Zeremi 7:2 - Bibeli do fee

² koo leekĩ andɛ gamboi kpasɛ̃i Aɔ̃ Lafɛ̃ɛ. Nɔ i fɔ ideu ihɛ̃ tengi bɛ i ni, i sotĩ i gbɔ idei Aɔ̃ Lafɛ̃ɛ ŋa, iŋɛ inɛi Zudaa ŋa fei iyi ì waa lɔò wa do anu koofa ŋau ihɛ̃ ku ba i sɛɛbataa Aɔ̃ Lafɛ̃ɛ ŋa.

Zeremi 7:2 Iomraidhean Croise

Ilaalu 1, 22:19

Ŋɔi Misee í ni, i sotĩ i gbɔ ide iyi Aɔ̃ Lafɛ̃ɛ wa fɔ. Ǹ yɛ Aɔ̃ Lafɛ̃ɛ wa buba si kitãi bommaɛ nɔ soogei lelei Aɔ̃ ŋau fei à wa kɔkɔɛ canga do njɛɛ.

Iri ku kɔ̃ 122:2

Zeruzalɛmu, wee à waa leekĩ andɛ koofaɛ ŋa.

Ezai 1:10

Iŋɛ inɛ ngbo laalɔ ŋa iyi ì yɛ bɛi inɛi Sodomu ŋa, i sotĩ i gbɔ bɛi Aɔ̃ Lafɛ̃ɛ wa fɔ ŋa. Nɔ iŋɛ zamaa ŋau mɔ, iŋɛ iyi ì jɛ inɛ laalɔ bɛi inɛi Gomɔɔ ŋau, i sotĩ i gbɔ ikɔi Ilaaɔ̃ Lafɛ̃ɛ nwau ŋa.

Zeremi 10:1

Iŋɛ inɛi Izirɛli ŋa, i gbɔ ide iyi Aɔ̃ Lafɛ̃ɛ wa fɔ si ŋɛ.

Zeremi 11:6

Ŋɔi Aɔ̃ Lafɛ̃ɛ í sɔ̃m í ni, dɔ̃ anu hee lele i fɔ ide ŋau ihɛ̃ si ilui Zudaa ŋa do si kpãai Zeruzalɛmu ŋa i ni, i sotĩ i gbɔ idei akabuuu ihɛ̃ ŋa, nɔ i ceò ŋa icɛ ŋa.

Zeremi 19:14

Waati iyi Zeremi í sinda í baa hai Tofɛti bii Aɔ̃ Lafɛ̃ɛ í bɔɔ koo fɔ ide do irii nŋuu, ŋɔi í naa í leekĩ si bantumai kpasɛ̃i Aɔ̃ Lafɛ̃ɛu, nɔ í sɔ̃ inɛ ŋa iyi à wa bɛ ŋau fei í ni,

Zeremi 2:2

koo sɔ̃ inɛi Zeruzalɛmu ŋa i ni amu Aɔ̃ Lafɛ̃ɛ ǹ ni, awɔ Zeruzalɛmu, ǹ wa n ye gigii kubim iyi ì nɛ waati iyi ì wɛɛ mudɛ̃ɛ, do kubim iyi ì nɛ waati iyi ì waa jɛ abo titɔ̃. Waati bɛɛbɛi ì ya toom nii hee gbaa bii nkãma ci ya fitau.

Zeremi 2:4

Iŋɛ tɔkui Zakɔbu ŋa, iŋɛ iyi ì jɛ nyaanzei inɛi Izirɛli ŋau fei, i sotĩ i gbɔ idei Aɔ̃ Lafɛ̃ɛ ŋa.

Zeremi 26:2

ide iyi amu Aɔ̃ Lafɛ̃ɛ ǹ wa n sɔ̃ɛ wee. Koo i leekĩ bantumai kpasɛ̃i amu Aɔ̃ Lafɛ̃ɛu, nɔ i ba inɛ ŋa iyi à waa naa amu Aɔ̃ Lafɛ̃ɛ ku tɔɔ hai si ilui Zudaa ŋau fei ide ku fɔ. Sisi nŋa ide ŋa iyi an sɔ̃ɛ ŋau fei. Maà jɔ̀ baa ide icu akã.

Zeremi 28:5

Ŋɔi walii Zeremi í jɛa walii Hanania si wajui woo wee ŋa do si wajui zamaa iyi wa leekĩ si inɔ kpasɛ̃i Aɔ̃ Lafɛ̃ɛu fei.

Zeremi 34:4

Na nŋu Sedesiasi ilaalui Zudaa, bii ì gbɔ ide iyi Aɔ̃ Lafɛ̃ɛ wa sɔ̃ɛ, taakuba kaa kpaɛ má.

Zeremi 36:10

Baruku amai Neria í koo í leekĩi si inɔ ile iyi í jɛ ti Gemaria amai Safãa iyi í jɛ woo kɔ tia nwoi ilɛu. Ileu í wai si bantuma iyi í wa lelei kpasɛ̃i Aɔ̃ Lafɛ̃ɛu kɔkɔi gambo titɔ̃u. Nɔ ide ŋa iyi Zeremi í jɔ̀ à kɔ si tiau, Baruku í dede í cioɛ hee lele si wajui zamaa iyi í wa bɛu fei.

Zeremi 36:6

awɔ takaɛi aa koo nɔ idei Aɔ̃ Lafɛ̃ɛ iyi ǹ sɔ̃ɛ ì kɔɔu i cioɛ si wajui zamaau do si wajui inɛi Zudaa ŋa iyi à naa hai ilu nŋa ŋau si inɔ kpasɛ̃i Aɔ̃ Lafɛ̃ɛu si ajɔi anu ku dĩu.

Zeremi 44:24

Ŋɔi Zeremi í nyi í sɔ̃ zamaau fei má do inaabo ŋau fei í ni, iŋɛ inɛi Zudaa ŋau, iŋɛ iyi ì wa si ilɛi Ezibiti feiu, i sotĩ i gbɔ idei Aɔ̃ Lafɛ̃ɛ ŋa.

Zeremi 7:1

Aɔ̃ Lafɛ̃ɛ í sɔ̃ Zeremi í ni,

Ezekiɛli 37:1

Aɔ̃ Lafɛ̃ɛ í mum do awɔ gbugbãɛ, nɔ í jɔ̀ hundeɛ í bɔòm hee si aninii lɔɔma gɔ iyi í kɔ̃ do kũkũ ŋa.

Ozee 5:1

Iŋɛ woo wee ŋau, i sotĩ i gbɔ ku ce ncɛɛ ŋa. Iŋɛ mɔ inɛi Izirɛli ŋa, i ce laakai ŋa. Iŋɛ mɔ inɛi kpasɛ̃i ilaalu ŋa, i sotĩ i gbɔ ŋa. Iŋɛi à waa fãa si gãmɛi idei kiitiu bɛ, domi Misipa bɛ iŋɛi ì jɛ bɛi cɛkũm bi inɛm ŋau, nɔ ì jɛ má ŋa bɛi taa iyi à le si iri kutai Tabɔɔ.

Amɔsu 7:16

Nsɛi sotĩ i gbɔ idei Aɔ̃ Lafɛ̃ɛ, awɔ iyi ì ni, maà ce walii si inɛi Izirɛli ŋa, maà ce ide nkpɔ si kpasɛ̃i Izaaki.

Misee 1:2

Misee í ni, iŋɛ inɛi andunya ŋa fei, i sotĩ i gbɔ ŋa. Ilɛ do mii iyi í wa si fei ku ce laakai. Ilaaɔ̃ Lafɛ̃ɛ á naa hai si kpasɛ̃ kumáɛ ku na ku yɛ taale nŋɛ.

Misee 3:1

Misee í ni, iŋɛ iyi ì jɛ inɛ ngboi tɔkui Zakɔbu ŋa, iŋɛ woo kiitii inɛi Izirɛli ŋa, i sotĩ i gbɔ ŋa. Aɔ̃ Lafɛ̃ɛ í ni, kù jɛ iŋɛi í sĩa i mà wooda ŋa?

Misee 3:9

Iŋɛ inɛ ngboi tɔkui Zakɔbu ŋa, do iŋɛ woo kiitii inɛi Izirɛli ŋa, i sotĩ i gbɔ ŋa, iŋɛ iyi i ci ya bi mii iyi í jɛ dee dee ŋa, iŋɛ iyi ì ya maa bɛjɛ ntɔ ŋa,

Matie 13:9

Iyi Jesu í kpa mɔndau í tã ŋɔi í ni, inɛ iyi í nɛ itĩ iyi á gbɔò ide, ku gbɔ.

Laabaau jiida iyi Zãa í kɔ 18:20

Ŋɔi Jesu í jɛaa í ni, ideu si bantumai ǹ sɔ̃ inɛ fei. Ǹ ya n kɔ inɛ ŋa si ciom nii ile bii à ya ce kutɔtɔɔ ŋa do si kpasɛ̃i Ilaaɔ̃, bii Zuifu ŋa fei à ya tɔtɔɔ. N kù fɔ ide kãma si asii.

Woo bɛ ŋa 5:20

i bɔ bantumai kpasɛ̃i Ilaaɔ̃ i koo i leekĩ bɛ nɔ i sisia inɛ ŋa idei kuwɛɛ titɔ̃u fei ŋa.

Woo bɛ ŋa 5:42

Ajɔ fei si bantumai kpasɛ̃i Ilaaɔ̃ do si inɔ kpasɛ̃ ŋa à ya maa ce waazoi laabaau jiidau nɔ a maa kɔ inɛ ŋa si cio waati kãma fei a maa ni Jesui í jɛ inɛ iyi Ilaaɔ̃ í cicau.

Kuyɛi Zãa 2:11

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei. Inɛ iyi í jɛ igũ, iku minjisiau kaa ceaa nkãma.

Kuyɛi Zãa 2:17

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei. Inɛ iyi í jɛ igũ, nŋui an mua mana iyi wa manji wo. Nɔ n muaa kuta fũfũ si bii à kɔ iri titɔ̃ɛ iyi inɛ gɔ kù mà bii kù jɛ nŋu iyi ǹ mua.

Kuyɛi Zãa 2:29

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei.

Kuyɛi Zãa 2:7

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei. Inɛ iyi í jɛ igũ, an jɔ̀ ku jɛ isoi jĩi ndii kuwɛɛ iyi í wa azanna.

Kuyɛi Zãa 3:13

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei.

Kuyɛi Zãa 3:22

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei.

Kuyɛi Zãa 3:6

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei.