Zeremi 8:1 - Bibeli do fee

¹ Ŋɔi Aɔ̃ Lafɛ̃ɛ í ni, waati bɛɛbɛ aa nya kũkũi ilaalui Zudaa ŋa wa hai si inɔ balɛ nŋa ŋa do ti akawe nŋa ŋa do ti woo wee ŋa do ti walii ŋa do ti inɛi Zeruzalɛmu ŋa.

Zeremi 8:1 Iomraidhean Croise

Ilaalu 1, 13:2

Ŋɔi waliiu í lasi bi kuweeu í ni, bi kuwee, bi kuwee, ide iyi Aɔ̃ Lafɛ̃ɛ í fɔ wee. Í ni, aa na a bí ama gɔ si nyaanzei Davidi nɔ a kpoo Zoziasi. Nŋui á kpa woo ce kuwee ŋa si antaii geete ŋau, aŋa iyi à ya maa jo tuae ŋau, nɔ nŋui á jo kũkũi amanɛ ŋa si antaiɛ.

Ilaalu 2, 23:16

Ŋɔi Zoziasi í sinda í cɔ ilu nɔ í yɛ balɛ ŋa iyi à wa si antaii iri kutau, ŋɔi í bɛ inɛ ŋa a koo a ko kũkũi balɛ ŋau wa. Nɔ í na í jo ŋa si bi kuweeu í jɔ̀ í riisi. Bɛɛbɛi Zoziasi í ce mii iyi Aɔ̃ Lafɛ̃ɛ í tako í ni waliiɛ ku sɔ̃ Zeroboamuu wo.

Ilaalu 2, 23:20

Ŋɔi í saka woo wee ŋau fei si antaii bi kuwee ŋa iyi à wa bɛu, nɔ í jo kũkũi amanɛ ŋa si, í bɛi í nyi Zeruzalɛmu.

Ilaalu 2, 9:37

Nɔ ikɔ̃i araɛ ŋa iyi à gbeu fei aa fangaaɛi bɛi taasi si iko hee a kaa yɔkɔ a ni, balɛi Zezabɛlii ihɛ̃.

Iri ku kɔ̃ 53:5

Ŋɔi Ilaaɔ̃ í ni, ntɔ ntɔ, woo ce laalɔ ŋau ihɛ̃, a kù nɛ kumà kãma. Aŋa iyi à waa ŋɔ inɛm ŋa bɛi à ya ŋɔ pɛ̃ɛ, nɔ a kù waa tɔɔm ajɔ kãma.

Zeremi 14:16

Nɔ inɛ ŋa iyi à waa cea walii ŋau, an kɛkɛ ŋai si kpãai Zeruzalɛmu ŋau na ari do igũ iyi á ceu. Inɛ kãma kaa wɛɛ iyi a si aŋa taka nŋa hee má jɛ abo nŋa ŋa. A kaa si ama inɛmɔkɔ nŋa ŋa hee má jɛ ama inaabo nŋa ŋa. An jɔ̀ inɔ kukã nŋa ku cuku si irii aŋa taka nŋai.

Ezekiɛli 37:1

Aɔ̃ Lafɛ̃ɛ í mum do awɔ gbugbãɛ, nɔ í jɔ̀ hundeɛ í bɔòm hee si aninii lɔɔma gɔ iyi í kɔ̃ do kũkũ ŋa.

Ezekiɛli 6:4

Bi ku ce kuwee nŋɛ ŋa do bi ku jo tuae nŋɛ ŋau aa lɛgɛ ŋai. An jɔ̀ inɛ nkpɔ nŋɛ ŋa a ku si wajui iwɛ̃ nŋɛ ŋau.

Ezekiɛli 6:5

An jilɛ ikui inɛi Izirɛli ŋai si wajui iwɛ̃ nŋa ŋa nɔ n fangaa kũkũ nŋa ŋa n kaakoò bi kuwee nŋa ŋau.

Amɔsu 2:1

Aɔ̃ Lafɛ̃ɛ í ni, dulum dii inɛi Moabu ŋa í la. Na nŋu, an jɔ̀ ijuukpã ku ba ŋai ntɔ ntɔ, domi aŋai à jo kũkũi ilaalui Edɔmuu í ce ilúlu.