Zeremi 6:1 - Bibeli do fee

¹ I sa hai inɔ ilu Zeruzalɛmu ŋa, iŋɛ inɛi Bɛnzamɛɛ ŋa. I fã kuu ilui Tekoa ŋa. I wu nyinda gɔ ilui Bɛti-Kerɛmu ŋa, domi laalɔ wa naa hai do awɔ njɛi kpãai inunu wa do nfe ku ce nla nla.

Zeremi 6:1 Iomraidhean Croise

Samuɛli 2, 14:2

Ŋɔi í bɛ inɛ gɔ Tekoa í ni koo kpea nŋu abo ilu bisiu wa. Iyi abou í to wa nɔ í sɔ̃ɔ í ni, ce bɛi inɛ iyi inɔɛ í fɔ, dasi jĩnɛi akũ ŋa, maà ti i jɔ ikpo, nɔ i ce bɛi abo iyi wa kpata akũ gɔ hai ku kpɛ wa.

Bomma 2, 11:6

Í ma Betelehɛmu do Etamu do Tekoa,

Neemi 3:14

Nɔ Malikiya amai Rekabu inɛ ngboi ilui Bɛti-Hakɛmi í teese anu koofai iri ankitãu. Nŋui í maa nɔ í dasi gamboɛ ŋau do sɔkɔɛ ŋau do isɔ ku gaauɛ ŋa.

Neemi 3:5

Do cingaai nŋu mɔ bɛi inɛi Tekoa ŋa à waa ce icɛ. Amma inɛ ngbo nŋa ŋau a kɔ̀ ku sũa inɛ ŋa iyi à jɛ inɛ ngboi icɛ ŋau iri ilɛ.

Zeremi 10:22

Wee à waa gbɔ iba nla nla gɔ wa naa. À waa gbɔ wakata nla nla gɔ wa hai ikpa ilɛi awɔ njɛi kpãai inunu iyi wa naa ku ce nfei ilui Zudaa ŋa nɔ ku jɔ̀ a baa a kpɔò bomma, nɔ a baa a jɛ bi kuwai ajaako ŋa.

Zeremi 25:9

an jɔ̀ zamaa iyi í wa ikpa awɔ njɛi kpãai inunuu fei ku naa. Nebukanɛsaa woo ce icɛm iyi í jɛ ilaalui Babilɔniui an jɔ̀ ku naa si ilɛ nŋɛ do si inɛ ŋa iyi à wa bɛ, do si dimi ŋa iyi à kaako ilɛu fei ku ba a kpa aŋa fei mam mam. Á jɔ̀ ilɛu ku kpɔò bomma hee do ajɔ fei nɔ ku mu inɛ fei biti nɔ ku jɛ dɔ̃anyi.

Zeremi 4:29

Iyi inɛi ilu ŋau fei à gbɔ ibai masa ŋau do ti woo ta afa ŋau, ŋɔi à waa saa. Inɛ gɔ ŋa à waa lɔ si inɔ cucu ŋa, inɛ gɔ ŋa mɔ à waa gũ antaii kuta ŋa. À jɔ̀ ilu ŋau fei ngbɛ. Inɛ kãma kù gbe bɛ má.

Zeremi 6:22

Ŋɔi Aɔ̃ Lafɛ̃ɛ í ni, zamaa gɔ wee wa naa hai do ilɛi awɔ njɛi kpãai inunu. Dimi nla nla gɔi í dede wa hai kɔɔi andunya.

Amɔsu 1:1

Amɔsu woo sɛ̃ angudã ŋai wa jɛ, nɔ inɛi ilui Tekoai. Aɔ̃ Lafɛ̃ɛ í baa ide ku fɔ si kuyɛ ŋa iyi í ce si gãmɛi inɛi Izirɛli ŋa. Waati bɛɛbɛ, ilɛ ku yaya iyi í ceu wa gbe adɔ̃ minji. Waati nŋu, Oziasii wa jɛ ilaalu si ilɛi Zudaa, nɔ Zeroboamu amai Zoasi mɔi wa jɛ ilaalu si ilɛi Izirɛli.

Amɔsu 3:6

Ntɔ ntɔ aa fã kuu si inɔ ilu iyi zigii inɛ ŋa kù da? Wahala gɔ á naa si inɔ ilu iyi kù jɛ Aɔ̃ Lafɛ̃ɛi í jɛ icuɛ?

Zakari 6:6

Nɔ í ni má, acĩ dũdũ ŋau à waa fa sarɛti akãi à waa bɔò ikpa awɔ njɛi kpãai inunu, acĩ fũfũ ŋau à waa too ŋa, nɔ acĩ bati bati ŋau mɔ à waa bɔ ikpa awɔ cangai kpãai inunu.

Zozue 15:63

Tɔkui Zudaa ŋau a kù yɔkɔ a kù lele inɛi Zebusi ŋa iyi à wa ilui Zeruzalɛmu, nɔ inɛ ŋau à wa si iluu do inɛi Zudaa ŋa hee do nnyi fei.

Woo kiiti ŋa 1:21

Tɔkui Bɛnzamɛɛ ŋa a kù yɔkɔ a kù lele inɛi Zebusi ŋa iyi à wa Zeruzalɛmuu, nɔ inɛ nŋu ŋau à wa bɛ baa nsɛi do tɔkui Bɛnzamɛɛ ŋau.