Zeremi 4:9 - Bibeli do fee

⁹ Aɔ̃ Lafɛ̃ɛ í ni, ajɔ nŋu bɛ, ilaalu do akaweɛ ŋa aa mɔngɔ temua. Woo wee ŋa aa biti, nɔ walii ŋa a kaa mà iyi à waa ce.

Zeremi 4:9 Iomraidhean Croise

Ilaalu 2, 25:4

inɛi Babilɔni ŋa à lu foo si bindii iluu. Waati iyi idũ í na í dũ, ŋɔi woo ja igũi Zudaa ŋau fei à sa. Baa do iyi inɛi Babilɔni ŋau à kaako iluu fei, inɛ ŋau à fita hai Zeruzalɛmui hai do bi gambo iyi í wa afei idĩ minji iyi í wa kɔkɔi lamboi ilaaluu. Ŋɔi à sa à too do kpãa iyi wa bɔ ikpa lɔɔmai Zuudɛ̃ɛ.

Iri ku kɔ̃ 102:4

domi kuwɛɛm wa nɛi bɛi cua, nɔ kũkũm ŋa à waa jo bɛi jĩi iyi í mu ina.

Ezai 19:16

Ajɔ nŋu bɛ, inɛi Ezibiti ŋa aa yɛi bɛi inaabo ŋa. Aa maa yayai do njo waati iyi aa yɛ Aɔ̃ Lafɛ̃ɛi lele do ilɛ í wu awɔɛ wa si ŋa.

Ezai 19:3

Í ni inɛi Ezibiti ŋau aa kua gbugbã, nɔ nŋu á fɔtɔtɔi lasabu nŋa ŋai. Waati bɛɛbɛ, aa koo a maa ce kubeei bi iwɛ̃ nŋa ŋa do bi woo ce alisi ŋa iyi à ya bee iku ŋa ide, walakɔ bi inɛi inɔɔko ŋa.

Ezai 28:19

Waati iyi á na ku maa lɔ fei, á mu ŋɛi. Nɔ á ya lɔi daakɔ fei do dasã do idũ. Nɔ ibaɛ nŋu akã, á jɔ̀ njo ku mu ŋɛ.

Zeremi 2:26

Bɛi anyɔ í ya mu ile waati iyi à muu, bɛɛbɛi anyɔ á mu iŋɛ inɛi Izirɛli ŋau, iŋɛ do ilaalu nŋɛ ŋa do inɛ ngbo nŋɛ ŋa do woo wee nŋɛ ŋa do walii nŋɛ ŋa.

Zeremi 25:34

I kɔ̃ irii inɔ kufɔ nɔ i dɔ̃ anu ŋa, iŋɛ woo gbãi zamaa ŋau. I sũ i bimbili ilɛ ŋa, iŋɛ woo degbe ŋau, domi waati iyi aa saka ŋɛi í to wa bɛ. Aa cuku ŋai nɔ i lɛgɛ bɛi jɛɛ ilu bɛɛrɛ ŋa.

Zeremi 37:19

Nɔ hee iwoi walii nŋɛ ŋau à wa, aŋa iyi à ya ce nŋɛ walii a maa ni ilaalui Babilɔni kaa naa si ilɛ nŋɛu ihɛ̃ igũ.

Zeremi 48:41

À gba ilu nŋa ŋau, hee do ile ku nɛ gbugbã bi ku manji nŋa ŋau, nɔ idɔi woo ja igũi Moabu ŋau í yɛi ajɔ nŋu bɛ bɛi ti inaabo iyi wa gbɔ ara kuroi kubí.

Zeremi 5:31

Walii ŋa à waa ce walii do ibo. Woo wee ŋau à waa ce idɔɔbi nŋa. Nɔ iyi bɛi wa jɛa zamaam inɔ didɔ̃. Amma bɛirei aa ce ŋa na waju ku bɔi ilɛu.

Zeremi 52:7

inɛi Babilɔni ŋau à lu foo si bindii iluu. Waati iyi idũ í na í dũ, ŋɔi woo ja igũi Zudaa ŋau fei à sa. Baa do iyi inɛi Babilɔni ŋau à kaako iluu fei, inɛ ŋau à fita hai Zeruzalɛmui hai do bi gambo iyi í wa afei idĩ minji iyi í wa kɔkɔi lamboi ilaaluu. Ŋɔi à sa à too do kpãa iyi wa bɔ ikpa lɔɔmai Zuudɛ̃ɛ.

Woo bɛ ŋa 13:41

iŋɛ woo yaako amu Ilaaɔ̃, i gbɔ idem ŋa. Aa biti ŋa nɔ aa ce nfe ŋa, domi an ce mii gɔ si waati nŋɛ iyi baa bii í jɛ inɛ gɔ í na wa sisi nŋɛ i kaa dasi naanɛ ŋa.