Zeremi 5:4 - Bibeli do fee

⁴ Ǹ ya n fɔi wo n maa n ni, inɛ ŋa iyi a kù nɛ kumà ŋai, nɔ ǹ ya n ni idei nnyɛii à waa ce, si na iyi í jɔ̀ a kù mà kpãai Ilaaɔ̃ ku too do woodai Aɔ̃ Lafɛ̃ɛ nŋa.

Zeremi 5:4 Iomraidhean Croise

Ezai 27:11

Waati iyi amaawɔi jĩi ŋau à gbɛ, à ya cɛi. Inaabo ŋa à ya naa a kooi a koo a koò ina. Ntɔ ntɔ inɛ ŋau a kù nɛ bisi kãma. Nɔ na ŋɔi í jɔ̀ inɛ iyi í taka ŋau kù nɛ araare nŋa má, nɔ kù bi ku ce nŋa didɔ̃ gɔ má.

Ezai 29:12

Walakɔ bɛi tia mmu iyi à na inɛ gɔ iyi kù mà ku cio à bɛi à sɔ̃ɔ à ni, à waa tɔɔɛi, cioɛ wa. Nɔ í jɛ í ni, n kù mà ku cio.

Zeremi 10:8

Aŋa fei mam mam à ce nnyɛii nɔ a kù nɛ yaase. Kpãai iwɛ̃ ku tɔɔ nŋau bɛ, cioi inya ngbɛi.

Zeremi 4:22

Aɔ̃ Lafɛ̃ɛ í ni, ntɔ ntɔ zamaam nɔu í sũmui, kù màm. Ama nnyɛi ŋai, a kù nɛ bisi. Bisii laalɔ ku cei à nɛ. Amma a kù mà jiida ku ce.

Zeremi 7:8

Amma iŋɛ wee naanɛ nŋɛ í wai si ide ibo ŋa iyi kaa nɛ nŋɛ aranfãani kãma.

Zeremi 8:7

Baa tilongo ŋa à ya mà waati iyi aŋa aa nɛ ku jɛ inya mmu. Bukaabo ŋa do pɛtui ido ŋa à ya mà waati iyi aŋa aa sinda a nyi. Amma inɛm ŋa a kù mà nkãma si gãmɛi wooda ŋa iyi ǹ jilɛ nŋa.

Zeremi 9:3

Na nŋu, inɛ fei ku maa ce laakaii araɛ do inɛ mmu ŋa, nɔ inɛ kãma ku maà naanɛ inɛɛ ŋa, domi aŋa fei à baa à jɛ inɛ laalɔ woo zamba ŋa, nɔ aŋa fei à ya maa nya fũnɛi inɛi.

Ozee 4:6

Ntɔ ntɔ, zamaam wa ce nfei si na iyi í jɔ̀ kù nɛ kumà. Nɔ si na iyi í jɔ̀ awɔ takaɛ i kù bi i màm, an nyaɛ hai si icɛm nii. Nɔ si bɛi ì gbɛjɛ woodai amu Aɔ̃ Lafɛ̃ɛɛ, bɛɛbɛ mɔi amu mɔ an gbɛjɛ amaɛ ŋa.

Matie 11:5

Fɛɛju ŋa à waa yɛ ilu, woo sukutɛ ŋa à waa nɛ dee dee, dintɛ ŋa à ba iri à jɛ inɛ kumaaju, dekĩ ŋa à waa gbɔ ide, iku ŋa à jĩ, nɔ à waa sisia ilu are ŋa laabaau jiida.