Zeremi 43:3 - Bibeli do fee

³ Baruku amai Neriai wa dasiɛ ide ŋau bɛ ku fɔ na iri nwa, ku ba i so wa i daa inɛi Kaladee ŋa si awɔ ku ba a kpa wa walakɔ mɔ a mu wa a nɛò wa Babilɔni.

Zeremi 43:3 Iomraidhean Croise

Iri ku kɔ̃ 109:4

Baa do iyi ǹ nɛ kubi nŋa fei, à waa yɛ taalem. Amma amu ǹ wa n ce nŋa kutɔɔ.

Zeremi 32:12

ǹ na Baruku amai Neria iyi wa jɛ tɔkui Maaseya. Ǹ naa tia ŋaui ijui Hanameɛli amai asiim nɔu, do si wajui inɛ ŋa iyi à jɛ sɛɛda ŋa nɔ à dasi tiai kurau awɔ, do si wajui inɛi Zudaa ŋa iyi à wa bantuma bii sooge ŋa à ya maa degbeu fei.

Zeremi 36:10

Baruku amai Neria í koo í leekĩi si inɔ ile iyi í jɛ ti Gemaria amai Safãa iyi í jɛ woo kɔ tia nwoi ilɛu. Ileu í wai si bantuma iyi í wa lelei kpasɛ̃i Aɔ̃ Lafɛ̃ɛu kɔkɔi gambo titɔ̃u. Nɔ ide ŋa iyi Zeremi í jɔ̀ à kɔ si tiau, Baruku í dede í cioɛ hee lele si wajui zamaa iyi í wa bɛu fei.

Zeremi 36:26

Nɔ mɔm í na Yerameɛli amaɛu wooda do Seraya amai Aziriɛli do Selemia amai Abudeɛli í ni a mu Baruku woo kɔ tiau wa do walii Zeremi. Amma Aɔ̃ Lafɛ̃ɛ í singa ŋa.

Zeremi 36:4

Ŋɔi Zeremi í kpe Baruku amai Neria, nɔ ide ŋa iyi Aɔ̃ Lafɛ̃ɛ wa sɔ̃ɔu fei nŋu mɔ wa sɔ̃ Baruku, nɔ Baruku wa kɔ ide ŋau fei si tia.

Zeremi 38:4

Iyi akawe ŋau à gbɔ bɛi wa fɔ, ŋɔi à sɔ̃ ilaalu Sedesiasi à ni, mɔkɔu ihɛ̃ í gbe a kpaa, domi ide ŋa iyi wa fɔu ihɛ̃ á fɔ inɔi sooge ŋa do inɛ ŋa iyi à gbe si inɔ iluui. Inɛɛu ihɛ̃ kù waa dɛdɛa zamaai iluu mii jiida, í gbe nfe ku cei zamaau.

Zeremi 41:18

nɔ aŋa a jĩò inɛi Kaladee ŋa iyi njo wa mu ŋa siu, si na iyi í jɔ̀ Isimaɛli amai Netania í tako í kpa Gedalia amai Ahikamu iyi ilaalui Babilɔni í cica í jilɛ si ilɛu.

Zeremi 43:6

À gbã aŋa feii hai inɛmɔkɔ ŋa do inaabo ŋa do amu ŋa do ama inaabo ŋa iyi à jɛ amai ilaaluu hee do inɛ ŋa iyi Nebuzaradãa iyi í jɛ inɛ ngboi woo degbei ilaaluu í jɔ̀ bɛ bi Gedalia amai Ahikamu iyi wa jɛ tɔkui Safãa. À gbã walii Zeremi mɔ do Baruku amai Neriau.

Luku 6:26

Iŋɛ ilu inɔ kufɔ ŋai bii inɛ fei wa saabu ŋɛ domi bɛɛbɛi bala nŋa ŋa à cea walii ilu ibo ŋau wo.