Zeremi 47:3 - Bibeli do fee

³ Waati iyi à waa gbɔ ibai kɔbisii acĩi soogei Ezibiti ŋa do ibai sarɛtii igũ ŋau do ibai kutɛi sarɛti nŋa ŋau, baa ŋau a kù waa ce baa idei ama nŋa ŋau má domi aŋa taka nŋa à kua gbugbã.

Zeremi 47:3 Iomraidhean Croise

Ezai 5:28

Inɛ ŋau à gbe anui afa nŋa ŋa, nɔ à katee bioo nŋa ŋa. Kɔwei acĩ nŋa ŋau à lei bɛi kuta, nɔ kutɛi sarɛtii igũ nŋa ŋau mɔ à yɛi bɛi fufu dabii.

Zeremi 46:9

Acĩ ŋa, i gũ i koo ŋa, nɔ sarɛtii igũ ŋau a sɛi jiida jiida. Iŋɛ sooge woo ja igũ ŋau, i koo ŋa do inɛi Etiopi ŋa do inɛi Puti ŋa aŋa iyi à waa mu tɛli keeke ŋa do inɛi Ludi ŋa iyi à waa mu bioo ŋau.

Zeremi 50:42

Inɛ ŋau à waa mu bioo do kaka ŋa. Inɛ kugaabu ŋai, nɔ a kù nɛ araare. Imu nŋa í ya maa fĩi bɛi ibai tenku, nɔ si antaii acĩ ŋai à gũ wa. À tã sɔɔlu a ce igũ bɛi inɛmɔkɔ akã do awɔ Babilɔni.

Zeremi 8:16

Mbɛɛ í wa do ikpa Dãa tã, nɔ à waa gbɔ anu ku dɔ̃i acĩɛ ŋa. Anu ku dɔ̃i acĩ ŋau í jɔ̀ ilɛu fei wa yaya. À nɛ à waa naa, à waa ce nfei ilɛu hee do mii iyi í wa si fei, hai iluu hee do inɛi ilu ŋau fei.

Ezekiɛli 23:24

Aa naai hai do bii fei do sarɛtii igũ ŋa do sarɛti ikã ikã do sooge nkpɔ nkpɔ. Aa dede siɛ wai do tɛli nla do keeke do fulai isɔ ŋa. Aŋai ǹ so kiitiu ǹ daa si awɔ nɔ aa kiitiɛi do wooda nŋa.

Nahumu 2:4

Sooge mbɛɛ ŋau, ila nkpai à jɔsi tɛli nŋa. Inɛmɔkɔ kaasãanɛ ilu wɔɔkɔ ŋau mɔ, ibɔ nkpa ŋai à waa dasi. Bii à tã sɔɔlui igũ ku ce, sarɛtii igũ nŋa ŋau à ya maa daanai bɛi amɛi ina, nɔ kaka nŋa ŋa à ya maa yagai.

Nahumu 2:8

Nɔ mbɛɛ ŋau à so iwɛ̃ nŋau à nɛò. Inaabo ŋa iyi à ya maa gbɔau à dɔ̃ anu à waa kũnguò bɛi ankasiidi ŋa. Si inɔ kufɔ nŋau à wasi gɛndɛ nŋa ŋa ku cã.

Kuyɛi Zãa 9:9

À bii gɛndɛ nŋa do bata ku nɛ sisima gɔ iyi bii ì yɔɔ aa ni isɔi. Nɔ ikpa nŋa í ya maa ce iba bɛi sarɛtii igũ nkpɔ iyi acĩ ŋa à waa fa bi ku ce igũ.

Woo kiiti ŋa 5:22

Ŋɔi kɔbisii acĩ ŋau à waa ce iba. À waa kitigba ilɛ do kɔbisi nŋa ŋau.