Zeremi 5:1 - Bibeli do fee

¹ I dabii si kpãai Zeruzalɛmu ŋau i cɔ ŋa nɔ i ce kudɛdɛ si bantuma ŋau wa ŋa, bii aa ba inɛ baa akã iyi kuceɛ í sĩa nɔ wa dɛdɛ nŋu ku ce mii iyi í jɛ ntɔ. Bii í jɛ ì ba inɛ baa akã ŋa, an cea Zeruzalɛmu suuru.

Zeremi 5:1 Iomraidhean Croise

Ilaalu 1, 19:10

Ŋɔi í jɛ í ni, ǹ jabu ntɔ ntɔ na iriɛ, awɔ Aɔ̃ Lafɛ̃ɛi lele do ilɛ, domi inɛi Izirɛli ŋa à fũsi akabuuɛ awɔ, à kɛkɛ bi kuweeɛ ŋau nɔ à kpa waliiɛ ŋau fei do taakuba. Amu akãi ǹ gbe, nɔ à waa dɛ ku kpam.

Bomma 2, 16:9

Do ntɔ, Aɔ̃ Lafɛ̃ɛ wa cɔ ilɛ bii fei ku ba ku sobi inɛ ŋa iyi à naa idɔ nŋa fei. Si ideu ihɛ̃ ì cei bɛi nnyɛi. Na nŋu, hai nnyi inɛ ŋa aa ya maa naa igũ siɛi.

Iri ku kɔ̃ 12:1

Iriu ihɛ̃ ti inɛ ngboi woo kɔ̃ iri ŋai do Davidi. À ya kɔ̃ɔi do mɔɔlɔ ilu ikũ mɛɛjɔ.

Iri ku kɔ̃ 14:2

Aɔ̃ Lafɛ̃ɛ wa cɔ inɛ ŋa wa hai lelei Aɔ̃ ku ba ku yɛ bii ilu laakai gɔ í wɛɛ iyi wa dɛdɛɛ.

Iri ku kɔ̃ 14:3

Amma kù yɛ, aŋa fei à nyɔi, aŋa fei à bɛjɛi. Inɛ gɔ kù wɛɛ si inɔ nŋa iyi wa ce jiida baa akã.

Iri ku kɔ̃ 94:16

Yooi á dede ku kɔ̀ɔm bi inɛ laalɔ ŋau. Yooi á leekĩ si anyim bi woo ce laalɔ ŋau.

Mɔnda ŋa 20:6

Inɛ nkpɔ nkpɔi í ya maa ni nŋu í jɛ ilu naanɛ, amma yooi í jɛ ilu naanɛ do ntɔ.

Mɔnda ŋa 23:23

Dɛdɛ ntɔ do bisi do ikɔ do laakai nɔ i maà fũsi ŋa awɔ.

Mɔnda ŋa 8:3

Wa leekĩ kɔkɔi anu koofai iluu, tengi bii inɛ ŋa à ya maa lɔ, wa ni,

Iri ku kɔ̃ iyi í dɔ̃ í re 3:2

Ŋɔi ǹ ni an dedei, n dabii si inɔ ilu do si kpãa ŋa do si bantuma ŋa, n dɛdɛ inɛ iyi idɔm í biu. Ŋɔi ǹ dɛdɛɛ nɔ n kù yɔɔ.

Ezai 59:4

Ide ŋa iyi ì ya bɔò ile bi ku ce kiiti ŋa ci ya jɛ dee dee. Inɛ kãma nŋɛ gɔ ci ya bɔ bi ku ce kiiti do ide iyi wa too kpãa. Si inya ngbɛi naanɛ nŋɛ í ya wa, nɔ ide ku fɔ nŋɛ ŋa kãma ci ya nɛ icu. Lasabu nŋɛ si inɛ ŋa ku kpã ijui í ya wa, nɔ iri ku kpaɛ, laalɔi í ya na ku bí.

Zeremi 2:29

Amu Aɔ̃ Lafɛ̃ɛ ǹ ni, mii í ce ì waa yɛ taalem ŋa. Iŋɛ fei ì dedeò ide ku kɔ̀ ŋai si wajum.

Zeremi 44:15

Ŋɔi inɛmɔkɔ ŋa iyi à mà iyi aboi aŋa à ya cea iwɛ̃ ŋa kuweei tuaeu, do inaabo ŋa iyi à tɔtɔɔ bɛ nkpɔ nkpɔu do zamaa iyi í wa ilɛi Ezibiti si ilui Patɔɔsiu fei à jɛa Zeremi à ni,

Zeremi 8:6

Ǹ de itĩ jiida ǹ wa n gbɔ bɛi à waa fɔ. A kù waa fɔ ide si yaase bɛi í jɔ. Kãma nŋa kù waa kpaasi hai si laalɔ ku ceɛ. Nɔ a ci ya bee ara nŋa a ni, mii ǹ ce. Aŋa fei à ya teese a sɛi a maa koo nŋai bɛi acĩ iyi wa sɛi wa bɔ igũ.

Zeremi 9:2

Aɔ̃ Lafɛ̃ɛ í ni, amɛ nŋa í yɛi bɛi bioo, nɔ à nɛ ibo. Gbugbã ku nɛ nŋa si ilɛu kù jɛ na dee dee ku jɛ nŋa, domi si inɔ kukãu bɛi à ya maa nɛ si, nɔ a kù màm.

Zeremi 9:7

Amɛi inɛ ŋau í yɛi bɛi afa ku kpa amanɛ. Ide iyi à waa fɔ fei iboi. À ya maa sɔ̃ kpaasi nŋa idei laakai ku sũ, amma hee si lɛlɛi idɔ nŋa, taai à ya maa leaa.

Ezekiɛli 22:30

Ǹ dɛdɛ inɛ gɔ si inɔ nŋa iyi á ma bindiu ku kaakoɛ nɔ ku maa leekĩ bi foo ku ba n maà n naa n ce nfei ilɛu, amma n kù ba.

Ezekiɛli 9:9

Ŋɔi Aɔ̃ Lafɛ̃ɛ í ni, dulum dii inɛi Izirɛli ŋa do inɛi Zudaa ŋau í la hee í caa. Ilɛu í kɔ̃ do njɛ ku nikã nɔ iluu í kɔ̃ do laalɔ. Nɔ à fɔ à waa ni, Aɔ̃ Lafɛ̃ɛ í fũsi ilɛu awɔ nɔ kù waa yɛ nkãma.

Daniɛli 12:4

Awɔ Daniɛli, mu ide ŋau ihɛ̃ si asii. Maà jɔ̀ inɛ ŋa a mà ide ŋa iyi à wa si tiau ihɛ̃ hee koo toò waatii ankãanyiu. Waati bɛɛbɛ, inɛ nkpɔ nkpɔi á cioɛ, nɔ kumà nŋa á la ku kɔ̃ɔsi.

Zoɛli 2:9

À ya sɛi si ilu nlau wai nɔ a gũ bindiɛu a maa kua. À ya lɔ inɔ kpasɛ̃ ŋai hai do bi fɛrɛnti ŋau bɛi woo ce ile.

Amɔsu 8:12

Aa jɛ inɛ ŋa iyi à nyɔi hai awɔ cangai kpãai inunu do nunui alɛ, hai awɔ njɛi kpãai inunu do nunui daakɔ. Aa maa dɛdɛ idei Aɔ̃ Lafɛ̃ɛi amma a kaa baa.

Zakari 2:4

Nɔ ǹ bee ǹ ni, mii à naa ku ce. Nɔ í jɛɛm í ni, à naa ku kɛkɛ dimi ilu gbugbã ŋaui nɔ a jɔ̀ a ce njo. Dimi ŋau aŋai à tako à dede si inɛi Zudaa ŋa à fangaa ŋa wo.

Luku 14:21

Ŋɔi woo ce icɛu í sinda í koo í sɔ̃ lafɛ̃ɛɛ gaafara iyi inɛ ŋau fei à tɔɔ. Ŋɔi idɔi lafɛ̃ɛu í kɔ̃, nɔ í sɔ̃ woo ce icɛɛu í ni, koo i bɔ si bantuma ŋa nsɛi nsɛi do si kpãai inɔ iluu, kpeem ilu are ŋa wa do wɛɛgɛ ŋa do fɛɛju ŋa do ilu kutɛ akã ŋa.

Tɛsalonika 2, 2:10

Á nɔ ku ce laalɔ dimi ikã ikã baa yooma fei ku dĩò ijui inɛ ŋa iyi à waa bɔ nfe ku ce. Aa ce nfe domi a kù nɛ kubii ntɔu iyi á faaba ŋa.