Zeremi 7:12 - Bibeli do fee

¹² Debɛi ǹ wa n tɔɔ ŋɛi i bɔ Siloo ŋa si inya bii à cicaam nɔu wo. Tengi bii í tako í jɛ bi kuwam nɔu, nɔ i cɔ bɛi ǹ ceaa ŋa, na inɔ kukãi Izirɛli inɛm ŋau.

Zeremi 7:12 Iomraidhean Croise

Ilaalu 1, 9:7

an kpa irii inɛi Izirɛli ŋai si ilɛ iyi ǹ mu nŋa. An nyɔ ile iyi ǹ cicaa irim na bɛɛrɛm nɔu ku jĩim nɔ ilɛi Izirɛli ku baa ku jɛ dɔ̃anyii dimi mmu ŋa fei do mii ku yaako nŋa.

Zeremi 26:6

Bii i kù waa jɛ ku gbɔ idem ŋa, an lɛgɛ kpasɛ̃i amu Aɔ̃ Lafɛ̃ɛu ihɛ̃i bɛi ǹ lɛgɛ ti Siloou. Nɔ an jɔ̀ Zeruzalɛmu ku baa ku jɛ yaase iyi inɛi andunya fei á ya so ku ceekpeò.

Zeremi 7:14

bɛi ǹ cea Siloou, bɛɛbɛi an cea kpasɛ̃ iyi à nya ikã í jɛ titom si bii naanɛ nŋɛ fei í wau. Nɔ bɛɛbɛ mɔi an cea inya iyi ǹ na iŋɛò bala nŋɛ ŋau.

Wooda ku kɔsi 12:11

Aɔ̃ Lafɛ̃ɛ nŋɛ á cica inya bii iriɛ á wai, nɔ tengi bɛi aa ya koo i ceaa kuwee iyi ǹ sɔ̃ ŋɛ ŋau fei ŋa. Kuwee ŋa iyi à ya jo si ina fei sãa sãau, do kuwee mmuɛ ŋa, do akã si mɛɛwa fei, do amuai mii sinte ŋau do amua ŋa iyi ì dasi idɔ i ce ŋa do iyi aa ce i kɔ̃ò kuwã ŋa iyi ì ceaa ŋau fei ŋa.

Wooda ku kɔsi 12:5

Tengi bii nŋu takaɛ í cica iriɛ ku maa wa si inɔi dimi nŋɛ ŋau fei, bɛi aa koo i tɔɔɛ ŋa.

Zozue 18:1

Ŋɔi inɛi Izirɛli ŋau à kãmia inɛi ilɛ ŋau, nɔ aŋa fei à koo à tɔtɔɔ Siloo, nɔ à jilɛ ilei acɔ iyi à ya kpe ile bi kukou tengi bɛ bii aa ya naa a tɔɔ Aɔ̃ Lafɛ̃ɛ.

Zozue 18:10

Nɔ Zozue í ta nŋa kpasau Siloo bɛ si wajui Aɔ̃ Lafɛ̃ɛ, nɔ í cea inɛi Izirɛli ŋau ikpɛ̃i ilɛu, í na dimi fei iyi í jɛ tɛɛ.

Woo kiiti ŋa 18:31

Mii iyi Mika í ce iyi í jɔ iwɛ̃u, nŋui à ya maa tɔɔ si waati iyi ilei Ilaaɔ̃u í wa Siloo.

Samuɛli 1, 1:3

Nɔ adɔ̃ fei mɔkɔu í ya bɔ Siloo koo tɔɔ Aɔ̃ Lafɛ̃ɛi lele do ilɛ, nɔ ku ceaa kuwee. Siloo bɛi Ɔfini do Fineɛzi amai Elii ŋa à wa, à waa jɛ woo weei Aɔ̃ Lafɛ̃ɛ ŋa.

Samuɛli 1, 4:22

Í ni má, ntɔi, amboei Ilaaɔ̃ kù wa si anini nwa má domi mbɛɛ nwa ŋa à nɛò kpakoɛ.