Zeremi 4:3 - Bibeli do fee

³ Ntɔ ntɔ, bɛi ǹ sɔ̃ inɛi Zudaa ŋa do inɛi Zeruzalɛmu ŋa wee. Ǹ ni, i da kokosi titɔ̃ ŋa, nɔ i maà gbɛ̃ si inɔi agũ ŋa.

Zeremi 4:3 Iomraidhean Croise

Kufita 23:11

Amma si adɔ̃ mɛɛjesiaɛ aa fũsi awɔi i jɔ̀ɔ ku sĩmi ŋa. Nɔ ilu are nŋɛ ŋa aa ba mii iyi aa jɛ bɛ nɔ si anyiɛ mɛɛmui sako ŋa aa jɛ iyi í gbeu. Bɛɛbɛ mɔi aa cea jĩi ndii rezɛ̃ɛ nŋɛ ŋau do jĩi ndii olivi nŋɛ ŋa.

Ozee 10:12

I gbɛ̃a ara nŋɛ iyi í jɛ dee dee ŋa, nɔ i da zaka bɛi dee dee ku jɛ nŋɛu í to. I da iko titɔ̃ ŋa. Waati í to i dɛdɛ Aɔ̃ Lafɛ̃ɛ ŋa hee ku maa to waati iyi á baa nɔ ku jɔ̀ dee dee ku jɛɛ ku bii si ŋɛ.

Matie 13:22

Inɛ mɔ iyi í gba ideu bɛi si ilɛ ku nɛ agũ ŋau, wa gbɔ ideu amma lasabu bututui mii ŋa iyi wa bitandiɛ do fia ku bi iyi wa dĩ ijuɛ, aŋai à ya ganji ideu ku ce icɛ si inɛɛu.

Matie 13:7

Gɔgɔ ŋa mɔ à cuku si inɔ agũ ŋa. Ŋɔi agũ ŋau à dede siɛ à biiɛ à kpaa.

Maaku 4:7

Gɔgɔ ŋa mɔ à cuku si inɔ agũ ŋa. Ŋɔi agũ ŋau à dede siɛ à biiɛ, nɔ à ganjiɛ ku bí.

Luku 8:14

Inɛ gɔ ŋa mɔ à yɛi bɛi inya iyi í nɛ agũ ŋau. Aŋai à gbɔ ideu, amma si bɛi à waa nɛ, zigiida do amani do didɔ̃i andunya ŋai à bii ideu à kpaa, nɔ iso nŋa ŋa kù jĩa.

Luku 8:7

Gɔgɔ ŋa mɔ à cuku si inɔ agũ ŋa. Ŋɔi agũ ŋau do dimi jiidau à fita ajɔ, ŋɔi agũ ŋau à dede à la à bii dimi jiidau.