Zeremi 5:3 - Bibeli do fee

³ Aɔ̃ Lafɛ̃ɛ, mii iyi ì bii í jɛ kuwɛɛ si ntɔ. Wee nsɛi ì kpã ŋa iju, amma kù jɛ nŋa si nkãma. Ì bi i tã do aŋa, amma à kɔ̀ ku gbɔ ide iyi ì waa sɔ̃ ŋa. À lele idɔ nŋa ŋa bɛi kuta, nɔ à kɔ̀ ku nyi wa bi tɛɛ.

Zeremi 5:3 Iomraidhean Croise

Kusintii Andunya 19:34

Iju kumáɛ ŋɔi inɛ ngbou í sɔ̃ ifɔɛ í ni, idũ ana ǹ jɔ̀ baa nwa í sũòm. Ka sɔɔ atɛ̃ vɛ̃ɛ má alɛi ku ba awɔ mɔ i koo ku sũòɛ ku ba dimiɛ ku maà kpa iri.

Ilaalu 1, 13:33

Baa do iyi Zeroboamu í gbɔ ide ŋau bɛ fei, kù kpaasi hai si laalɔ ku ceɛ. Nɔ si zamaau inɛ ŋa iyi à bi aŋa a jɛ woo wee si geete ŋau fei í ya tontoo nŋa ikpo si irii ku nya ŋa ikã.

Ilaalu 2, 1:13

Ŋɔi Ahazia í nyi í bɛ siɛ inɛ ngboi sooge ciitaa ŋa isɛ gbɛɛtasia má nŋu do sooge ciitaaɛ ŋa. Inɛ ngbo mɛɛtasiau í koo bi tɛɛ. Iyi í to, ŋɔi í gulɛ si wajui Elii nɔ í sɔ̃ɔ do kurɔ í ni, awɔ inɛi Ilaaɔ̃, ǹ wa n tɔɔɛi, maà kpam nɔ i maà kpa sooge ciitaa woo ce icɛɛ ŋau ihɛ̃.

Bomma 2, 16:9

Do ntɔ, Aɔ̃ Lafɛ̃ɛ wa cɔ ilɛ bii fei ku ba ku sobi inɛ ŋa iyi à naa idɔ nŋa fei. Si ideu ihɛ̃ ì cei bɛi nnyɛi. Na nŋu, hai nnyi inɛ ŋa aa ya maa naa igũ siɛi.

Bomma 2, 28:22

Baa do iyi Ahazi í wa si wahala ŋau bɛ fei, í kɔ̀ í wasi dulum ku ce bi Aɔ̃ Lafɛ̃ɛ.

Iri ku kɔ̃ 51:6

Bi awɔ akãi ǹ ce dulum. Si wajuɛi ǹ ce mii iyi kù sĩa, do yaase bɛɛbɛ, kiitiɛi í jɛ dee dee nɔ i kù nɛ taale si ijuukpãm.

Iri ku kɔ̃ 51:8

Amma iyi ì bii í jɛ ntɔ iyi í wa hee si lɛlɛi idɔ. Si lɛlɛi idɔm, jɔ̀ n mà bisiɛ.

Iri ku kɔ̃ 55:20

Aɔ̃ Lafɛ̃ɛ iyi wa buba si kitãi bommaɛ do ajɔ fei, wa gbɔ kutɔɔm nɔ á kɛkɛ ŋa, domi kaa ce inɛ ŋau a kpaasi idɔ si na iyi í jɔ̀ a kù mà bɛɛrɛɛ. Kusĩmi.

Mɔnda ŋa 21:29

Inɛ laalɔ í ya maa kaaba araɛi, amma inɛ jiida í ya maa ce laakaii isɛɛnɛɛi.

Mɔnda ŋa 22:12

Aɔ̃ Lafɛ̃ɛ í ya degbe inɛ iyi í nɛ kumà, amma í ya kɛkɛ idei inɛ laalɔi.

Mɔnda ŋa 23:35

Aa na i maa ni, à cãm, amma n kù gbɔ ara kuro kãma. À cãm golo anu nkpɔ nkpɔ, amma n kù gbɔ nkãma. Bii ǹ na n jĩ í gbe n ba ngɔgɔ n mɔ mái.

Mɔnda ŋa 27:22

Baa bii ì dasi nnyɛi si inɔ ido ì tutuɛ do amaado bɛi à ya tutu amaajɛ, i kaa yɔkɔ i fɛɛfɛɛ do kuce hai nɛ yaaseɛ.

Ezai 26:11

Aɔ̃ Lafɛ̃ɛ, ì wu awɔɛ hee lele si ŋa, amma a kù waa yɔɔ mɔm. Aa yɛ kubi nla iyi ì nɛ na zamaaɛ, nɔ anyɔ ku mu ŋa. Do yaase bɛɛbɛ, inai á ce nfei mbɛɛɛ ŋau.

Ezai 42:25

Na ŋɔi í ce Aɔ̃ Lafɛ̃ɛ í jɔ̀ idɔɔkɔ̃ nla nlaɛu í naa si inɛɛ ŋau nɔ í jɔ̀ igũ í naa si ŋa do gbugbã nla nla. Í yɛi bɛi ina í dede si ŋa hai do bii fei, amma a kù gbɔ yaasei nkãma. Inau í jo ŋa, amma a kù lasabu si.

Ezai 48:4

Amma ǹ mà iyi iŋɛ ilu idɔ kulele ŋai, ǹ mà iyi i kù bi ide kãma ku gbɔ ŋa, nɔ itĩ nŋɛ í yika.

Ezai 9:13

Na ŋɔi í jɔ̀ Aɔ̃ Lafɛ̃ɛ á bu irii inɛi Izirɛli ŋau do akpaamu nŋa. Á da amaawɔi kpakpai do njee si ajɔ akã.

Zeremi 15:7

Si ilui ilɛu fei, ǹ wu mii ku fɛm nii ǹ wa n fɛ ŋa. Ǹ jɔ̀ inɛm ŋau à kua ama nŋa ŋa, nɔ ǹ jɔ̀ à waa ku, aŋa iyi a kù jɛ ku fũsi kpãa nŋa ŋau awɔ.

Zeremi 17:23

Ntɔ ntɔ, bala nŋɛ ŋau a kù gbɔ idem, a kù desi itĩ, à lele idɔ nŋai ku ba a maà gbɔ nɔ a maà ba ikɔ.

Zeremi 19:15

Aɔ̃ Lafɛ̃ɛi lele do ilɛ, nŋu iyi í jɛ Aɔ̃ Lafɛ̃ɛi inɛi Izirɛli ŋa í ni, amu Aɔ̃ Lafɛ̃ɛ an jɔ̀ wahala ku naa si iluu ihɛ̃ hee do si ilu ŋa iyi à wa kɔkɔɛ ŋau fei. Wahala ŋa iyi ǹ tako ǹ fɔ ideɛ si gãmɛu fei, á baai domi inɛi ilu ŋau à lele idɔ nŋa à kɔ̀ ku gbɔ idem ŋa.

Zeremi 2:30

Ǹ kpã ama nŋɛ ŋa ijui si ngbɛ. A kù ce laakai si mii iyi í ba ŋau. Do taakuba nŋɛi ì kpaò walii nŋɛ ŋa, bɛi muusu nla kugaabu.

Zeremi 3:3

Na ŋɔi í jɔ̀ ǹ kɔ̀ɛ ijĩ, nɔ agbɛ í mu si jɛadɔ̃u. Amma ì lele idɔɛ ì waa mɔsi do icu ku taɛ, nɔ anyɔ kù waa muɛ.

Zeremi 32:19

Awɔi ì ya ce sɔɔlui mii nla nla ŋa, nɔ a cei do gbugbã. Ijuɛ í ya maa kãsi mii iyi amanɛ ŋa à waa ce feii, nɔ ì ya cea inɛ feii bɛi isɛɛnɛi lafɛ̃ɛ í yɛ do bɛi daa ŋa iyi lafɛ̃ɛ wa ce í yɛ.

Zeremi 35:13

ide iyi amu Aɔ̃ Lafɛ̃ɛi lele do ilɛ, Lafɛ̃ɛi inɛi Izirɛli ŋa ǹ fɔ wee. Ǹ ni, koo i sɔ̃ inɛi Zudaa do inɛi Zeruzalɛmu ŋau fei i ni, Aɔ̃ Lafɛ̃ɛ í ni, i kaa gba ikɔ ŋa? I kaa jirima idei amu Aɔ̃ Lafɛ̃ɛ nŋɛ ŋa?

Zeremi 44:10

Amma hee ku baa nsɛi, i kù nɛ inɔ kufɔ si kuce nŋɛ ŋau, nɔ i kù jirimam ŋa. I kù too si woodam do ikɔm ŋa iyi ǹ jilɛa iŋɛ do bala nŋɛ ŋau.

Zeremi 7:26

Amma a kù gbɔ idem ŋa pai, a kù desi itĩ. À lele idɔ nŋa, nɔ à ce daa laalɔ iyi í re ti bala nŋa ŋa.

Zeremi 7:28

Nŋu de, sɔ̃ ŋa i ni, inɛi ilɛ ŋau ihɛ̃i à kɔ̀ idei Aɔ̃ Lafɛ̃ɛɛ ku gbɔ, nɔ a kù bi ku ba ikɔ. Ntɔ kù wa bi tu ŋa, ntɔu í sa hai si gɛlɛ nŋa.

Zeremi 8:5

Na mii í jɔ̀ idɔi zamaai Zeruzalɛmuu ihɛ̃ í le bɛɛbɛ. Si zamba nŋaui à waa leekĩ, a kù kpaasi. A kù jɛ ku sinda ku nyi wa.

Ezekiɛli 2:4

Inɛ ŋau à gaabu nɔ idɔ nŋa í le. Ǹ wa n bɛɛi bi tu ŋa nɔ aa sɔ̃ ŋa ide ŋa iyi amu Aɔ̃ Lafɛ̃ɛ ǹ fɔ.

Ezekiɛli 24:13

Zeruzalɛmu, kuraraɛi í jɔ̀ ì riisi. Ǹ bi ǹ wɛɛ i maajui wo, amma ì kɔ̀. Nsɛi, i bɛi i maaju, í gbe bii idɔɔkɔ̃m í naa siɛ.

Daniɛli 9:13

Laalɔu bɛ fei í naa si wai si bɛi à kɔɔ dee dee si woodai Moizi, nɔ awa a kù dɛdɛ bɛi aa ka ce ka sũ laakaii awɔ Aɔ̃ Lafɛ̃ɛ nwa. A kù fũsi laalɔ ku ce nwa ŋau awɔ, nɔ a kù dɛdɛ bɛi aa ka ce ka gbɔ yaasei ntɔ iyi wa naa hai bi tɛɛ.

Kuwee 26:23

Bii ijuukpã iyi bɛ ŋa a kù jɔ̀ i kù kpaasi ŋa, nɔ ì kɔ̀ ì waa lele idɔ nŋɛ ŋa,

Amɔsu 4:10

Ǹ jɔ̀ bɔ̃ɔ nla nla gɔ í naa si ŋɛ, bɛi ǹ cea ilɛi Ezibiti. Ǹ jɔ̀ à kpa ama awaasũ nŋɛ ŋa do taakuba, nɔ à mu acĩ nŋɛ ŋa. Nɔ konkombii inɛ ŋa iyi à ku í dĩ imɔ nŋɛ ŋa, do nŋu fei i kù nyi wa bi tom ŋa. Amu Aɔ̃ Lafɛ̃ɛi ǹ fɔ bɛɛbɛ.

Amɔsu 4:11

Ǹ fɔtɔtɔ nŋɛ bɛi Sodomu do Gomɔɔ, nɔ ì baa ì yɛ ŋa bɛi sɔmbɔ iyi à nya wa hai inɔ ina. Do nŋu fei i kù nyi wa bi tom ŋa. Amu Aɔ̃ Lafɛ̃ɛi ǹ fɔ bɛɛbɛ.

Amɔsu 4:6

Wee ǹ jɔ̀ ari í cuku si ilu nŋɛ ŋa fei, ǹ jɔ̀ sɔnda í gaizia si kpasɛ̃ nŋɛ ŋa fei, amma do nŋu fei i kù sinda wa bi tom ŋa. Amu Aɔ̃ Lafɛ̃ɛi ǹ fɔ bɛɛbɛ.

Amɔsu 4:8

Inɛi ilu do ilu ŋa à ya maa nɛ si njɛ ku ba a ba inyi ku mɔ, amma a ci ya ba bɛi à bi. Do nŋu fei i kù nyi wa bi tom ŋa. Amu Aɔ̃ Lafɛ̃ɛi ǹ fɔ bɛɛbɛ.

Amɔsu 4:9

Ǹ jɔ̀ amaajɛ nŋɛ ŋa à ba bɔ̃ɔ, nɔ à gbɛ. Jĩi ndii lambo nŋɛ ŋa hai rezɛ̃ɛ nŋɛ ŋa do jĩi ndii figi nŋɛ ŋa do jĩi ndii olivi nŋɛ ŋa, kokoo ŋa à ŋɔ ŋa. Amma do nŋu fei i kù nyi wa bi tom ŋa. Amu Aɔ̃ Lafɛ̃ɛi ǹ fɔ bɛɛbɛ.

Sofoni 3:7

Nɔ ǹ fɔ ǹ ni, awɔ Zeruzalɛmu bii í jɛ ì mà bɛɛrɛm wo, nɔ ì jɛsi ì gba ikɔm wo, n kaa n ce nfei kuwɛɛɛ. Waati iyi ǹ wa n kpã inɛɛ ŋa iju fei, à ya hanya a maa mɔsi laalɔ ku cei si isɛɛnɛ nŋa ŋau fei.

Romu 2:2

Do ntɔ, à mà iyi Ilaaɔ̃ í nɛ ntɔ bii wa yɛ taalei inɛ ŋa iyi à waa ce dimi bɛɛbɛ.

Ebɛɛ 12:9

Baa nwa ŋa iyi à wa ilɛ ihɛ̃ à ya kpã wa iju à ya ka nɔ ka jirima ŋa. Bii bɛɛbɛi, bɛirei iri ilɛ ku sũa Baa nwa iyi í wa leleu í nɛ ku to ku ba ka nɛ kuwɛɛ.