Zeremi 4:6 - Bibeli do fee

⁶ I wu tuuta ikpa Siɔ̃ɔ. I sa, i maà leekĩ ŋa, domi ǹ jɔ̀ laalɔ wa naa hai do awɔ njɛi kpãai inunu, do tɔtɔ ku fɔ nla nla.

Zeremi 4:6 Iomraidhean Croise

Ezai 62:10

Iŋɛ inɛi Zeruzalɛmu ŋa, i fita, i fita ńya ńya hai si iluu. Inɛ ŋa iyi à waa baa ŋau, i cĩ nŋa kpãa ŋa. I dĩ isa ŋa iyi à wa si kpãa ŋau ŋa, nɔ i fa kuta ŋa iyi à wa si kpãau. I gũa zamaau tuuta ŋa.

Zeremi 10:22

Wee à waa gbɔ iba nla nla gɔ wa naa. À waa gbɔ wakata nla nla gɔ wa hai ikpa ilɛi awɔ njɛi kpãai inunu iyi wa naa ku ce nfei ilui Zudaa ŋa nɔ ku jɔ̀ a baa a kpɔò bomma, nɔ a baa a jɛ bi kuwai ajaako ŋa.

Zeremi 18:11

Ŋɔi Aɔ̃ Lafɛ̃ɛ í ni má, ba inɛi Zudaa ŋa do inɛi Zeruzalɛmu ŋa ide ku fɔ. Sɔ̃ ŋa i ni amu Aɔ̃ Lafɛ̃ɛ ǹ ni ǹ nɛ lasabu iyi ǹ ce si gãmɛ nŋa. Sɔɔlui wahalai ǹ ce nŋa. Na nŋu, a fũsi kpãa sãmi nŋa ŋau awɔ a sinda wa. A teese kpãa nŋa ŋa do kuce nŋa ŋau.

Zeremi 21:7

Nɔ Aɔ̃ Lafɛ̃ɛ í ni má, Sedesiasi ilaalui Zudaau do akaweɛ ŋa do inɛi ilu ŋa iyi aa fita si patapoou, do inɛ ŋa iyi aa fita si igũu do ari iyi á ceu, an so ŋai n daa Nebukanɛsaa ilaalui Babilɔniu si awɔ. Ntɔ ntɔ an so ŋai n daa mbɛɛ nŋa ŋa iyi à waa dɛ ku kpa ŋau si awɔ. Nɔ Nebukanɛsaa á kpa ŋai, kaa ce araare nŋa, nɔ kaa jɔ̀ baa inɛ akã ku fita si. Kaa ce araarei inɛ kãma nŋa.

Zeremi 22:7

An jɔ̀ woo ce nfei inɛ ŋa a naa siɛi do jĩnɛi igũ nŋa ŋa. Aŋai aa da jĩi ndii sɛɛdi kusĩaɛ ŋau nɔ a jɔ̀ a cuku si ina.

Zeremi 25:9

an jɔ̀ zamaa iyi í wa ikpa awɔ njɛi kpãai inunuu fei ku naa. Nebukanɛsaa woo ce icɛm iyi í jɛ ilaalui Babilɔniui an jɔ̀ ku naa si ilɛ nŋɛ do si inɛ ŋa iyi à wa bɛ, do si dimi ŋa iyi à kaako ilɛu fei ku ba a kpa aŋa fei mam mam. Á jɔ̀ ilɛu ku kpɔò bomma hee do ajɔ fei nɔ ku mu inɛ fei biti nɔ ku jɛ dɔ̃anyi.

Zeremi 4:21

Hee waati yoomai an yɛ tuutau, nɔ n maa n gbɔ anui kuu.

Zeremi 50:2

Í ni, laabaauu ihɛ̃, i sɔ̃ inɛi ilɛ ŋa. I gũ nyinda ŋa iyi á jɔ̀ inɛ ŋa a màa ŋa. I jɔ̀ inɛ ŋa a gbɔɔ nɔ i maà singa nkãma ŋa. I fɔ ŋa i ni, à mu Babilɔni mbɛ. Anyɔi í baa í jɛ ti iwɛ̃ɛ Bɛli. Nɔ njo í mu iwɛ̃ɛ Maaduku. Anyɔ nla nlai í jɛ ti iwɛ̃i inɛi Babilɔni ŋau, nɔ mii riisiɛ ŋau fei à lɛgɛ.

Zeremi 50:22

Si ilɛu, aa maa gbɔ anu ku dɔ̃i igũ, nɔ asɔɔ nla nla á ce.

Zeremi 51:12

Ŋɔi Aɔ̃ Lafɛ̃ɛ í ni, i gũ nyindai igũ ku gbe si bindii inɛi Babilɔni ŋau ŋa. Nɔ inɛ ŋa iyi à jɛ woo degbe ŋau, i kɔ̃ɔsi akpɔ nŋa ŋa. I jilɛ inɛ ŋa iyi aa maa cɔ mà inɛ ŋa à waa naa ŋa. I jilɛ woo kɛɛma inɛ ŋa ŋa. Do yaase bɛɛbɛi Aɔ̃ Lafɛ̃ɛ á kɔ̃ò mii iyi í dasi idɔ iyi í fɔ í ni nŋu á cea inɛi Babilɔni ŋau.

Zeremi 51:27

I kɔa tuuta lele si ilɛu ŋa. I fãa zamaau kuu ŋa. I jɔ̀ zamaa nkpɔ nkpɔ ku dede si inɛi Babilɔni ŋau ŋa. I tɔtɔɔ bommai Ararati ŋa do ti Mini ŋa do ti Asekenazi ŋau a naa si ŋa ŋa. I so inɛ ngboi sooge ŋa nɔ aŋa mɔ a dɛdɛ inɛ ŋa iyi aa naa a koo a jɛ ŋa igũ. I jɔ̀ acĩ ŋa iyi kukpɔ nŋa í jɔ̀ à yɛ bɛi kɛtɛngbo ŋa iyi à yɛ bɛi kudũi ijĩ a koo si ŋa igũ ŋa.

Zeremi 51:54

Anu ku dɔ̃ nla nlai inɛ ŋa aa maa gbɔ ikpa Babilɔni. Wahala nla nlai á naa si ilɛɛu.

Zeremi 6:1

I sa hai inɔ ilu Zeruzalɛmu ŋa, iŋɛ inɛi Bɛnzamɛɛ ŋa. I fã kuu ilui Tekoa ŋa. I wu nyinda gɔ ilui Bɛti-Kerɛmu ŋa, domi laalɔ wa naa hai do awɔ njɛi kpãai inunu wa do nfe ku ce nla nla.

Zeremi 6:22

Ŋɔi Aɔ̃ Lafɛ̃ɛ í ni, zamaa gɔ wee wa naa hai do ilɛi awɔ njɛi kpãai inunu. Dimi nla nla gɔi í dede wa hai kɔɔi andunya.

Ezekiɛli 9:1

Si anyiɛ ǹ gbɔ anu ku dɔ̃ nla gɔ í ni, i sɛkɛɛ wa iŋɛ iyi à so i koo i kpã iluu iju ŋau. Inɛ fei ku so jĩnɛ iyi á koo ceò asɔɔu wa.

Ezekiɛli 9:2

Ŋɔi ǹ yɛ amanɛ mɛɛfa wa naa hai do ikpa kpãai anu koofa iyi í wa ikpa awɔ njɛi kpãai inunu iyi wa cɔ ikpa iri kutau. Aŋa fei à waa mu jĩnɛi igũ iyi aa ceò nfei inɛ ŋa. Inɛ gɔ í wa si anini nŋa wa dasi jĩnɛi acɔ ku nɛ gbugbã gɔ nɔ mii ku kɔ gɔ wa sɔkɛ si kungbãɛ iyi wa dĩ. Ŋɔi à nɛ wa à naa à leekĩ kɔkɔi bi kuwee iyi à ce do isɔ nkpau.

Sofoni 1:10

Aɔ̃ Lafɛ̃ɛ í ni, ajɔ nŋu bɛ, aa maa gbɔ anu ku dɔ̃ ŋai hai anu koofai cɛ̃ɛ ŋau, do anu ku dɔ̃ ŋa má ikpa ice titɔ̃i iluu, do iba nla nla ikpa iri kuta ŋau.

Zakari 6:6

Nɔ í ni má, acĩ dũdũ ŋau à waa fa sarɛti akãi à waa bɔò ikpa awɔ njɛi kpãai inunu, acĩ fũfũ ŋau à waa too ŋa, nɔ acĩ bati bati ŋau mɔ à waa bɔ ikpa awɔ cangai kpãai inunu.