Zeremi 8:10 - Bibeli do fee

¹⁰ Ŋɔi Aɔ̃ Lafɛ̃ɛ í ni, na nŋu, an na inɛ mmu ŋa abo nŋa ŋa. Nɔ iko nŋa ŋa mɔ, n na inɛ ŋa iyi aa mu ŋa a nɛò ŋau. Bɛɛbɛi an ce nŋa, domi hai inɛ ŋa iyi à kere à re hee ku koo si inɛ ŋa iyi à la à re, aŋa fei kuba nŋai à waa yɔ si iju. Hai walii ŋa hee ku koo si woo wee ŋa, aŋa fei ilu ibo ŋai.

Zeremi 8:10 Iomraidhean Croise

Zɔɔbu 31:10

abom mɔ koo cea inɛ gɔ icɛ nɔ inɛ fei ku maa cea ndɛɛ bɛi í bi.

Ezai 28:7

Inɛ ŋa iyi à mɔ atɛ̃ vɛ̃ɛ, à ya maa koosɛi, nɔ atɛ̃ ku nɛ gbugbã ŋa, à ya jɔ̀ inɛ ŋa a nyɔi. Woo wee do walii ŋa à waa koosɛi na atɛ̃ ku nɛ gbugbã ŋau. Atɛ̃ vɛ̃ɛu í la si ŋai ntɔ ntɔ, nɔ atɛ̃ ku nɛ gbugbã ŋaui í jɔ̀ à waa nyɔ. À ya nyɔ mɔm nii si kuyɛ nŋau, nɔ a ci ya leekĩ si ide akã.

Ezai 57:17

Idɔm í kɔ̃ si Izirɛli na laalɔ ku ceɛ do na mii ŋa iyi í ba si kpãa iyi kù jɛ dee dee. Na ŋɔi í jɔ̀ si idɔɔkɔ̃m ǹ kpãa iju nɔ n kù bi baa ku yɛɛ má. Amma í kɔ̀ í lele idɔɛ nɔ í leekĩ si dee dee hai jɛɛ.

Zeremi 14:14

Ŋɔi Aɔ̃ Lafɛ̃ɛ í jɛɛm má í ni, walii ŋau iboi à waa sɔ do irim. Kù jɛ amui ǹ bɛ ŋa wa, nɔ amu si ǹ na ŋa wooda, kù nɔ kù jɛ amui ǹ ba ŋa ide ku fɔ pai. Kuyɛ ibo ŋai à ce. Kuyɛi alisi nŋa ŋai do ti iwɛ̃ nŋa ŋa. À waa dĩ ijui inɛ ŋai do lasabui idɔ nŋa.

Zeremi 14:18

Bii ǹ fita ǹ bɔ inɔ sako, ikui inɛ ŋa iyi à kpa si igũi ǹ ya n yɛ. Nɔ bii ǹ baa si inɔ ilu, ǹ ya n yɛ inɛ ŋa à waa wahalai do ari. Walii ŋa do woo wee ŋa à dabii si ilɛu, nɔ a kù mà yaasei mii iyi wa ce.

Zeremi 17:11

Inɛ iyi í ba amani ŋa do kpãa iyi kù jɛ dee dee, í yɛi bɛi kpau iyi wa wɔɔba si njɛ ŋa iyi kù jɛ titɛɛ. Amaniɛu í ya na ku nɛ ku jɔ̀ɔi waati iyi kuwɛɛɛ í to anini, nɔ si waatii iri ku kpai kuwɛɛɛu, í ya baa ku jɛ nnyɛii.

Zeremi 22:17

Amma awɔ, idei irii araɛi ì waa ce, nɔ ì waa kpa hai nɛ taale ŋa. Ì waa kpã inɛ ŋa ijui ntɔ ntɔ.

Zeremi 32:32

na laalɔ ŋa iyi inɛi Izirɛli do inɛi Zudaa ŋau à ce à dedeò idɔɔkɔ̃m aŋa do ilaalu nŋa ŋa do akawe nŋa ŋa do woo wee nŋa ŋa do walii nŋa ŋa, aŋa iyi à jɛ inɛi Zudaa do inɛi Zeruzalɛmu ŋau fei.

Zeremi 38:22

Inaabo ŋa iyi à wa kpasɛ̃i ilaalui Zudaa ŋau fei, aa gbã ŋai a kooò ŋa bi soogei ilaalui Babilɔni ŋau nɔ aa maa nii, ì jɔ̀ inɛ ŋa iyi à waa fɔ idei laakai ku sũ ŋau à zambaɛ à kãmiaɛ. Nɔ waati iyi kutɛɛ í mile si pɔkɔdɔ bɛɛbɛ, à fa ara nŋa à jɔ̀ɛ.

Zeremi 42:1

Ŋɔi inɛ ngboi sooge ŋau fei, hai Yohanaa amai Karea do Yezania amai Hosaya do zamaau fei, hai inɛ iyi í kere í re hee do inɛ iyi í la í re fei à sɛkɛɛ wa,

Zeremi 5:31

Walii ŋa à waa ce walii do ibo. Woo wee ŋau à waa ce idɔɔbi nŋa. Nɔ iyi bɛi wa jɛa zamaam inɔ didɔ̃. Amma bɛirei aa ce ŋa na waju ku bɔi ilɛu.

Kukpata 4:13

Wahalau í naai na dulum dii walii ŋau do kurarai woo wee ŋau, domi aŋai à kpa inɛ dee dee ŋa si inɔ iluu.

Ezekiɛli 33:31

Inɛ ŋau à ya naa a tɔtɔɔ si wajuɛ a de siɛ itĩ a maa gbɔ ideɛ. Amma a ci ya ce iyi ì waa sɔ̃ ŋau. Lasabu nŋa do mii iyi à bii à ya maa ce.

Amɔsu 5:11

Wee ì taa ilu are ŋa gbugbã ì gba amaajɛ nŋa ŋa, ì koo ì maò kpasɛ̃ ilu bɛɛrɛ ŋa. Amma i kaa lɔ kpasɛ̃ ŋau ŋa. Ì lɔ jĩi ndii rezɛ̃ɛ ŋa amma i kaa ba baa vɛ̃ɛ nŋa ŋa i mɔ ŋa.

Misee 2:4

Ajɔ nŋu bɛ, idei ijuukpãi aa gbɔ à waa fɔ. Inɛ ŋa aa maa kɔ̃ irii inɔ kufɔi na iri nŋɛ, a maa ni, awa à gbe ngbɛ mbɛ mam mam, Aɔ̃ Lafɛ̃ɛ í jɔ̀ à gba ilɛ nwa ŋa fei, nɔ à koo à kpɛ̃a mbɛɛ nwa ŋa.

Misee 3:11

Woo kiiti nŋɛ ŋa, kiiti iyi à waa ce fei do amua hai nɛ yaase ŋai. Woo wee nŋɛ ŋa, ikɔ nŋa do isãi. Walii nŋɛ ŋa, kuyɛ nŋa do fiai. Nɔ à waa ni, awa inɛi Aɔ̃ Lafɛ̃ɛ ŋai, laalɔ kaa ba wa, Aɔ̃ Lafɛ̃ɛ í wɛɛ do awa.

Misee 3:5

Aɔ̃ Lafɛ̃ɛ í fɔ ide si gãmɛi walii ŋa iyi à ya maa nyɔ inɛm ŋa, í ni, bii à mu nŋa ngɔgɔ, idei laakai ku sũi à ya fɔ. Amma inɛ ŋa iyi a kù mu nŋa ngɔgɔ, idei igũi à ya fɔ.

Abakuku 1:6

Inɛi Babilɔni ŋai an jɔ̀ a faata si ŋɛ wa. Inɛ kugaabu ŋai nɔ à ya maa nɛi gbãa gbãa si ilɛ ŋa iyi kù jɛ tu ŋa, nɔ a maa gba ŋa.

Sofoni 1:13

Aa ce asɔɔi amani nŋa ŋai, nɔ aa lɛgɛ kpasɛ̃ nŋa ŋa. Aa maa ile ŋa, amma a kaa ba a sũ si. Aa lɔ jĩi ndii rezɛ̃ɛ ŋa, amma a kaa ba vɛ̃ɛ a mɔ.

Titee 1:11

Í gbe a ganji ŋa, domi à waa bitandi nyaanze nkpɔ si bɛi à ya maa cio nŋa mii iyi kù jɔ. À ya maa ce bɛɛbɛi ku ba a baò fia do bisi laalɔ.

Titee 1:7

Ntɔ ntɔ, inɛ ngboi igbɛui á jɛ inɛ iyi á maa dasi icɛ iyi inɛ ŋa à waa cea Ilaaɔ̃ iju. Na nŋu í gbe ku jɛ hai nɛ taale. Kù sĩa ku jɛ ilu faau, walakɔ ilu idɔɔkɔ̃, walakɔ woo mɔ atɛ̃ hee ku kpaa, walakɔ woo bi ija, walakɔ inɛ iyi wa bi ku ba fia do bisi laalɔ.