Zeremi 4:7 - Bibeli do fee

⁷ Woo ce nfei ilɛ ŋau wa nɛ wa bɛi muusu nla iyi í fita wa hai inɔ kubuɛ. Í dede wa hai inyaɛ ku ba ku ce nfei ilɛɛu. Iluɛ ŋa aa ce kuku, nɔ inɛ kãma kaa wa si.

Zeremi 4:7 Iomraidhean Croise

Ilaalu 2, 24:1

Si waatii bomma ku jɛi Zoakimui Nebukanɛsaa ilaalui Babilɔniu í naa í ce igũ si ilɛi Zudaa. Nɔ í mu ŋa aru zakai adɔ̃ mɛɛta. Amma si anyiɛ Zoakimu í na í kɔ̀ ide í gba araɛ.

Ilaalu 2, 25:1

Si adɔ̃ mɛɛsãsiai bomma ku jɛi Sedesiasi, si ajɔ mɛɛwasiai cukpa mɛɛwasia, Nebukanɛsaa ilaalui Babilɔniu í naa igũ si ilui Zeruzalɛmu nŋu do soogeɛ ŋau fei. Ŋɔi à ce asɔ kɔkɔi iluu nɔ à ce timtim à kaakoɛò.

Ezai 1:7

Ilɛ nŋɛu í baa í kpɔò bommai. À dasi ilu nŋɛ ŋau ina. Inɛ njoo ŋa à bɛjɛ amaajɛi iko nŋɛ ŋa si waju nŋɛ hee nkãma kù gbe nŋɛ má nɔ aa ni bɛi inɛ njoo ŋaui à waa naaò ijuukpãu wa.

Ezai 5:9

Amma bɛi Aɔ̃ Lafɛ̃ɛi lele do ilɛ í sɔ̃m do kugbasi wee. Í ni, kpasɛ̃ nkpɔ nkpɔ ŋau bɛ fei, aa na a kpɔò bomma mbɛ, nɔ ile nla nla kusĩa ŋau bɛ fei, ngbɛi aa na a maa wɛɛ.

Ezai 6:11

Ŋɔi ǹ bee ǹ ni, hee waati yooma Aɔ̃ Lafɛ̃ɛ. Nɔ í jɛɛm í ni, hee bii à ce nfei ilu ŋau nɔ zamaa kãma kù wa si, nɔ inɛ kãma kù gbe si kpasɛ̃ ŋau hee ilɛu ku baa ku kpɔò bomma.

Zeremi 2:15

À waa dɔ̃ si ŋa anu bɛi muusu nla saasaabɔ ŋa. Nɔ à ce nfei ilɛu fei mam mam. À jo ilu nŋa ŋa nɔ inɛi ilu ŋau a kù wa bɛ má.

Zeremi 22:6

Aɔ̃ Lafɛ̃ɛ í fɔ si gãmɛi kpasɛ̃i ilaalui Zudaa í ni, bi titom ì sĩai bɛi agboi Galaadi, walakɔ bɛi akãi antaii iri kutai Libãa. Amma ǹ wa n sɔ̃ɛi iyi aa baa i jɛ gbaa, ilu iyi kaa nɛ inɛ kãma má.

Zeremi 22:7

An jɔ̀ woo ce nfei inɛ ŋa a naa siɛi do jĩnɛi igũ nŋa ŋa. Aŋai aa da jĩi ndii sɛɛdi kusĩaɛ ŋau nɔ a jɔ̀ a cuku si ina.

Zeremi 25:38

Aa ni bɛi muusu nla í fita hai si inɔ bi kuwaɛi. Ilɛ nŋau í baa í kpɔò gbaa na igũ hai nɛ araare iyi wa ce si ilɛu do na idɔɔkɔ̃ nla nlai Aɔ̃ Lafɛ̃ɛu.

Zeremi 25:9

an jɔ̀ zamaa iyi í wa ikpa awɔ njɛi kpãai inunuu fei ku naa. Nebukanɛsaa woo ce icɛm iyi í jɛ ilaalui Babilɔniui an jɔ̀ ku naa si ilɛ nŋɛ do si inɛ ŋa iyi à wa bɛ, do si dimi ŋa iyi à kaako ilɛu fei ku ba a kpa aŋa fei mam mam. Á jɔ̀ ilɛu ku kpɔò bomma hee do ajɔ fei nɔ ku mu inɛ fei biti nɔ ku jɛ dɔ̃anyi.

Zeremi 26:9

Bɛirei í ce ì jɛ ì waa ce walii do irii Aɔ̃ Lafɛ̃ɛ ì waa ni, aa lɛgɛ kpasɛ̃i Aɔ̃ Lafɛ̃ɛu ihɛ̃ bɛi à lɛgɛ ti Siloou nɔ iluu ihɛ̃ ku baa ku kpɔò bomma inɛ kãma kaa wa si. Ŋɔi zamaau fei í naa í tɔtɔɔ í kaako Zeremi si bantumai kpasɛ̃i Aɔ̃ Lafɛ̃ɛu.

Zeremi 27:8

Bii dimi gɔ walakɔ ilɛ gɔ kù waa cea Nebukanɛsaa ilaalui Babilɔni icɛ, nɔ kù jɛsi ku to kɔ̃ɔɛ ku so zuugui ilaalui Babilɔniu, an jɔ̀ igũ do ari do patapoo ku naa siɛ. Amu Aɔ̃ Lafɛ̃ɛ, bɛi ǹ fɔ mbɛ, nɔ do yaase bɛɛbɛi an kpaò irii dimiu.

Zeremi 33:10

Ŋɔi Aɔ̃ Lafɛ̃ɛ í nyi í ni má, iŋɛ inɛi Zudaa ŋa ì ya maa ni ŋa, ilɛu í kpɔò bomma, inɛ kãma kù wa bɛ má hee má jɛ mɛɛmu ŋa. Ntɔi, ilui Zudaa ŋau do kpãai Zeruzalɛmu ŋau à gbe ngbɛ nnyiu ihɛ̃. Mii ilu hunde kãma kù wa bɛ, hai amanɛ hee do mɛɛmu ŋa. Nɔ ntɔ ntɔ, si ilɛu bɛ aa na a gbɔ

Zeremi 34:22

Nɔ Aɔ̃ Lafɛ̃ɛ í nyi í ni má, nsɛi an na ŋa woodam ŋa, nɔ n jɔ̀ a nyi wa si iluu má a naa a ce igũ do iluu má. Si igũu ku ce, aa gba iluui nɔ a dasi ina. An jɔ̀ inyau ku baa ku jɛ inyai bomma bii inɛ kãma kaa wa.

Zeremi 4:29

Iyi inɛi ilu ŋau fei à gbɔ ibai masa ŋau do ti woo ta afa ŋau, ŋɔi à waa saa. Inɛ gɔ ŋa à waa lɔ si inɔ cucu ŋa, inɛ gɔ ŋa mɔ à waa gũ antaii kuta ŋa. À jɔ̀ ilu ŋau fei ngbɛ. Inɛ kãma kù gbe bɛ má.

Zeremi 44:2

ide iyi Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋau í fɔ wee. Iŋɛ fei ì yɛ wahala iyi ǹ jɔ̀ í naa si Zeruzalɛmu do si ilui Zudaa ŋau fei ŋa. Ilu ŋau bɛ fei, nnyiu ihɛ̃ à baa à kpɔò bomma, inɛ kãma kù wa bɛ má

Zeremi 46:18

Ŋɔi ilaalu iyi iriɛ í jɛ Aɔ̃ Lafɛ̃ɛi lele do ilɛ í ni, hee do kuwɛɛm feii ǹ ceò kugbasiu ihɛ̃ ǹ ni, bɛi à mà iri kutai Tabɔɔ nŋui í gboka í re iri kuta ŋa iyi à gbe, do bɛi à mà iyi Kaamɛli iri kuta gɔi iyi í wa kɔkɔi tenku, bɛɛbɛi kù nɛ sika kãma à mà iyi mbɛɛ á naa ku faata wa si ŋa.

Zeremi 49:19

Ŋɔi Aɔ̃ Lafɛ̃ɛ í ni, an yɛi bɛi muusu nla iyi í fita wa hai si inɔ agbo iyi í wa si itĩi idoi Zuudɛ̃ɛu nɔ wa nɛ do ikpa bii mandi í wa. An lele inɛ feii anu akã, si anyiɛ nɔ n jilɛ inɛ iyi an cica ku jɛ ilaalu si ilɛi Edɔmu. Ntɔ ntɔ, yooi í yɛ bɛi amu. Yooi á yɔkɔ ku beem yaase bɛi ǹ wa n ce mii ŋa. Nɔ ilaalu yoomai á yɔkɔ ku leekĩ si wajum ku kɔ̀ ide.

Zeremi 5:6

Na ŋɔi í ce muusu nla í fita wa hai sako wa kpa ŋa. Nɔ gbeegbekũi gbaa wa ce nfe nŋa. Muãa wa manji kɔkɔi ilu nŋa. Inɛ nŋa iyi á fita fei, á gagagaai, domi dulum du ŋau í kpɔ wa kɔ̃ɔsii. Zamba nŋa mɔ kù nɛ baa jia.

Zeremi 50:17

Izirɛli í yɛi bɛi angudã iyi í nyɔ, iyi muusu nla ŋa à lele. Nɔ ilaalui Asirii í jɛ inɛ sinte iyi í ŋɔɔ. Nɔ inɛ ankãanyi iyi í lɛgɛ kũkũɛ ŋai, í jɛ Nebukanɛsaa ilaalui Babilɔni.

Zeremi 50:44

Ŋɔi Aɔ̃ Lafɛ̃ɛ í ni, an yɛi bɛi muusu nla iyi í fita wa hai si inɔ agbo iyi í wa si itĩi idoi Zuudɛ̃ɛu nɔ wa nɛ do ikpa bii mandi í wa. An lele inɛ feii anu akã, si anyiɛ nɔ n jilɛ inɛ iyi an cica ku jɛ ilaalu si ilɛi Babilɔniu. Ntɔ ntɔ, yooi í yɛ bɛi amu. Yooi á yɔkɔ ku beem yaase bɛi ǹ wa n ce mii ŋa. Nɔ ilaalu yoomai á yɔkɔ ku leekĩ si wajum ku kɔ̀ ide.

Zeremi 8:16

Mbɛɛ í wa do ikpa Dãa tã, nɔ à waa gbɔ anu ku dɔ̃i acĩɛ ŋa. Anu ku dɔ̃i acĩ ŋau í jɔ̀ ilɛu fei wa yaya. À nɛ à waa naa, à waa ce nfei ilɛu hee do mii iyi í wa si fei, hai iluu hee do inɛi ilu ŋau fei.

Zeremi 9:11

Yooi í jɛ ilu laakai iyi wa gbɔ yaasei mii ŋau bɛ. Inɛ iyi Aɔ̃ Lafɛ̃ɛ í ba ide ku fɔ, lafɛ̃ɛ ku sisi yaasei ide ŋau bɛ wa. Na mii í ce ilɛu í ce nfe. Na mii í jɔ̀ í baa í jɛ gbaa bii inɛ kãma ci ya too.

Ezekiɛli 12:20

Ilu ŋau do ilɛu fei aa kpɔò bommai. Do yaase bɛɛbɛ, aa mà ŋa iyi amui ǹ jɛ Aɔ̃ Lafɛ̃ɛ.

Ezekiɛli 21:31

Ide iyi amu Aɔ̃ Lafɛ̃ɛ ǹ wa n fɔ wee. Ǹ ni, aa na a nya bɔngɔtɔbɛɛ, do fulai ilaaluɛ. Mii fei á kpaasii. Inɛ iyi à kaye aa soo lele. Nɔ inɛ iyi à so lele aa kayeɛi.

Ezekiɛli 32:2

awɔ amanɛ, kɔ̃ irii akũ si gãmɛi ilaalui Ezibiti. Si iri ku kɔ̃u aa nii, ì yɛ bɛi muusu nla saasaabɔ si inɔi inɛ ŋa, nɔ ì yɛi má bɛi annyɛi iyi í wa inɔ tenku. Ì ya maa yaga inyii ido nlaui, i maa fɔɔ do kutɛɛ ŋa, nɔ i jɔ̀ ku riisi.

Daniɛli 5:19

Na saabui kula iyi í jɔ̀ í lau, inɛi andunya ŋa fei, do dimi fei, do fee ikã ikã fei à waa ce njoɛ, nɔ à ya maa yaya si wajuɛi. Inɛ iyi í bii í ya kpa, nɔ inɛ iyi í bi mɔi í ya jɔ̀. Inɛ iyi í bii í ya so lele, nɔ inɛ iyi í bii í ya kaye.

Daniɛli 7:4

Sinteu í yɛi bɛi muusu nla nɔ í nɛ ikpa ŋa bɛi ti kungbã. Ŋɔi ǹ wa n cɔɔ, nɔ ǹ ba wee à nya ikpaɛ ŋau. Nɔ à wuu hai ilɛ à leekĩɛ si kutɛɛ ŋa bɛi amanɛ, nɔ à daa si lasabui amanɛ.

Kuwee 26:31

An lɛgɛ ilu nŋɛ ŋai a kpɔò bomma, ile bi kuwee nŋɛ ŋau mɔ a gbe ngbɛ, nɔ inunui tuae nŋɛ ŋau kaa dɔ̃ɔm si má.

Kuwee 26:33

An jɔ̀ igũ ku naa si ŋɛ nɔ n fangaa ŋɛ i nɛ ilɛ mmu ŋa. Ilɛ nŋɛu á gbe ngbɛi nɔ ilu nŋɛ ŋau mɔ a kpɔò bomma.