í mu si jɛadɔ̃u. Amma ì lele idɔɛ ì waa mɔsi do icu ku taɛ, nɔ anyɔ kù waa muɛ.

Zeremi 44:10

Amma hee ku baa nsɛi, i kù nɛ inɔ kufɔ si kuce nŋɛ ŋau, nɔ i kù jirimam ŋa. I kù too si woodam do ikɔm ŋa iyi ǹ jilɛa iŋɛ do bala nŋɛ ŋau.

Zeremi 6:15

Anyɔ í nɛ ku mu ŋai wo si laalɔ ŋa iyi à ce. Amma kù mu ŋa. A kù mà baa mà aŋa à wa si kurara. Na ŋɔi í ce aa cukui do inɛ ŋa iyi à waa cuku. Ilɛi aa maa tɛɛsɛ waati iyi an kpã ŋa iju. Amu Aɔ̃ Lafɛ̃ɛi ǹ fɔ bɛɛbɛ.

Zeremi 6:21

Na ŋɔi í ce amu Aɔ̃ Lafɛ̃ɛ ǹ ni, wee an jilɛaa zamaau ihɛ̃ kuta ŋa iyi wa gɛɛ. Nɔ si bɛi baa ŋa do amu ŋa do baakɔɔ ŋa do kpaasi ŋa aa kosi isɛ ajɔ, nɔ a ce nfe.

Ezekiɛli 23:18

Í fitaò icu ku taɛu gbugbãa. Í nyisi inɛ fei basĩɛ. Si bɛi kuceɛu kù waa sĩam si, iyi bɛi í jɔ̀ ǹ fa aram hai bi tɛɛ bɛi ǹ tako ǹ fa aram hai bi igbãɛu.

Ozee 5:9

Aa ce nfei Efaraimui si ajɔi ijuukpãu. Ide iyi ǹ wa n sɔ̃ dimii inɛi Izirɛli ŋau ihɛ̃, ideu kù nɛ sika kãma.

Sofoni 3:5

Do nŋu fei, Aɔ̃ Lafɛ̃ɛ njɛ í wa bi tu ŋa bɛ, nɔ í jɛ dee dee. Ci ya ce mii iyi kù jɛ dee dee. Daakɔ fei í ya jɔ̀ dee dee ku jɛɛ ku fita gbugbãai si inya kumá, nɔ ci ya haata ajɔ kãma. Amma inɛ laalɔ kù mà anyɔ.

Wooda ku kɔsi 32:35

Ajɔ wa naa si bii an dedeò ide ku kɔ̀ nɔ n sã nŋa mii iyi í nɛ ku ba ŋa bii waatii kucuku nŋa í to. Nɔ kaa kpɛ má waatii wahalau bɛ ku to wa si ŋa. Waatii kucuku nŋa í maai wa mbɛ.

Filipi 3:19

Nfe ku cei aa kpaò iriɛ, domi inɔ nŋai à ya maa cea icɛ si agbɛi Ilaaɔ̃. Iyi í jɔ̀ ku jɛ nŋa anyɔ nŋui à ya maa tɔɔò fufu. Mii ndii andunya ihɛ̃ nŋu akãi à waa lasabu si.