Zeremi 5:2 - Bibeli do fee

² Baa bii à waa ce kugbasi à waa ni, ǹ gbasi do irii Aɔ̃ Lafɛ̃ɛ nŋu iyi í wɛɛ, si iboi à ya maa ceò kugbasiu.

Zeremi 5:2 Iomraidhean Croise

Ezai 48:1

I sotĩ i gbɔ ŋa iŋɛ inɛi kpasɛ̃i Zakɔbu ŋa, iŋɛ iyi à waa kpe Izirɛli, nɔ ì fita wa hai si dimii Zudaa ŋa, iŋɛ iyi ì ya ce kugbasi do irii Aɔ̃ Lafɛ̃ɛ nɔ ì ya maa kpe irii Ilaaɔ̃ Lafɛ̃ɛi Izirɛli ŋa, amma i kù waa coo do jirima ŋa hee má jɛ do dee dee ku jɛ.

Zeremi 4:2

Bii ì fɔ do kugbasi ì ni, Aɔ̃ Lafɛ̃ɛ í wɛɛ, nɔ ì fɔɔi do idɔ iyi í má do ntɔ do dee dee ku jɛ, aa yɛ inɛi ilɛ mmu ŋa aa tɔɔ n weea aŋa nɔ aa tɔɔ fufu na irim.

Zeremi 44:26

Na nŋu, iŋɛ inɛi Zudaa ŋa iyi ì wa si ilɛi Ezibitiu fei, i sotĩ i gbɔ idei amu Aɔ̃ Lafɛ̃ɛ ŋa. Ǹ gbasii do iri nlai amu takam fei, inɛi Zudaa kãma kaa fɔ ide ku kpeò irim má. Nɔ si ilɛi Ezibitiu fei, inɛ kãma kaa ce kugbasi ku ni, hee do irii Aɔ̃ Lafɛ̃ɛ fei.

Zeremi 7:9

Mii iyi ì ya maa ce ŋa wee. Ile do inɛ ku kpa do sakara do kugbasi ku ce si ibo do iwɛ̃ Baali ku joa tuae do iwɛ̃ mmu ŋa iyi i kù mà ŋa ku tɔɔ.

Zeremi 9:2

Aɔ̃ Lafɛ̃ɛ í ni, amɛ nŋa í yɛi bɛi bioo, nɔ à nɛ ibo. Gbugbã ku nɛ nŋa si ilɛu kù jɛ na dee dee ku jɛ nŋa, domi si inɔ kukãu bɛi à ya maa nɛ si, nɔ a kù màm.

Ozee 10:4

Ŋɔi à wasi ide nkpɔ nkpɔ ku fɔ, à waa ceò kugbasi si ibo, à waa dĩ akabuu ŋa nɔ kiiti wa sinti wa si gãmɛ nŋa bɛi fɔfɔ laalɔ iyi í ya fita gbãa gbãa si fiii ilɛ ŋa.

Ozee 4:15

Iŋɛ inɛi Izirɛli ŋa, sakarai ì waa ce ŋa. Amma iŋɛ inɛi Zudaa ŋa, i maà dasi ara nŋɛ kurara dimi bɛɛbɛ ŋa. I maà bɔ Giligali bi kutɔɔ iwɛ̃u ŋa, nɔ i maà bɔ Bɛti-Avɛni ŋa. Nɔ i maà ya fɔ ide do kugbasi i ni ŋa, hee do kuwɛɛi Aɔ̃ Lafɛ̃ɛ fei.

Kuwee 19:12

I maà ya ce kugbasi ibo do irim ŋa, domi aa na i dasi irii amu Aɔ̃ Lafɛ̃ɛ nŋɛ riisi ŋa. Amui ǹ jɛ Aɔ̃ Lafɛ̃ɛ nŋɛ.

Sofoni 1:5

Inɛ ŋa iyi à ya gũ antaii ile sikifa ŋa a maa tɔɔ cukpa do leleaɔ̃ ŋa, an ce nfei aŋa feii. Inɛ ŋa mɔ iyi à ya maa tɔɔm, nɔ a tɔtɔɔ a maa ceò kugbasi do irii iwɛ̃ iyi à ya kpe Molɔkuu, an ce nfe nŋai.

Malasi 3:5

An naa si ŋɛi n na n kiiti ŋɛ. An dede si woo ce dobu dobu ŋa do woo ce sakara ŋa, do woo ce kugbasi si ibo ŋa do si inɛ ŋa iyi à waa taa woo ce icɛ ŋa iyi à nɛ a ba isã do jaaɔ̃ ŋa do kɔyɔ ŋa do isɛ mmu ŋa gbugbã, nɔ a kù mà bɛɛrɛm. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Timɔtee 1, 1:10

do woo ce sakara ŋa, do inɛmɔkɔ ŋa iyi à ya maa sũò njɛ, do inɛ ŋa iyi à ce ilei amanɛ ŋa à waa ta, do woo sɔ ibo ŋa, do woo ce kugbasi si ibo ŋa, do inɛ ŋa iyi à waa ce mii baa yooma fei iyi kù waa too si cio jiida.

Timɔtee 2, 3:5

Aa maa too kpãai Ilaaɔ̃ do gɛlɛ, amma ilu muafiti ŋai domi à kɔ̀si gbugbãɛ. Fa araɛ hai bi amanɛ dimi bɛɛbɛ ŋa.

Titee 1:16

À waa fɔ do gɛlɛ à ni aŋa à mà Ilaaɔ̃, amma kookoosu nŋa wa jã ŋa ide. À jɛ inɛ laalɔ do woo kɔ̀ ide ŋa, a kaa yɔkɔ a ce mii jiida kãma má.