Zeremi 7:3 - Bibeli do fee

³ Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋa í ni, i teese kpãa nŋɛ ŋa do kuce nŋɛ ŋa. Nɔ n jɔ̀ ŋɛ i wa si inyau ihɛ̃ ŋa.

Zeremi 7:3 Iomraidhean Croise

Ilaalu 2, 17:13

Aɔ̃ Lafɛ̃ɛ í tako í sɔ̃ waliiɛ ŋau fei í ni a sɔ̃ inɛi Izirɛli ŋau do inɛi Zudaa ŋau a ni, i jɔ̀ kuce laalɔ nŋɛ nɔ i jirima woodam do idem ŋa. Nɔ i too si wooda iyi ǹ jɔ̀a bala nŋɛ ŋau do iyi ǹ bɛò walii woo ce icɛm ŋau wa mam mam ŋa.

Ɛsidarasi 10:11

Nsɛi í sĩa i ce tuubai dulum du ŋɛ ŋa bi Aɔ̃ Lafɛ̃ɛi bala nŋɛ ŋa nɔ i jirima idɔɔbiɛ ŋa. I fɛɛfɛ ara nŋɛ do inɛi ilɛ ihɛ̃ ŋau do abo isɛ mmu nŋɛ ŋau.

Mɔnda ŋa 28:13

Inɛ iyi wa singa kuraraɛ ŋa ci ya bɔ waju, amma inɛ iyi í ce tuubai kuraraɛ nɔ í jɔ̀ɔ à ya ce araareɛi.

Ezai 55:7

Ilu inɔ kukã ku sinda ku jɔ̀ kpãaɛ, nɔ woo ce laalɔ mɔ ku jɔ̀ lasabuɛ ŋa nɔ ku sinda ku baa bi Aɔ̃ Lafɛ̃ɛ iyi á ce araareɛ. Ku sinda ku baa wa bi Aɔ̃ Lafɛ̃ɛ nwa nŋu iyi í ya ce suuru ntɔ ntɔ.

Zeremi 17:25

Bii ì waa ce bɛɛbɛ ŋa, ilaalu ŋa iyi aa buba si kitãi bommai Davidi, iyi à waa ce isɛɛnɛ do acĩ ŋa walakɔ do sarɛti iyi acĩ ŋa à waa fa, do akawe nŋa ŋa, do inɛi Zudaa ŋa, do inɛi Zeruzalɛmu ŋa, aŋa fei aa yɔkɔ a maa ce wũaa nŋa ŋa si inɔ iluu, nɔ inɛ ŋa aa maa wa si iluui hee do ajɔ fei.

Zeremi 18:11

Ŋɔi Aɔ̃ Lafɛ̃ɛ í ni má, ba inɛi Zudaa ŋa do inɛi Zeruzalɛmu ŋa ide ku fɔ. Sɔ̃ ŋa i ni amu Aɔ̃ Lafɛ̃ɛ ǹ ni ǹ nɛ lasabu iyi ǹ ce si gãmɛ nŋa. Sɔɔlui wahalai ǹ ce nŋa. Na nŋu, a fũsi kpãa sãmi nŋa ŋau awɔ a sinda wa. A teese kpãa nŋa ŋa do kuce nŋa ŋau.

Zeremi 18:8

Amma bii í jɛ dimi iyi ǹ wa n fɔ ideɛu ihɛ̃ í sinda í jɔ̀ laalɔ ku ceɛ, n kaa n ceaa laalɔ iyi ǹ tako ǹ dasi idɔ n ceaau má.

Zeremi 26:13

Bɛbɛi, i teese isɛɛnɛ nŋɛ ŋa nɔ i kpaasi kuce nŋɛ ŋa. I sotĩ i gbɔ idei Aɔ̃ Lafɛ̃ɛ nŋɛ ŋa ku ba ku fũsi laalɔ iyi í dasi idɔ nŋu ku ce nŋɛu awɔ.

Zeremi 35:15

Ǹ bɛ si iŋɛ fei walii woo ce icɛm ŋa wa. N kù gbɛɛjiò ku bɛ ŋa wa a naa a sɔ̃ ŋɛ a ni, iŋɛ fei i jɔ̀ kpãa laalɔ nŋɛ i sinda i baa wa ŋa. I teese kuce nŋɛ ŋa, nɔ i maà nɛ anu akã do iwɛ̃ ŋa hee i koo i maa tɔɔ ŋa ŋa. Do yaase bɛɛbɛ, an jɔ̀ i buba si ilɛ iyi ǹ muaa iŋɛ do bala nŋɛ ŋau. Amma wee i kù jɛ ku sotĩ ku gbɔ nɔ i kù jirimam ŋa.

Zeremi 35:16

Ntɔ ntɔ inɛi Rekabu ŋau ngu ŋa à too si wooda iyi bala nŋa Yonadabu í na ŋau. Amma iŋɛ inɛi Zudaa ŋa, i kù jɛ ku gbɔ idem ŋa.

Zeremi 4:1

Ŋɔi Aɔ̃ Lafɛ̃ɛ í ni, awɔ Izirɛli bii ì sinda ì nyi wa bi tom, nɔ i kù waa mɔsi do laalɔɛ ŋau ku ce si wajum, i kaa nɛ i maa sa hai nɛ kɔɔ má.

Zeremi 6:16

Aɔ̃ Lafɛ̃ɛ í fɔ í ni, i bɔ si kpãa ŋau ŋa, i bee kpãa jiidai tako nŋɛ ŋau, nɔ i tooɛ ŋa. Do yaase bɛɛbɛ, aa nɛ laakai ku sũ ŋa. Amma à jɛ à ni, a kaa ka too si.

Zaaki 4:8

I sɛkɛɛ si Ilaaɔ̃ ŋa nɔ nŋu mɔ á sɛkɛɛ si ŋɛ wa. Iŋɛ ilu dulum ŋa, i wɔɔ awɔ nŋɛ. Nɔ i fũuta idɔ nŋɛ, iŋɛ ilu idɔ minji ŋau.