Zeremi 7:8 - Bibeli do fee

⁸ Amma iŋɛ wee naanɛ nŋɛ í wai si ide ibo ŋa iyi kaa nɛ nŋɛ aranfãani kãma.

Zeremi 7:8 Iomraidhean Croise

Ezai 28:15

Ì fɔ ì ni iŋɛ ì dĩ akabuu do iku ŋa. Ì dĩ akabuu do bi kuwai iku ŋa. Ì fɔ ì ni ŋa waati iyi wahala á na ku naa, kaa ba ŋɛ. Ì ni má ŋa iboi á jɛ bi kuwa nŋɛ, nɔ mii iyi kù jɛ ntɔi á jɛ bi ku manji nŋɛ.

Ezai 30:10

Aŋai à ya sɔ̃ woo ce kuyɛ ŋa a maa ni, i maà yɛ ngɔgɔ ŋa. Nɔ à ya sɔ̃ walii ŋa a maa ni, i maà ce kuyɛ iyi í jɛ dee dee si gãmɛ nwa ŋa. I ya sɔ̃ wa idei mii ŋa iyi á dɔ̃ nwa si, nɔ i ya ce nwa kuyɛ ŋa iyi a kù jɛ ntɔ.

Ezai 59:4

Ide ŋa iyi ì ya bɔò ile bi ku ce kiiti ŋa ci ya jɛ dee dee. Inɛ kãma nŋɛ gɔ ci ya bɔ bi ku ce kiiti do ide iyi wa too kpãa. Si inya ngbɛi naanɛ nŋɛ í ya wa, nɔ ide ku fɔ nŋɛ ŋa kãma ci ya nɛ icu. Lasabu nŋɛ si inɛ ŋa ku kpã ijui í ya wa, nɔ iri ku kpaɛ, laalɔi í ya na ku bí.

Zeremi 13:25

Ŋɔi Aɔ̃ Lafɛ̃ɛ í ni má, mii iyi á baɛ mbɛ, nɔ ikpɛ̃ iyi amu Aɔ̃ Lafɛ̃ɛ ǹ wã ǹ jilɛɛ mbɛ, si na iyi í jɔ̀ ì gbɛjɛm nɔ ì dasi naanɛɛ si ibo.

Zeremi 23:26

Hee waati yoomai walii ilu ibo ŋau bɛ aa kɔ̀ a nɛ idɔi a maa mɔsi do walii ibo ŋa ku ceu. Lasabu yoomai walii ŋau ihɛ̃ à ya nɛ, waati iyi à waa sɔ ibo bɛɛbɛ, waati iyi à bu ide nŋa à waa fɔ à waa dĩò ijui inɛ ŋa bɛɛbɛ.

Zeremi 23:32

Ǹ kɔ̀ idei si gãmɛi woo ce walii ibo ŋau bɛ. Aŋa iyi à ya maa sisi idei àla ibo nŋa ŋa nɔ à dasi inɛm ŋa ku nyɔ do idei faau nŋa. Inɛ ŋau bɛ, kù jɛ amui ǹ bɛ ŋa wa, nɔ kù jɛ amui ǹ na ŋa wooda kãma, nɔ a kù jɛaa inɛm ŋau sobi kãma.

Zeremi 28:15

Ŋɔi walii Zeremi í sɔ̃ walii Hanania í ni, Hanania, sotĩ i gbɔ. Kù jɛ Aɔ̃ Lafɛ̃ɛi í bɛɛ wa, nɔ ì jɔ̀ zamaau ihɛ̃ í dasiɛ naanɛ si ibo.

Zeremi 4:10

Ŋɔi ǹ ni, Aɔ̃ Lafɛ̃ɛ, debɛi ì lɛlɛ zamaau do inɛi Zeruzalɛmu ŋaui iyi ì ni, aa ba laakai ku sũ, nɔ waati nŋui taakuba wa kpa ŋa.

Zeremi 5:31

Walii ŋa à waa ce walii do ibo. Woo wee ŋau à waa ce idɔɔbi nŋa. Nɔ iyi bɛi wa jɛa zamaam inɔ didɔ̃. Amma bɛirei aa ce ŋa na waju ku bɔi ilɛu.

Zeremi 7:4

I maà jɔ̀ naanɛ nŋɛ ku wa si ide ibo ŋau i maa ni ŋa, ihɛ̃i í jɛ kpasɛ̃i Aɔ̃ Lafɛ̃ɛ, ihɛ̃i í jɛ kpasɛ̃i Aɔ̃ Lafɛ̃ɛ.

Zeremi 8:10

Ŋɔi Aɔ̃ Lafɛ̃ɛ í ni, na nŋu, an na inɛ mmu ŋa abo nŋa ŋa. Nɔ iko nŋa ŋa mɔ, n na inɛ ŋa iyi aa mu ŋa a nɛò ŋau. Bɛɛbɛi an ce nŋa, domi hai inɛ ŋa iyi à kere à re hee ku koo si inɛ ŋa iyi à la à re, aŋa fei kuba nŋai à waa yɔ si iju. Hai walii ŋa hee ku koo si woo wee ŋa, aŋa fei ilu ibo ŋai.