Ilui Siɔ̃ɔ nŋu akãi à jɔ̀ bɛi kusu iyi í wa si inɔi jĩi ndii rezɛ̃ɛ ŋa, do bɛi kusu iyi í wa iko tengi bii à gbɛ̃ gbɛ̀sɛɛna ŋa, do bɛi ilu iyi mbɛɛ ŋa à kaakoɛ.
Ntɔ ntɔ ǹ wa n gbɔ anu ku dɔ̃ bɛi anu ku dɔ̃i inaabo iyi wa bi ku bí. Anu ku dɔ̃u í jɔ ti inaabo iyi wa bi ku bí ama sinteɛ. Siɔ̃ɔ iyi í yɛ bɛi mudɛ̃ɛu wa dɔ̃ anu wa kakaa nɔ í yɔ awɔ wa tɔɔ faaba wa ni, inɔ kufɔi í jɛ titom. Ǹ wa n ku na goloi woo kpa inɛ ŋau.
Aɔ̃ Lafɛ̃ɛ, si idɔɔkɔ̃ɛ í bii ilui Siɔ̃ɔ do kudũi ijĩ. Hai lelei Aɔ̃i í kɛkɛ mii iyi wa jɛ bɛɛrɛi Izirɛliu hee ilɛ. Si waati iyi idɔɔkɔ̃ɛ í dedeu, kù ye gigi iyi Siɔ̃ɔi í jɛ bi ku lesi isɛɛ.
Ide yoomai an sɔ̃ɛ má. Yooi an wãɛ do, Zeruzalɛmu. Yooi an ni í jɛ saaɛ. Nɔ ide yoomai an sɔ̃ɛ Siɔ̃ɔ n tũò idɔɛ. Wahalaɛu í lai bɛi kulai tenku. Yooi á yɔkɔ ku jɔ̀ i ba iri.
Inaabo iyi si kuwɛɛɛ wo ci ya bi riisi, iyi bii ngɔgɔ wa ce í ya tosiɛ gbãa gbãa, iyi ci ya bi baa kutɛɛ ku lu ilɛ, bɛɛbɛi nŋu mɔ á ce. Bɛbɛi, á maa cɔ mɔkɔɛi do ama inɛmɔkɔɛ do ama inaaboɛ do iju laalɔ.
