Zeremi 7:9 - Bibeli do fee

⁹ Mii iyi ì ya maa ce ŋa wee. Ile do inɛ ku kpa do sakara do kugbasi ku ce si ibo do iwɛ̃ Baali ku joa tuae do iwɛ̃ mmu ŋa iyi i kù mà ŋa ku tɔɔ.

Zeremi 7:9 Iomraidhean Croise

Ilaalu 1, 18:21

Ŋɔi Elii í sɛkɛɛ si zamaau nɔ í ni, hee waati yoomai aa jɔ̀ idɔ minji nŋɛ ŋa. Bii í jɛ ì yɔɔ iyi Aɔ̃ Lafɛ̃ɛi í jɛ ntɔ ŋa i tɔɔɛ, bii Baali mɔi i tɔɔɛ ŋa. Amma zamaau kù jɛaa ide kãma.

Kufita 20:3

[Na nŋu, ide iyi ǹ wa n jilɛ nŋɛ wee.] I maà tɔɔ ngɔgɔ má ŋa bii kù jɛ amu akã.

Ezai 1:13

Amua nŋɛ ŋau a kù nɛ aranfãani kãma. I maà naaò wa má. I leekĩ cuai kuwee nŋɛ ŋau ŋa, domi mii laalɔi bi tom. I leekĩ jingaui cukpa titɔ̃ ŋau ŋa do ti ajɔi kusĩmi ŋau hee do ti iyi à gbe ŋau fei. N kaa n gba kutɔɔ iyi í tɔtɔɔò laalɔ.

Ezai 58:2

Ajɔ do ajɔ à ya sinda wa bi titom nii. À bi aŋa a mà kpãam ŋa bɛi dimi gɔ iyi wa ce iyi í jɛ dee dee, nɔ kù sinda kù toa asaiyai amu Aɔ̃ Lafɛ̃ɛɛ anyi. À waa tɔɔ n ceaa aŋa kiiti iyi í jɛ dee dee, nɔ à bi aŋa a sɛkɛɛ si amu Ilaaɔ̃ wa.

Zeremi 1:16

An jɔ̀ ide iyi ǹ fɔ si gãmɛi inɛm ŋau fei ku ba ŋai na laalɔ ku ce nŋau, si na iyi í jɔ̀ à kɔ̀sim nɔ à waa cea iwɛ̃ ŋa kuwee do tuae, do si na iyi í jɔ̀ à ya maa sɛɛbata si wajui icɛi awɔ nŋa ŋa.

Zeremi 11:13

Kukpɔi iwɛ̃i inɛi Zudaa ŋau do kukpɔi ilu nŋa ŋau fei à waa mungai. Si ilui Zeruzalɛmu, bi kuwee ŋa iyi à ce do kukpɔi kpãaɛ ŋau fei à waa mungai. Si bi kuwee ŋau bɛi à ya cea iwɛ̃ Baali iyi à ya kpe anyɔu kuwee ŋa.

Zeremi 11:17

Amu Aɔ̃ Lafɛ̃ɛi lele do ilɛ, amu iyi ǹ lɔ jĩi nɔu, amui an jɔ̀ laalɔ ku naa siɛ wa na laalɔ iyi iŋɛ kpasɛ̃i Izirɛli do Zudaa ì cea ara nŋɛ ŋa waati iyi ì dede idɔɔkɔ̃m ŋa na kuweei tuae ku dɔ̃ inunu iyi ì koo ì waa cea iwɛ̃ iyi à ya kpe Baaliu ŋa.

Zeremi 13:10

Inɛ ŋau inɛ laalɔ ŋai iyi à kɔ̀ ku gbɔ idem ŋa. Inɛ ŋai iyi à waa nɛ si idɔ kulele nŋa, nɔ à nɛ anu akã do iwɛ̃ ŋa. À ya koo a gulɛ a maa tɔɔ ŋa nɔ à ya maa sɛɛbata nŋa. Inɛ ŋau aa baa a yɛi bɛi kungbãu ihɛ̃ iyi kaa ce saalu kãma gɔ má.

Zeremi 18:15

To, inɛm ŋa wee à gbɛjɛm. À koo à waa cea iwɛ̃ ŋa kuwee. Iwɛ̃ ŋaui à waa dasi ŋa isɛ ku ko si kpãa nŋa ŋa iyi à mà hai tako wo, nɔ à koo à waa nyaa ara nŋa kpãa titɔ̃ ŋa.

Zeremi 19:4

Ntɔ ntɔ, inɛi Zudaa ŋau à fũsim awɔi. À jɔ̀ inɛ ŋa a kù mà inyau ihɛ̃. Iwɛ̃ ŋai à ya maa joa tuae ku dɔ̃ inunu ŋa. Iwɛ̃ ŋau aŋa taka nŋa a kù mà ŋa, nɔ bala nŋa ŋa a kù mà ŋa, nɔ ilaalui Zudaa ŋau mɔ a kù mà ŋa. Nɔ à jɔ̀ inyau í kɔ̃i do njɛi inɛ ŋa iyi a kù nɛ taale kãma.

Zeremi 32:29

Inɛi Kaladee ŋa iyi aa naa si iluu aa lɔ wai, nɔ aa dasi iluu inai a joo do ile ŋa iyi si antai nŋa à ya cea iwɛ̃ iyi à ya kpe Baaliu kuwee do tuae, nɔ à ya nyi a cea iwɛ̃ mmu gɔ ŋa kuwee do atɛ̃ vɛ̃ɛ má a dedeò idɔɔkɔ̃m.

Zeremi 44:3

na laalɔ iyi à ce à dedeò idɔɔkɔ̃m. Iwɛ̃ ŋai à ya maa tɔɔ nɔ a maa ce nŋa kuweei tuae ku dɔ̃ inunu iyi à ya jo si ina. Iwɛ̃ ŋau bɛ, aŋa taka nŋa a kù mà ŋa hee má jɛ bala nŋa ŋa.

Zeremi 44:8

Nɔ mii iyi ì waa ce ŋaui á dede idɔɔkɔ̃m. Tuae ku dɔ̃ inunu iyi ì waa joa iwɛ̃ ŋa si ilɛi Ezibiti bii ì naa ì buba ŋau bɛi á jɔ̀ a nya ŋɛ hai bi titom i baa i jɛ dɔ̃anyi nɔ i kaa nɛ bɛɛrɛ bi inɛi ilɛ ŋau ihɛ̃ fei ŋa.

Zeremi 44:9

Ì gbɛjɛ idei laalɔ ŋa iyi bala nŋɛ ŋau à ce ŋai? Laalɔ ŋa iyi ilaalui Zudaa ŋa à ce do laalɔ ŋa iyi abo nŋa ŋau à ce, ì gbɛjɛ ŋai? Laalɔ ŋa iyi ì ce ŋa do iyi abo nŋɛ ŋau à ce si ilɛi Zudaa do si kpãa ŋa iyi à wa inɔ ilu Zeruzalɛmuu, ì gbɛjɛ ŋai?

Zeremi 48:35

Nɔ hai Moabu, inɛ ŋa iyi à ya maa bɔ geete bii à ya ce kuwee ŋau, kuwee ŋa ku cea iwɛ̃ nŋa ŋau fei, an kpa iri nŋai. Amu Aɔ̃ Lafɛ̃ɛi ǹ fɔ bɛɛbɛ.

Zeremi 5:2

Baa bii à waa ce kugbasi à waa ni, ǹ gbasi do irii Aɔ̃ Lafɛ̃ɛ nŋu iyi í wɛɛ, si iboi à ya maa ceò kugbasiu.

Zeremi 5:7

Na mii á jɔ̀ amu Aɔ̃ Lafɛ̃ɛ n ceɛ suuru, Zeruzalɛmu. Amaɛ ŋa à kɔ̀sim. À waa ce kugbasi do irii iwɛ̃ ŋa iyi a kù jɛ Ilaaɔ̃. Ǹ na ŋa bukaatai mii iyi à nɛ fei, amma à wasi sakara ku ce. À na ara nŋai mam mam si sakarau ku ce,

Zeremi 7:6

nɔ i kù waa kpã inɛ njoo do kɔyɔ do jaaɔ̃ ŋau iju ŋa, bii i kù waa kpa hai nɛ taale gɔ si inyau ihɛ̃ ŋa, nɔ i kù waa too iwɛ̃ ŋa iyi aa jɔ̀ laalɔ ku ba ŋɛ,

Ezekiɛli 18:18

Baaɛ iyi í taa inɛ mmu ŋa gbugbã, í ce inɛ ŋa ile, í cea inɛɛ ŋa mii iyi kù sĩa, nŋui á ku na kuraraɛ.

Ezekiɛli 20:30

Na nŋu, sɔ̃ inɛi Izirɛli ŋau i ni amu Aɔ̃ Lafɛ̃ɛ ǹ ni, i maà riisi ara nŋɛ ŋa bɛi bala nŋɛ ŋau. I maà jɔ̀ lasabui iwɛ̃ ŋa ku tɔɔ iyi í yɛ bɛi sakara ku ce ku wa si idɔ nŋɛ.

Ezekiɛli 23:39

Ajɔ iyi à so ama nŋa ŋa à na iwɛ̃ ŋa a jɛ sɔnda nŋau, ajɔ nŋu bɛi à riisi kpasɛ̃m nɔu. Hee si aninii kpasɛ̃m nii à ce iyi bɛ fei.

Ezekiɛli 5:11

Si bɛi à riisi kpasɛ̃m nɔu do kuce laalɔ nŋa ŋa do iwɛ̃ nŋa ŋa, amu Aɔ̃ Lafɛ̃ɛ ǹ wa n fɔɔi do kugbasi iyi an fa wajum nii hai bi tu ŋa. N kaa n ce araare nŋa, nɔ n kaa n jɔ̀ inɛ kãma ku fita si.

Ozee 2:13

An jɔ̀ inɔ didɔ̃ɛ fei ku leekĩi. Nɔ hai jingauɛ ŋa, do jingaui ajɔi cukpa titɔ̃ɛ ŋau, do ajɔi kusĩmiɛ ŋau hee do waati si bii à ya ko a ce jingau ŋau fei, aa leekĩi.

Ozee 6:9

Do yaase bɛi wuaai sooge ŋa, à ya maa manjia inɛ ŋa ku ba a kpa ŋa, do yaase bɛɛbɛi wuaai woo wee ŋau à ya manjia inɛ ŋa a maa kpa ŋa si kpãai Sikɛmu. Nɔ iyi bɛ, mii laalɔi.

Amɔsu 4:5

I koo i ceem kuweei saabu do pɛ̃ɛ ku nɛ levɛ̃ɛ. I fɔ idei amua nŋɛ ŋau si bantuma, domi iŋɛ inɛi Izirɛli ŋa bɛɛbɛi ì bi ŋa. Amu Aɔ̃ Lafɛ̃ɛi ǹ fɔ bɛɛbɛ.

Sofoni 1:5

Inɛ ŋa iyi à ya gũ antaii ile sikifa ŋa a maa tɔɔ cukpa do leleaɔ̃ ŋa, an ce nfei aŋa feii. Inɛ ŋa mɔ iyi à ya maa tɔɔm, nɔ a tɔtɔɔ a maa ceò kugbasi do irii iwɛ̃ iyi à ya kpe Molɔkuu, an ce nfe nŋai.

Malasi 3:5

An naa si ŋɛi n na n kiiti ŋɛ. An dede si woo ce dobu dobu ŋa do woo ce sakara ŋa, do woo ce kugbasi si ibo ŋa do si inɛ ŋa iyi à waa taa woo ce icɛ ŋa iyi à nɛ a ba isã do jaaɔ̃ ŋa do kɔyɔ ŋa do isɛ mmu ŋa gbugbã, nɔ a kù mà bɛɛrɛm. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Romu 2:2

Do ntɔ, à mà iyi Ilaaɔ̃ í nɛ ntɔ bii wa yɛ taalei inɛ ŋa iyi à waa ce dimi bɛɛbɛ.

Wooda ku kɔsi 32:17

Iwɛ̃ ŋai à ya maa cea kuwee. Iwɛ̃ ŋau a kù nɔ a kù jɛ Aɔ̃ Lafɛ̃ɛ. Iwɛ̃ ŋai iyi aŋa taka nŋa a kù mà ajɔ kãma. Iwɛ̃ ŋau, baa nŋa ŋa a kù nɛ dɔ̃ɔnɛi ku tɔɔ ŋa.

Kuyɛi Zãa 21:8

Amma inɛ ŋa iyi à mɔngɔ do hai dasi naanɛ ŋa do woo ce laalɔ ŋa do woo kpa inɛ ŋa do woo ce sakara ŋa, do woo ce dobu dobu ŋa do woo tɔɔ iwɛ̃ ŋa do woo sɔ ibo ŋa fei aa ba ikpɛ̃ nŋa si ina nla iyi wa jo do fainwitau. Iyi bɛi í jɛ iku minjisiau.

Kuyɛi Zãa 22:15

Amma anyii iluui woo ce laalɔ ŋa aa wa do woo ce dobu dobu ŋa do woo ce sakara ŋa do woo kpa inɛ ŋa do woo tɔɔ iwɛ̃ ŋa do inɛ ŋa iyi à bi ibo nɔ à ya maa sɔ ibou fei.

Woo kiiti ŋa 5:8

Iwɛ̃ ŋai inɛ ŋau à ya maa tɔɔ. Ŋɔi anu akã igũ í dede, nɔ a kù nɛ tɛli hee má jɛ kaka iyi aa na amanɛ dubu ciiji (40.000) si ilɛi Izirɛli.