Zeremi 48:2 - Bibeli do fee

² Mii iyi wa jɛ bɛɛrɛi inɛi Moabu ŋau, kù wɛɛ má. Inɛ ŋa à cea Hɛsebɔ̃ɔ sɔɔlui laalɔ à ni, ka koo kaa kpa irii iluu hai si aninii zamaai inɛi andunya ŋau. Nɔ awɔ mɔ ilui Madimɛni, igũ á naa siɛ nɔ i kpɔò bomma.

Zeremi 48:2 Iomraidhean Croise

Ezai 15:1

Idei ijuukpã iyi à fɔ si gãmɛi ilɛi Moabu wee. Ntɔ ntɔ si idũ akãi à ce nfei ilui Aa-Moabu nɔ í kpa iri. Ntɔ ntɔ si idũ akãi à ce nfei ilui Kii-Moabu nɔ í kpa iri.

Ezai 15:5

Ŋɔi ǹ dɔ̃ anu ǹ wa n tɔɔ faaba na inɛi Moabu ŋau. Inɛɛ ŋau à sa à waa nɛ hee Soaa, do hee Egalati-Selisia. Ŋɔi à koo à waa gũ geetei Luhiti do kukpata, nɔ à wasi ku dɔ̃ anui inɔ kufɔ si kpãai Horonaimu,

Ezai 16:14

Nsɛi bɛbɛi, ide ŋa iyi Aɔ̃ Lafɛ̃ɛ wa fɔ wee. Í ni, hai nsɛi ku bɔ adɔ̃ mɛɛta cau cau, amboei inɛi Moabu ŋa á baa ku jɛ yaako. Baa do kulai zamaau fei, inɛ ŋa iyi à gbe ŋau, a kaa jɛ nkãma má, nɔ a kaa nɛ bɛɛrɛ kãma.

Ezai 25:10

Ntɔ ntɔ, awɔi Aɔ̃ Lafɛ̃ɛ í wa si iri kutau ihɛ̃, amma Moabu, aa tɛɛsɛɛi bɛi à ya jojo si fɔfɔ si inɔ isa a jɔ̀ ku ce taasi.

Zeremi 25:15

Ŋɔi Aɔ̃ Lafɛ̃ɛi inɛi Izirɛli ŋau í bam ide ku fɔ í ni, gba kɔɔfu iyi í kɔ̃ do atɛ̃ vɛ̃ɛi idɔɔkɔ̃u ihɛ̃ hai si awɔm, nɔ i jɔ̀ dimi ŋa iyi ǹ wa n bɛɛ bi tu ŋau aŋa fei a mɔ.

Zeremi 25:17

Ŋɔi ǹ gba kɔɔfuu hai si awɔi Aɔ̃ Lafɛ̃ɛ, nɔ ǹ jɔ̀ dimi ŋa iyi Aɔ̃ Lafɛ̃ɛ í bɛm bi tu ŋa ŋau fei à mɔ.

Zeremi 31:36

Nɔ Aɔ̃ Lafɛ̃ɛ í nyi í ni má bii nŋu í jɛsi iyi wooda iyi à jilɛa lele do ilɛ á na ku kpa iri ajɔ akã, bɛɛbɛ mɔi nŋu á jɛsi iyi tɔkui inɛi Izirɛli ŋau mɔ aa kpa irii, a kaa jɛ dimi gɔ iyi í wɛɛ má.

Zeremi 33:24

i kù ce laakaii ide iyi inɛ ŋau ihɛ̃ à waa fɔ ba. À waa ni amu Aɔ̃ Lafɛ̃ɛ ǹ fũsi dimii Izirɛli do dimii Zudaa ŋa iyi ǹ cicau awɔ. Inɛ ŋa iyi à waa fɔ bɛɛbɛ ŋau, a kù waa saalu inɛm ŋau bɛi dimi gɔ má. Na ŋɔi í jɔ̀ à waa yaako ŋa.

Zeremi 46:28

Awɔ Zakɔbu woo ce icɛm, maa jɔ̀ zigiɛ ku da. Amu Aɔ̃ Lafɛ̃ɛi ǹ fɔ bɛɛbɛ, domi ǹ wɛɛ do awɔ. An kpa irii dimi mmu ŋa bii ǹ jɔ̀ ì fangaa ì bɔ ŋau ŋa. Amma awɔ, n kaa n ce nfeɛ. Ntɔi ǹ kpãɛ ijui dee dee si yaase bɛi ì nɛ ku jɛ, domi n kaa n jɔ̀ɛ bɛi hai nɛ taale.

Zeremi 48:17

Iŋɛ iyi ì jɛ inɛi kɔkɔi ilɛi Moabuu fei, iŋɛ iyi ì màa ŋa, i coo fɔɔi iku ŋa. I bee ara nŋɛ i ni, bɛirei í ce gbugbã nla nla bɛ ihɛ̃ í lɛgɛ, gbugbã iyi í nɛ amboe nla nla bɛ ihɛ̃.

Zeremi 48:42

Aa lɛgɛ ilɛi Moabui nɔ zamaaɛ kaa wɛɛ má, domi à dedeò ide ku kɔ̀ si gãmɛi Aɔ̃ Lafɛ̃ɛ.

Zeremi 48:45

Inɛ ŋa à kua gbugbã nɔ à sa à waa bɔ ku manji Hɛsebɔ̃ɔ, amma ina gɔ í dede si iluu. Amɛi ina gɔi á dede si kpasɛ̃i ilaalu Sioni. Inau á jo kɛkɛlɛi Moabui do koko irii inɛ laalɔ ŋa.

Zeremi 49:3

Iŋɛ inɛi Hɛsebɔ̃ɔ ŋa, i dɔ̃ anu do inɔ kufɔ ŋa, domi à ce nfei ilui Aiu mbɛ. Iŋɛ inɛi Raba ŋa, i dɔ̃ anu i tɔɔ faaba ŋa. I dasi jĩnɛ iyi í jɛ ti kukpata akũ nɔ i kɔ̃ irii inɔ kufɔ ŋa. Bii ì yɔkɔ i sɛi i bɔ bii ì waa bɔ fei ŋa, aa mu iwɛ̃ ilaalu nŋɛui a nɛò ilɛ mmu dei nŋu do woo weeɛ ŋa do amaɛ ŋa fei ajɔ.

Zeremi 49:37

An jɔ̀ inɛi Elamu ŋau a maa yayai si wajui mbɛɛ nŋa ŋa, do si wajui inɛ ŋa iyi à waa dɛdɛ ku kpa ŋa. Nɔ Aɔ̃ Lafɛ̃ɛ í nyi í ni má, si idɔɔkɔ̃ nla nla nɔu an jɔ̀ wahala ku naa si ŋai. An jɔ̀ igũ ku naa si ŋai hee n koo n kpa iri nŋa fei mam mam.

Kuka 32:37

Inɛi Rubɛ̃ɛ ŋau mɔ à teese à ma ilui Hɛsebɔ̃ɔ do Eleale do Kiriataimu,