Zeremi 4:8 - Bibeli do fee

⁸ Na nŋu, i bii ara nŋɛ do saaki, i kpata nɔ i ŋɔ inyí ŋa, domi idɔɔkɔ̃ nla nlai Aɔ̃ Lafɛ̃ɛu kaa jɔ̀ wa.

Zeremi 4:8 Iomraidhean Croise

Iri ku kɔ̃ 78:49

Í jɔ̀ idɔɔkɔ̃ nlaɛ í naa si inɛi Ezibiti ŋau. Si idɔɔkɔ̃ɛu, í jɔ̀ amalekaɛ gɔ ŋa à naa si ŋa do ijuukpã do inɔ kufɔ nla nla.

Ezai 10:4

Aa yɛ ijuukpã ŋai do inɛ ŋa iyi aa mu si igũ, walakɔ mɔ aa ku ŋai. Amma do nŋu fei idɔɔkɔ̃i Aɔ̃ Lafɛ̃ɛ kaa sũ. Awɔɛ á kɔ̀ ku maa wa lelei ku ba ku kpã ŋɛ iju.

Ezai 13:6

Na nŋu, i kpata i maa weeweaò ŋa, domi ajɔi Aɔ̃ Lafɛ̃ɛ í maai wa. Wa naai bɛi laalɔ iyi á ce nfei mii fei. Wa naai hai bi Aɔ̃ Lafɛ̃ɛ ilu gbugbã.

Ezai 22:12

Aɔ̃ Lafɛ̃ɛi lele do ilɛ í kpe ŋɛ ajɔ nŋu í ni i kpata nɔ i maa weewea ŋa. I wa iri nŋɛ ŋa, nɔ i we saaki ŋa i nyisiò inɔ kufɔ nŋɛ.

Ezai 32:11

Debɛi i jɔ̀ i wɛɛò zigiida ŋa, iŋɛ iyi i kù waa ce weeweai nkãmau bɛ. I yaya ŋa, iŋɛ iyi ì waa naanɛ ara nŋɛu. I bɔ ibɔ nŋɛ ŋa, i gbe basĩ ŋa, nɔ i we acɔi inɔ kufɔ si gbankili nŋɛ ŋa.

Ezai 5:25

Ŋɔi idɔi Aɔ̃ Lafɛ̃ɛ í kɔ̃ si inɛɛ ŋau hee í caa nɔ í cã ŋa. Iri kuta ŋa à yaya, nɔ inɛ ŋa iyi à ku ŋa à waa sũ itĩ kpãa ŋa bɛi mii riisi ŋa. Nɔ do nŋu fei idɔɔkɔ̃ɛu kù sũ, ijuukpãu í mɔsi wa koo.

Ezai 9:12

Do yaase bɛɛbɛi Ilaaɔ̃ í kpã ŋaò iju, amma do nŋu fei, a kù sinda a kù nyi bi tɛɛ nŋu iyi í jɛ Aɔ̃ Lafɛ̃ɛi lele do ilɛ.

Ezai 9:17

Ntɔ ntɔ inɔ sãmi í ya jo mii ŋai bɛi ina í ya jo agũ dimi ikã ikã ŋa. Nɔ bɛi agbo í la í toò fei, í ya jooi. Cuaɛ í ya dedei hee lele.

Zeremi 25:34

I kɔ̃ irii inɔ kufɔ nɔ i dɔ̃ anu ŋa, iŋɛ woo gbãi zamaa ŋau. I sũ i bimbili ilɛ ŋa, iŋɛ woo degbe ŋau, domi waati iyi aa saka ŋɛi í to wa bɛ. Aa cuku ŋai nɔ i lɛgɛ bɛi jɛɛ ilu bɛɛrɛ ŋa.

Zeremi 30:24

Idɔɔkɔ̃ nlai Aɔ̃ Lafɛ̃ɛ kaa sũ bii kù kɔ̃ mii ŋa iyi í dasi idɔ ku ceu. Ajɔ wa naa iyi aa na i gbɔ yaaseɛ ŋa.

Zeremi 48:20

Aa jɛ a ni, si anyɔ do si gbugbã ku kuai Moabu í wa. Na nŋu, i dɔ̃ anui inɔ kufɔi iku, i dɔ̃ anu nla nla ŋa. I fɔ laabaauu si itĩi idoi Aanɔɔu i ni à ce nfei Moabu ŋa.

Zeremi 6:26

Iŋɛ inɛm ŋa, i bii ara nŋɛ do saaki nɔ i bimbili si ilulu. I kpata akũ ŋa bɛi inɛ iyi ama inɛmɔkɔ akãɛ í ku, domi woo ce nfeu á faata si wa wa anu akã.

Kukpata 1:12

Iŋɛ iyi ì ya maa too do ihɛ̃, laalɔu ihɛ̃ kù ba ŋɛ. I cɔ, nɔ aa yɔɔ ŋa iyi wahala gɔ kù wɛɛ iyi í yɛ bɛi dimi iyi í bam nɔu ihɛ̃. Aɔ̃ Lafɛ̃ɛ í jɔ̀ wahala í bam nii, si ajɔ iyi idɔɔkɔ̃ nla nlaɛu í dede.

Ezekiɛli 21:12

Inɛ ŋa aa beeɛ a ni, na mii í jɔ̀ ì waa kakaa. Aa jɛ nŋa i ni, laabaau laalɔ gɔi ǹ gbɔ iyi á na ku ce. Inɛ ŋa aa wɛɛò inɔ kufɔ nɔ a kua gbugbã. Ilu wɔɔkɔ ŋa aa kua gbugbã, nɔ ilugũ ŋa a kua gbugbã. Mii iyi Aɔ̃ Lafɛ̃ɛ í ni á ceu nŋui í sinti bɛ tã.

Ezekiɛli 30:2

awɔ amanɛ, ce walii i fɔ i ni amu Aɔ̃ Lafɛ̃ɛ ǹ ni a kpata, a dɔ̃ anu na ajɔ si bii laalɔ gɔ á naa.

Zoɛli 1:13

Iŋɛ woo wee ŋa, i dasi ibɔi akũ nɔ i kpata i maa weeweaò ŋa. Iŋɛ iyi ì ya ce kuwee si bi kuweeu, i dɔ̃ anu ŋa. I we saaki i wɔ̀ò njoo iŋɛ woo ce kuweei Ilaaɔ̃ Lafɛ̃ɛm ŋa, domi inɛ ŋa a kù waa naaò kuweei iyafũ ŋa do ti vɛ̃ɛ ŋa wa kpasɛ̃i Ilaaɔ̃ Lafɛ̃ɛ nŋɛ má.

Amɔsu 8:10

An kpaasi jingau nŋɛ ŋaui do inɔ kufɔ, nɔ iri ku kɔ̃ nŋɛ ŋa mɔ do kukpata. Jĩnɛi inɔ kufɔi inɛ fei á dasi. Nɔ inɛ fei á gbogoo iriɛi na inɔ kufɔ. Inɔ kufɔi ikui á naa si ilɛu fei bɛi ti ajɔi ikui ama akã, nɔ mii fei á kpa irii do inɔ kufɔ nla nla.

Misee 1:16

I ja iri nŋɛ ŋa, i gbogooɛ ŋa, iŋɛ inɛi Zeruzalɛmu ŋa. I jɔ̀ iri nŋɛ ŋau a wɛɛ hai nɛ nto bɛi ti yembeeku, i kpata na ama nŋɛ ŋa iyi ì nɛ kubi nŋa jiida ŋau ŋa, domi aa nɛò ŋai hee ilɛ jĩijĩ hai bi tu ŋɛ.

Kuka 25:4

Ŋɔi Aɔ̃ Lafɛ̃ɛ í sɔ̃ Moizi í ni, mu inɛ ŋa iyi à ya gbã inɛi Izirɛli ŋa a maa bɔò ŋa si iwɛ̃ ŋa ku tɔɔu fei, i jɔ̀ a kpa ŋa, si wajum do ijui inunu, ku ba idɔɔkɔ̃m nɔu ku kita hai si inɛi Izirɛli ŋa.