Zeremi 7:6 - Bibeli do fee

⁶ nɔ i kù waa kpã inɛ njoo do kɔyɔ do jaaɔ̃ ŋau iju ŋa, bii i kù waa kpa hai nɛ taale gɔ si inyau ihɛ̃ ŋa, nɔ i kù waa too iwɛ̃ ŋa iyi aa jɔ̀ laalɔ ku ba ŋɛ,

Zeremi 7:6 Iomraidhean Croise

Ilaalu 2, 21:6

Nɔ í so ama inɛmɔkɔɛ í joo í ceò kuwee. Í ya ce alisi nɔ í ce dobu dobu ŋa. Nɔ í jilɛ inɛ ŋa iyi à ya ba iku ŋa ide ku fɔ má nɔ à ya fɔ mii iyi á na ku ce. Í ce mii iyi kù dɔ̃a Aɔ̃ Lafɛ̃ɛ si í dedeò idɔɔkɔ̃ɛ.

Ilaalu 2, 24:4

do si na iyi í jɔ̀ í dikã njɛi hai nɛ taale ŋa hee í kɔ̃ ilui Zeruzalɛmu. Nŋu ŋau bɛ feii í jɔ̀ Aɔ̃ Lafɛ̃ɛ kù bi ku ce nŋa suuru má.

Iri ku kɔ̃ 106:38

À dikã njɛi ama inɛmɔkɔ do ti ama inaabo nŋa ŋa iyi a kù ce taale kãma. Ama nŋa ŋaui à ceaò iwɛ̃i Kanaã ŋau kuwee, nɔ ilɛu í so riisi na njɛi amu ŋa iyi à dikãu.

Mɔnda ŋa 23:10

Maà tekĩò kɔɔ nwo. Maà lɔ si buɛi kɔyɔ ŋa,

Ezai 59:7

Ì ya maa sɛi ŋai do kutɛ gbãa ku ba i koo i ce laalɔ ŋa. Nɔ ì ya ce saasa ŋai i koo i kpa inɛ iyi kù ce taale kãma. Mii iyi ì waa lele si lasabu nŋɛ ŋa nŋu akãi í jɛ laalɔ ku cea inɛ ŋa. Laalɔ do inɔ kukãi í ya wa si kpãa nŋɛ ŋa.

Zeremi 13:10

Inɛ ŋau inɛ laalɔ ŋai iyi à kɔ̀ ku gbɔ idem ŋa. Inɛ ŋai iyi à waa nɛ si idɔ kulele nŋa, nɔ à nɛ anu akã do iwɛ̃ ŋa. À ya koo a gulɛ a maa tɔɔ ŋa nɔ à ya maa sɛɛbata nŋa. Inɛ ŋau aa baa a yɛi bɛi kungbãu ihɛ̃ iyi kaa ce saalu kãma gɔ má.

Zeremi 19:4

Ntɔ ntɔ, inɛi Zudaa ŋau à fũsim awɔi. À jɔ̀ inɛ ŋa a kù mà inyau ihɛ̃. Iwɛ̃ ŋai à ya maa joa tuae ku dɔ̃ inunu ŋa. Iwɛ̃ ŋau aŋa taka nŋa a kù mà ŋa, nɔ bala nŋa ŋa a kù mà ŋa, nɔ ilaalui Zudaa ŋau mɔ a kù mà ŋa. Nɔ à jɔ̀ inyau í kɔ̃i do njɛi inɛ ŋa iyi a kù nɛ taale kãma.

Zeremi 2:30

Ǹ kpã ama nŋɛ ŋa ijui si ngbɛ. A kù ce laakai si mii iyi í ba ŋau. Do taakuba nŋɛi ì kpaò walii nŋɛ ŋa, bɛi muusu nla kugaabu.

Zeremi 2:34

Iŋɛ woo ce laalɔ ŋa, njɛi ilu are hai nɛ taale ŋa í wa si ibɔ nŋɛ ŋa. A kù nɔ a kù ga gambo nŋɛ ŋa.

Zeremi 26:15

Amma mii iyi ì nɛ i mà ŋa wee. Bii ì kpam ŋa, hai nɛ taalei ì kpa ŋa bɛ, nɔ njɛm ku dikãɛ á jɛ idei iri nŋɛ, iŋɛ do zamaai iluu ihɛ̃ fei, domi ntɔ ntɔ Aɔ̃ Lafɛ̃ɛi í bɛm wa bi tu ŋɛ n naa n sɔ̃ ŋɛ ide ŋau bɛ fei.

Zeremi 26:23

Inɛ ŋau à koo à mu Uria wa à baaɛ wa à koo à na ilaalu Zoakimu, nɔ í jɔ̀ à gũu do taakuba à kpaa, à bɛi à so ikuɛu à koo à dasi inɔ balɛ bii à si zamaa nkpɔ nkpɔ.

Zeremi 35:15

Ǹ bɛ si iŋɛ fei walii woo ce icɛm ŋa wa. N kù gbɛɛjiò ku bɛ ŋa wa a naa a sɔ̃ ŋɛ a ni, iŋɛ fei i jɔ̀ kpãa laalɔ nŋɛ i sinda i baa wa ŋa. I teese kuce nŋɛ ŋa, nɔ i maà nɛ anu akã do iwɛ̃ ŋa hee i koo i maa tɔɔ ŋa ŋa. Do yaase bɛɛbɛ, an jɔ̀ i buba si ilɛ iyi ǹ muaa iŋɛ do bala nŋɛ ŋau. Amma wee i kù jɛ ku sotĩ ku gbɔ nɔ i kù jirimam ŋa.

Zeremi 5:28

À jɛ à ce ikpo, nɔ à kpa kaato. Laalɔ nŋa í caa. A ci ya kɔ̀ò kɔyɔ do ilu are. A ci ya na ŋa ntɔ, si mii iyi í jɛ tu ŋa. A ci ya jirima asaiya nŋa. Amma aŋa, wũa nŋa wa bɔ waju.

Zeremi 7:5

Bii ì teese kpãa nŋɛ do kuce nŋɛ ŋa, bii ì waa fũa njɛ inɔ ŋa,

Zeremi 7:9

Mii iyi ì ya maa ce ŋa wee. Ile do inɛ ku kpa do sakara do kugbasi ku ce si ibo do iwɛ̃ Baali ku joa tuae do iwɛ̃ mmu ŋa iyi i kù mà ŋa ku tɔɔ.

Kukpata 4:13

Wahalau í naai na dulum dii walii ŋau do kurarai woo wee ŋau, domi aŋai à kpa inɛ dee dee ŋa si inɔ iluu.

Ezekiɛli 18:6

Lafɛ̃ɛ ci ya jɛ ijɛi kuwee ŋa si iri kuta ŋa nɔ ci ya gulɛ ku tɔɔ iwɛ̃i inɛi Izirɛli ŋa. Ci ya dasi aboi ngu ŋa anyɔ, nɔ ci ya tɔtɔɔ sɛ̃ɛ do inaabo gɔ waati iyi wa ce awɔ ku mu.

Ezekiɛli 22:7

Bi tu ŋɛ, inɛ ŋa à donda iyeò baa nŋa ŋa. Inɛ ŋa à ya maa takii inɛ njoo ŋa, nɔ à ya maa taa kɔyɔ ŋa do jaaɔ̃ ŋa gbugbãi.

Kuwee 19:33

Bii inɛ njoo gɔ í naa í wa ilɛ nŋɛ, i maà ya taa gbugbã ŋa.

Kuwee 25:17

I jirimam ŋa, amu iyi ǹ jɛ Aɔ̃ Lafɛ̃ɛ nŋɛ, nɔ i maà takii inɛ nŋɛ kãma gɔ.

Malasi 3:5

An naa si ŋɛi n na n kiiti ŋɛ. An dede si woo ce dobu dobu ŋa do woo ce sakara ŋa, do woo ce kugbasi si ibo ŋa do si inɛ ŋa iyi à waa taa woo ce icɛ ŋa iyi à nɛ a ba isã do jaaɔ̃ ŋa do kɔyɔ ŋa do isɛ mmu ŋa gbugbã, nɔ a kù mà bɛɛrɛm. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Matie 27:25

Ŋɔi inɛ ŋau fei à jɛ à ni, kunikãi njɛɛu ku jɛ idei irii awa do ama nwa ŋa.

Matie 27:4

Í sɔ̃ ŋa í ni, ǹ ce dulum si bɛi ǹ zamba inɛ dee deeu ihɛ̃ a kpaa. Amma à jɛaa à ni, yoomai í yɛ wa. Í jɛ idei iriɛ.

Wooda ku kɔsi 11:28

Ikpe mɔi á nɔ ku jɛ tu ŋɛ bii i kù waa jirima woodai Aɔ̃ Lafɛ̃ɛ nŋɛ do bii ì sinda ì jɔ̀ kpãa iyi ǹ nyisi ŋɛ nnyiu ihɛ̃ nɔ ì koo ì waa tɔɔ iwɛ̃ ŋa.

Wooda ku kɔsi 24:17

I maà ti i cea inɛ njoo walakɔ kɔyɔ gɔ kiiti ibo. Nɔ i maà gba acɔi abo jaaɔ̃ gɔ ku jɛ bɛi tɔɔma.

Wooda ku kɔsi 27:19

Ikpei á jɛ ti inɛ iyi kù cea inɛ njoo kiiti dee dee, walakɔ kɔyɔ walakɔ inaabo jaaɔ̃ gɔ. Nɔ zamaau fei á jɛi ku ni, ami.

Wooda ku kɔsi 8:19

Bii ì gbɛjɛ Aɔ̃ Lafɛ̃ɛ nŋɛ, nɔ ì sinda ì nyi ikpa bi iwɛ̃ ŋa, nɔ ì koo ì waa tɔɔ ŋa ŋa, nɔ ì waa gulɛ nŋa ŋa, ǹ wa n sɔ̃ ŋɛi nnyi iyi ntɔ ntɔ aa ku ŋai.

Zaaki 1:27

Kpãai Ilaaɔ̃ ku too iyi í má nɔ kù nɛ riisi kãma iyi Ilaaɔ̃ Baaba í jilɔɔ si í jɛ ntɔ, nŋui í jɛ inɛ ku ya ce araarei kɔyɔ ŋa do jaaɔ̃ ŋa iyi à waa wahala, nɔ ku mà araɛ ku mu si laalɔ yaamɔi andunya.