Zeremi 5:5 - Bibeli do fee

⁵ Bɛbɛi bi inɛ ngbo ŋai an bɔ n sɔ̃ ŋa ide, domi ngu ŋa a mà kpãai Ilaaɔ̃ ku too do woodai Aɔ̃ Lafɛ̃ɛ nŋa. Amma aŋa mɔ, aŋaò ŋa fei akãi. Tilasi do anu akã iyi í wa si gãmɛ nŋa do Aɔ̃ Lafɛ̃ɛ nŋau fei, à daai.

Zeremi 5:5 Iomraidhean Croise

Zeremi 2:20

Aɔ̃ Lafɛ̃ɛ í ni, awɔ Izirɛli, hai ku kpɛi ì dedeò ide ku kɔ̀ sim. Ì fɛ anu akã nwau. Nɔ ì ni, n kù bi n maa n jɛ aru. Amma si antaii iri kuta do si abɛ jĩi tũtũ ŋa fei ì ya maa dabii si iwɛ̃ ŋai bɛi abo à ce sakara í ya ce do inɛmɔkɔ ŋa.

Luku 19:14

Amma inɛi ilɛɛ ŋa à cóo nɔ à bɛ inɛ ŋa si anyiɛ à ni aŋa a kù bi ku jɛ bomma si ilɛi aŋa.

Luku 18:24

Iyi Jesu í yɔɔ iyi inɔɛ í fɔ bɛɛbɛ ŋɔi í ni, á gaabu hee ku caa ilu fia ku lɔ tengi bii Ilaaɔ̃ í jɛ bommaɛ.

Malasi 2:7

Ntɔ ntɔ, icɛi woo wee ŋai í jɛ a kɔ inɛ ŋa si bɛi aa ce a mà amu Aɔ̃ Lafɛ̃ɛ. Bi tu ŋai inɛ ŋa à ya na a ce kubee si gãmɛi asaiya ŋa iyi à nɛ a too si, domi aŋai à jɛ amaabɛi amu Aɔ̃ Lafɛ̃ɛi lele do ilɛ.

Misee 3:11

Woo kiiti nŋɛ ŋa, kiiti iyi à waa ce fei do amua hai nɛ yaase ŋai. Woo wee nŋɛ ŋa, ikɔ nŋa do isãi. Walii nŋɛ ŋa, kuyɛ nŋa do fiai. Nɔ à waa ni, awa inɛi Aɔ̃ Lafɛ̃ɛ ŋai, laalɔ kaa ba wa, Aɔ̃ Lafɛ̃ɛ í wɛɛ do awa.

Amɔsu 4:1

Nɔ Amɔsu í ni má, iŋɛ inaaboi Samari ŋa, iŋɛ iyi ì yɛ bɛi kɛtɛ abo ŋa iyi à jɛ à ce kaato ŋa, inɛ ŋa iyi a kù nɛ gbugbãi ì ya maa taa gbugbã ŋa. Ì ya maa gba mii ndii ilu are ŋa, nɔ ì ya maa sɔ̃ mɔkɔ nŋɛ ŋa i maa ni a naaò atɛ̃ wa iŋɛò ŋa i mɔ. I sotĩ i gbɔ ŋa.

Zeremi 6:13

Inɛ ŋau, hai inɛ ŋa iyi à kere à re hee ku koo si inɛ ŋa iyi à la à re, aŋa fei kuba nŋai à waa yɔ si iju. Hai walii hee ku koo si woo wee ŋa, aŋa fei ilu ibo ŋai.

Kufita 32:25

Moizi í mà iyi inɛ ŋau à waa ce idɔɔbii ara nŋai nɔ Arɔ̃ɔ kù ni nŋa ide kãma. Nŋui á jɔ̀ mbɛɛ nŋa ŋa aa na a yaako ŋa.

Zeremi 9:3

Na nŋu, inɛ fei ku maa ce laakaii araɛ do inɛ mmu ŋa, nɔ inɛ kãma ku maà naanɛ inɛɛ ŋa, domi aŋa fei à baa à jɛ inɛ laalɔ woo zamba ŋa, nɔ aŋa fei à ya maa nya fũnɛi inɛi.

Ezekiɛli 11:2

Nɔ hundeu í sɔ̃m í ni, amanɛ, inɛ ŋau bɛi à jɛ woo ce lasabu laalɔ ŋa do woo na inɛ ŋa ikɔ laalɔ si inɔ iluu.

Bomma 2, 36:14

Nɔ inɛ ngboi woo wee ŋau fei do inɛi Zudaa ŋa iyi à gbe fei à ce laalɔ à waa kɔ̃ɔsi. À na ara nŋa si kuce laalɔi dimi mmu ŋa. Nɔ à riisi kpasɛ̃i Aɔ̃ Lafɛ̃ɛ iyi í nya ikã í jɛ titɛɛ Zeruzalɛmuu.

Ezai 1:23

Inɛ ngboi Zeruzalɛmu ŋa, woo kɔ̀ ide ŋai, nɔ kpaasii ile ŋai. Amua ŋa iyi à sinda lasabu nŋai à ya bi ku gba, nɔ a ci ya kɔ̀ò kɔyɔ ŋa si gãmɛi mii ŋa iyi í nɛ ku jɛ tu ŋa. A ci ya gbɔa jaaɔ̃ ŋa baa bii à waa tɔɔ a sobi aŋa.

Zeremi 2:31

Iŋɛ inɛi nsɛi ŋa, i sotĩ i gbɔ idem nɔu do laakai ŋa. Amui ǹ baa ǹ yɛ bɛi ilɛ gbaa bi tu ŋɛ walakɔ bɛi ilɛi ilu kuku nla nla? Na mii í ce iŋɛ inɛm ŋa ì fɔ ì waa ni ŋa, à nɛ ara nwa. A kù bi ka nyi wa bi tɛɛ.

Zeremi 8:7

Baa tilongo ŋa à ya mà waati iyi aŋa aa nɛ ku jɛ inya mmu. Bukaabo ŋa do pɛtui ido ŋa à ya mà waati iyi aŋa aa sinda a nyi. Amma inɛm ŋa a kù mà nkãma si gãmɛi wooda ŋa iyi ǹ jilɛ nŋa.

Zeremi 30:14

Inɛ ŋa iyi à tako à biɛ wo fei, à gbɛjɛ ideɛ, nɔ a kù waa dɛdɛɛ má. Ǹ cãɛi bɛi inɛ í ya cã mbɛɛɛ. Ǹ kpãɛ ijui ntɔ ntɔ na kurara nkpɔ nkpɔɛ ŋau do zaka bɛi kugaabui dulum dɛɛ ŋau à to.

Amɔsu 6:1

Iŋɛ ilu inɔ kufɔ ŋai iŋɛ iyi ì wa Siɔ̃ɔ do laakai ku sũ ŋa, do iŋɛ mɔ iyi ì wɛɛò laakai ku sũ si iri kutai Samari, iŋɛ iyi ì jɛ inɛ nla ŋa, nɔ ilɛ nŋɛi wa jɛ iri si ilɛ ŋa, iŋɛ iyi inɛi Izirɛli ŋau à waa naa bi tu ŋɛ.