Zeremi 4:4 - Bibeli do fee

⁴ I ce bango na irii Aɔ̃ Lafɛ̃ɛ ŋa, i jɔ̀ idɔ kulele nŋɛ ŋau nɔ i naa ara nŋɛ iŋɛ inɛi Zudaa do inɛi Zeruzalɛmu ŋa, ku ba idɔɔkɔ̃m ku maà lu wa bɛi ina nɔ ku maà jo hee a mɔngɔ ku kpaa, na inɔ kukã ku ce nŋɛ.

Zeremi 4:4 Iomraidhean Croise

Bomma 2, 34:25

An ce bɛɛbɛi si na iyi í jɔ̀ à kɔ̀sim nɔ à koo à waa joa iwɛ̃ ŋa tuae, nɔ mii iyi à waa ce fei í dede idɔɔkɔ̃m nii. Idɔɔkɔ̃m í naa si inyau bɛ, nɔ kaa sũ pai.

Ezai 10:17

Inya Kumái Izirɛli á baa ku yɛi bɛi ina, nɔ nŋu iyi í jɛ Inɛ Kumáui á jɛ amɛi ina iyi á jo agũ ikã ikã fei si ajɔ akã.

Ezai 30:33

Hai ku kpɛi à ce sɔɔlui jĩi ŋa à tɔtɔɔɛ. À cooi na irii ilaalu si afe gɔ iyi í cĩ nɔ í jĩisa. Tengi bɛi aa dasi jĩi nkpɔ nkpɔu ina. Fufui kumii Aɔ̃ Lafɛ̃ɛi á dasi inau, nɔ inau á dedei bɛi inai fainwita.

Ezai 51:17

Zeruzalɛmu, jĩ, jĩ hai si iri njoo nɔ i dede, awɔ iyi Aɔ̃ Lafɛ̃ɛ í jɔ̀ ì mɔ kɔɔfui idɔɔkɔ̃ɛ. Ì mɔ kɔɔfui idɔɔkɔ̃ɛui, ì sindaɛ fei hee wa cĩɛ iju.

Zeremi 15:14

An jɔ̀ i koo i jɛ arui mbɛɛɛ ŋa si ilɛ gɔ bii i kù mà, domi idɔɔkɔ̃m í yɛi bɛi ina, nɔ awɔi á jo.

Zeremi 21:12

iŋɛ inɛi kpasɛ̃i Davidi ŋa. Aɔ̃ Lafɛ̃ɛ í ni, i ya kiiti dee dee hai daadaakɔ ŋa, nɔ i ya faaba inɛ ŋa iyi inɛ laalɔ ŋa à waa takii ŋa, ku ba idɔɔkɔ̃m ku maà na ku dede bɛi ina iyi a kaa yɔkɔ a kpa na kuce laalɔ nŋɛ ŋa.

Zeremi 21:5

Nɔ amu takam nii an ba ŋɛ ku ja nɔ n nyisi ŋɛ gbugbãm si idɔɔkɔ̃ nla nlam nɔu.

Zeremi 23:19

Ŋɔi Zeremi í ni, fufu dabii nla nlai Aɔ̃ Lafɛ̃ɛ wee wa naa. Idɔɔkɔ̃ɛi í dede, nɔ í yɛi bɛi fufu dabii nla nla iyi í na wa bibii si irii ilu inɔ kukã ŋa.

Zeremi 36:7

Á yɔkɔ ku jɛ aa tɔɔ Aɔ̃ Lafɛ̃ɛ nɔ aŋa fei a sinda wa a jɔ̀ kuce laalɔ nŋa ŋau, domi idɔɔkɔ̃ nla nlai Aɔ̃ Lafɛ̃ɛ í wɛɛò si gãmɛi zamaau bɛ.

Zeremi 44:22

Ntɔ ntɔ Aɔ̃ Lafɛ̃ɛ kù yɔkɔ kù temuaò kuce hai nɛ bɛɛrɛ nŋɛ ŋa. Na ŋɔi í jɔ̀ ilɛ í ce nfe í baa í kpɔò bomma nɔ í jɛ yaase iyi aa so bii à waa bi a ceekpe inɛ gɔ, nɔ inɛ kãma kù wa si inɔ iluu. Ŋɔi í jɔ̀ ì waa yɔɔ bɛ ihɛ̃ nnyiu bɛ ŋa.

Zeremi 9:25

Inɛ ŋau, inɛi Ezibiti ŋai do inɛi Zudaa ŋa do inɛi Edɔmu ŋa do inɛi Amɔɔ ŋa do inɛi Moabu ŋa hee do inɛ ŋa iyi à wa si gbaa iyi à ya maa wa agbã nŋa ŋau. Ntɔ ntɔ inɛi ilɛ ŋau bɛ fei hee do inɛi Izirɛli ŋau fei, a kù ce bango, domi a kù ce bangoi idɔ.

Kukpata 4:11

Aɔ̃ Lafɛ̃ɛ í nyisi idɔɔkɔ̃ɛi hee kɔɔ, nɔ si idɔɔkɔ̃ɛu, í dasi ilui Siɔ̃ɔ ina. Inau í jo hee do icui ileɛ ŋa fei.

Ezekiɛli 16:38

An kpãɛ ijui bɛi à ya kpã inaabo à ce sakara ŋa do woo kpa inɛ ŋa iju. Si idɔɔkɔ̃m do si igu ku jam, an biiɛ do njɛ.

Ezekiɛli 18:31

Ì nyɔ kurara nŋɛ ŋa iyi à waa dasi ŋɛ dulum nɔu, i kpaasi idɔ nŋɛ nɔ i kpaasi lasabu nŋɛ. Na mii í jɔ̀ aa maa bi i ku ŋa iŋɛ inɛi Izirɛli ŋa.

Ezekiɛli 20:33

Amu Aɔ̃ Lafɛ̃ɛ, ǹ wa n fɔi do kugbasi iyi amui an jɛ ilaalu nŋɛ. An maa n gbã ŋɛi do gbugbãm nɔ n jɔ̀ idɔɔkɔ̃m ku naa si ŋɛ.

Ezekiɛli 21:17

Dɔ̃ anui inɔ kufɔ, awɔ amanɛ, domi taakubau si inɛm ŋa do si ilaalui Izirɛli ŋai á naa. Aa ce nfe nŋai do zamaau fei ajɔ. Dɔ̃ anui inɔ kufɔ.

Ezekiɛli 24:13

Zeruzalɛmu, kuraraɛi í jɔ̀ ì riisi. Ǹ bi ǹ wɛɛ i maajui wo, amma ì kɔ̀. Nsɛi, i bɛi i maaju, í gbe bii idɔɔkɔ̃m í naa siɛ.

Ezekiɛli 24:8

Ǹ jɔ̀ njɛu í wa si antaii kutau tengi bii kaa manji ku ba ku dede idɔɔkɔ̃m, nɔ ku jɔ̀ n sã gbese.

Ezekiɛli 44:7

Si waati iyi ì naa ì waa ceem kuwee do pɛ̃ɛ do ti ikpoi iŋa ŋau, do njɛi iŋa ŋau, ì jɔ̀ isɛ mmu hai ce bango ŋa à lɔ wa kpasɛ̃m à riisiɛ. Do yaase bɛɛbɛi ì bɛjɛ akabuu iyi í wa si gãmɛi awaɛ ŋa na kuce laalɔ nŋɛ ŋau.

Ezekiɛli 6:12

Inɛ ŋa iyi à wa jĩijĩ, aa kui do bɔ̃ɔ, inɛ ŋa iyi à wa amɛɛ, aa kui si igũu, nɔ inɛ ŋa mɔ iyi à ba à fita si, arii á kpa ŋa. An jɔ̀ idɔɔkɔ̃m ku ce icɛɛ si ŋai hee kɔɔ.

Ezekiɛli 8:18

Amu mɔ an naa si ŋai do idɔɔkɔ̃ nla nla, nɔ n kaa n cɔ ŋa n ce araare nŋa. N kaa n jɔ̀ inɛ gɔ ku fita si. Waati iyi aa maa dɔ̃ sim anu, n kaa n gbɔ nŋa.

Kuwee 26:28

amu mɔ an lele si ŋɛ do idɔɔkɔ̃, nɔ n kɔ̃ɔsi ijuukpãi dulum du ŋɛ ikɔ mɛɛje.

Kuwee 26:41

Na nŋu, aa mà iyi amu mɔ ǹ lele idɔm na irii aŋai, nɔ ǹ jɔ̀ à sa à nɛ ilɛi mbɛɛ nŋa ŋa. Si bɛɛbɛi aa kaye ara nŋa si dee dee hai jɛ nŋa nɔ a sã gbesei dulum du ŋa ŋa.

Amɔsu 5:6

Amɔsu í ni, i dɛdɛ Aɔ̃ Lafɛ̃ɛ, ku ba i wɛɛ ŋa. I ce njo ku ba ku maà na ku ce nfei kpasɛ̃i Zozɛfu bɛi ina nɔ inɛ kãma kù wa Betɛli ku ba ku kpaa.

Sofoni 2:2

hee wooda iyi à jilɛu ku maa to wa, nɔ ajɔu ku na ku maa lɔ bɛi fɔfɔ wɛwɛɛ. I tɔtɔɔ nɔ i lasabu ŋa hee idɔɔkɔ̃ nlai Aɔ̃ Lafɛ̃ɛu ku na ku maa naa si ŋɛ, hee ajɔi idɔɔkɔ̃ nlai Aɔ̃ Lafɛ̃ɛu ku maa to wa si ŋɛ.

Romu 2:25

Awɔ Zuifu, bii ì waa too wooda, bangoɛ í nɛ aranfãani jiida, amma bii i kù waa jirima woodau, bangoɛ í jɛ ngbɛ.

Wooda ku kɔsi 10:16

Debɛi i na Aɔ̃ Lafɛ̃ɛ idɔ nŋɛ mam mam ŋa, nɔ i maà kɔ̀ ide si wajuɛ má ŋa,

Wooda ku kɔsi 30:6

Aɔ̃ Lafɛ̃ɛ nŋɛ takaɛi á jɔ̀ idɔ nŋɛ do ti tɔku nŋɛ ŋau ku má nɔ i buu do lasabu nŋɛ fei do idɔ nŋɛ fei ku ba i maa wɛɛ ŋa.

Wooda ku kɔsi 32:22

Ntɔ ntɔ idɔm í kɔ̃i hee wa jo bɛi ina. Idɔɔkɔ̃m nɔu í bɔi hee bi kuwai iku ŋa. Idɔɔkɔ̃m nɔu wa jo ilɛ do amaajɛ ŋa fei. Nɔ wa jo hee do icui iri kuta ŋa fei.

Kolosee 2:11

Nɔ si anu akã nŋɛ do nŋu à dasi ŋɛ bango. Kù jɛ bango iyi amanɛ ŋa à ya ce, amma iyi Kirisi í ya ceui. Bangou, nŋui í jɛ daa nwo nwa ŋa iyi Kirisi í bu í nyɔu.