Zeremi 7:7 - Bibeli do fee

⁷ an jɔ̀ ŋɛ i wa si inyau ihɛ̃ ŋa, si ilɛ iyi ǹ muaa bala nŋɛ ŋa hai ku kpɛ hee do ajɔ fei.

Zeremi 7:7 Iomraidhean Croise

Bomma 2, 33:8

Bii inɛi Izirɛli ŋau à waa ceò ide iyi ǹ sɔ̃ ŋa fei icɛ, bii à waa jirima wooda do ikɔ iyi Moizi woo ce icɛm í na ŋa, n kaa n nya ŋa hai si ilɛ iyi ǹ jilɛa bala nŋa ŋau.

Kufita 22:22

Bii ì waa fɔ inɔ nŋa ŋa nɔ à tɔɔm faaba, an gbɔ anu ku dɔ̃ nŋa.

Ezai 1:19

Bii ì na ara nŋɛ i gbɔ idem nɔ i jirimam ŋa, aa ba amaajɛ jiidai ilɛu i jɛ ŋa.

Zeremi 25:5

Aɔ̃ Lafɛ̃ɛ wa sɔ̃ ŋɛ wa ni, i jɔ̀ kpãa laalɔ iyi ì waa too ŋau ŋa, nɔ i jɔ̀ inɔ kukã ku ce nŋɛ ŋau nɔ i sinda i baa wa ŋa bi amu Aɔ̃ Lafɛ̃ɛ nɔ i buba si ilɛ iyi ǹ muaa iŋɛ do bala nŋɛ ŋau hee do ajɔ fei.

Zeremi 26:13

Bɛbɛi, i teese isɛɛnɛ nŋɛ ŋa nɔ i kpaasi kuce nŋɛ ŋa. I sotĩ i gbɔ idei Aɔ̃ Lafɛ̃ɛ nŋɛ ŋa ku ba ku fũsi laalɔ iyi í dasi idɔ nŋu ku ce nŋɛu awɔ.

Zeremi 3:18

Si waati nŋu, kpasɛ̃i Zudaa do ti Izirɛli aa tɔtɔɔi a maa nɛ. Aa ya dede wai ajɔ hai ilɛi awɔ njɛi kpãai inunu, a naa si ilɛ iyi ǹ muaa bala nŋɛ ŋau.

Zeremi 35:15

Ǹ bɛ si iŋɛ fei walii woo ce icɛm ŋa wa. N kù gbɛɛjiò ku bɛ ŋa wa a naa a sɔ̃ ŋɛ a ni, iŋɛ fei i jɔ̀ kpãa laalɔ nŋɛ i sinda i baa wa ŋa. I teese kuce nŋɛ ŋa, nɔ i maà nɛ anu akã do iwɛ̃ ŋa hee i koo i maa tɔɔ ŋa ŋa. Do yaase bɛɛbɛ, an jɔ̀ i buba si ilɛ iyi ǹ muaa iŋɛ do bala nŋɛ ŋau. Amma wee i kù jɛ ku sotĩ ku gbɔ nɔ i kù jirimam ŋa.

Zeremi 4:1

Ŋɔi Aɔ̃ Lafɛ̃ɛ í ni, awɔ Izirɛli bii ì sinda ì nyi wa bi tom, nɔ i kù waa mɔsi do laalɔɛ ŋau ku ce si wajum, i kaa nɛ i maa sa hai nɛ kɔɔ má.

Sofoni 3:7

Nɔ ǹ fɔ ǹ ni, awɔ Zeruzalɛmu bii í jɛ ì mà bɛɛrɛm wo, nɔ ì jɛsi ì gba ikɔm wo, n kaa n ce nfei kuwɛɛɛ. Waati iyi ǹ wa n kpã inɛɛ ŋa iju fei, à ya hanya a maa mɔsi laalɔ ku cei si isɛɛnɛ nŋa ŋau fei.

Wooda ku kɔsi 4:40

Na nŋu, i ceò wooda ikã ikã ŋa iyi ǹ wa n na ŋɛ nnyiu ihɛ̃ icɛ ŋa, ku ba i wɛɛò inɔ didɔ̃ ŋa, iŋɛ do ama nŋɛ ŋa do tɔku nŋɛ ŋa, nɔ ajɔ nŋɛ ŋa ku kpɔ ku kɔ̃ɔsi si ilɛ iyi Aɔ̃ Lafɛ̃ɛ nŋɛ í mu nŋɛu hee do ajɔ fei.