Zeremi 4:2 - Bibeli do fee

² Bii ì fɔ do kugbasi ì ni, Aɔ̃ Lafɛ̃ɛ í wɛɛ, nɔ ì fɔɔi do idɔ iyi í má do ntɔ do dee dee ku jɛ, aa yɛ inɛi ilɛ mmu ŋa aa tɔɔ n weea aŋa nɔ aa tɔɔ fufu na irim.

Zeremi 4:2 Iomraidhean Croise

Kusintii Andunya 22:18

Dimi fei á ba kuwee si andunyau ihɛ̃ na saabui dimiɛ ŋa si na iyi í jɔ̀ ì jirima idem.

Ilaalu 1, 3:6

Ŋɔi Salomɔɔ í jɛaa í ni, ì cea baam Davidi woo ce icɛɛ jiida si na iyi í jɔ̀ wa nɛ dee dee si ntɔ do idɔ iyi í má si wajuɛ. Ì ceaa jiida nla nlau bɛ nɔ ì muaa ama inɛmɔkɔ iyi wa buba si kitãi bommaɛ si bɛi à waa yɔɔ nnyi.

Iri ku kɔ̃ 72:17

Bɛi inunu í ya maa fita waati kãma fei jɔ̀ iriɛ ku maa wɛɛ hee do ajɔ fei. Jɔ̀ inɛ ŋa a ya maa kpe iriɛ waati iyi à waa weea njɛ fei, nɔ inɛi ilɛ ŋa fei a fɔ a maa ni, ilu inɔ didɔ̃i.

Iri ku kɔ̃ 99:4

Ka kɔ̃ò gbugbãi ilaalu iyi í bi ntɔu iri. Awɔi ì jilɛ nwa wooda si kuwɛɛ nwa. Awɔi ì jilɛ ntɔ do dee dee ku jɛ si ilɛi Izirɛli.

Ezai 45:23

Nɔ Aɔ̃ Lafɛ̃ɛ í nyi í ni má, ǹ gbasi do irii amu takam, ide iyi í jɛ dee deei í ya fita hai si gɛlɛm. Nɔ ide iyi í fita wa hai si gɛlɛm kaa kpaasi má. Ilugũ fei á gulɛi si wajum, nɔ gɛlɛ fei á ya ce kugbasii do irim.

Ezai 45:25

Do saabui Aɔ̃ Lafɛ̃ɛi tɔkui Izirɛli ŋau fei aa jɛò dee dee, nɔ siɛi inɔ didɔ̃ nŋa fei á wa.

Ezai 65:16

Si ilɛu, inɛ ŋa iyi à waa bi a weea inɛ mmu ŋa fei, aa ya cooi do irii Ilaaɔ̃ nŋu iyi inɛ á yɔkɔ ku na si gbugbã. Inɛ ŋa mɔ iyi à waa bi a ce kugbasi gɔ fei, aa ya cooi do irii Ilaaɔ̃ nŋu iyi inɛ á yɔkɔ ku na si gbugbã. Ntɔ ntɔ, inɔ kufɔi tako ŋau fei aa lɔi nɔ a gbɛjɛ ide nŋa. Fei ndɛɛ á lɔi, kaa maa wa si wajum má. Aɔ̃ Lafɛ̃ɛi í fɔ bɛɛbɛ.

Zeremi 10:10

Amma Aɔ̃ Lafɛ̃ɛi í jɛ Ilaaɔ̃ do ntɔ. Nŋui í jɛ ilu hunde, nɔ nŋui í jɛ ilaalu hee do ajɔ fei. Si idɔɔkɔ̃ɛ, ilɛ í ya yayai, nɔ inɛi andunya ŋa à ya kua gbugbãi si idɔɔkɔ̃ɛu.

Zeremi 12:15

Amma si anyiɛ, an nyi n ce araare nŋa má, nɔ n jɔ̀ inɛ fei ku nyi si tubuɛ, nɔ inɛ fei ku nyi si ilɛɛ.

Zeremi 12:16

Inɛ ŋau à kɔ inɛm ŋa kugbasi ku ce do irii iwɛ̃ iyi à ya kpe Baali. Amma ntɔ ntɔ, bii à mà isɛɛnɛ bɛi inɛ iyi í jɛ inɛm í nɛ ku ce, bii à waa ce kugbasi à waa ni, ǹ wa n gbasi do irii Aɔ̃ Lafɛ̃ɛ iyi í wɛɛ, waati bɛɛbɛi aŋa mɔ aa ba a buba si inɔi inɛm ŋa.

Zeremi 16:19

Aɔ̃ Lafɛ̃ɛ, awɔi ì jɛ gbugbãm, nɔ awɔi ì jɛ bi kuwa ku nɛ gbugbãm. Si waatii wahala, bi titɛɛi an ba n sa n koo n manji. Inɛ ŋa iyi à wa hee ilɛ jĩijĩ ŋa aa naa bi tɛɛ. Nɔ aa maa ni, bala nwa ŋa, tubui iboi à jɛ. Nɔ inya ngbɛi, kù nɛ aranfãani kãma.

Zeremi 3:17

Si waati nŋu bɛ, aa ya kpe ilui Zeruzalɛmui, kitãi bommai Aɔ̃ Lafɛ̃ɛ. Nɔ inɛi ilɛ ŋau fei aa ya tɔtɔɔ wa Zeruzalɛmui do irii Aɔ̃ Lafɛ̃ɛ. Nɔ a kaa ya too si lasabu laalɔ iyi á naa nŋa si idɔ má.

Zeremi 33:9

Waati bɛɛbɛi, an nɛ inɔ didɔ̃ si iluu, nɔ iluu á jɔ̀ n nɛ bɛɛrɛ nɔ ku jɛɛm bɛi booda si andunya fei waati iyi inɛi andunya ŋau aa gbɔ mii jiida ŋa iyi an cea fei. Inɛi andunya ŋau aa maa yaya do zigiida, nɔ aa wɛɛò biti si gãmɛi didɔ̃ iyi an ce nŋa do laakai ku sũ iyi an jɔ̀ a nɛ fei.

Zeremi 5:2

Baa bii à waa ce kugbasi à waa ni, ǹ gbasi do irii Aɔ̃ Lafɛ̃ɛ nŋu iyi í wɛɛ, si iboi à ya maa ceò kugbasiu.

Zeremi 7:5

Bii ì teese kpãa nŋɛ do kuce nŋɛ ŋa, bii ì waa fũa njɛ inɔ ŋa,

Zeremi 9:24

Ŋɔi Aɔ̃ Lafɛ̃ɛ í ni má, ajɔ wa naa si bii an na n naa si inɛ ŋa iyi à waa ni aŋa à ce bango ŋa.

Ozee 2:19

An nya irii iwɛ̃ ŋa iyi à ya kpe Baali ŋau hai si gɛlɛɛ, a kaa ya kpe iri nŋa má.

Zoɛli 2:12

Ŋɔi Aɔ̃ Lafɛ̃ɛ í fɔ í ni, bɛbɛi i nyi wa bi titom ŋa do idɔ nŋɛ fei. I dĩ anu ŋa, i kpata ŋa, nɔ i tɔɔm ŋa.

Zakari 8:8

An jɔ̀ a baa hai bɛ a naa a buba Zeruzalɛmu. Aa jɛ inɛm ŋa nɔ n jɛ Lafɛ̃ɛ nŋa. An maa n mu ŋa si kpãai ntɔ do si dee dee ku jɛm.

Malasi 1:11

Hai nunui daakɔ hee ku bɔ nunui alɛ inɛi andunya ŋa fei à mà bɛɛrɛm. À ya maa joom tuae ŋa bii fei, nɔ à ya maa ceem kuwee ŋa ku ba a nyisiò bɛɛrɛi irim. Do ntɔ inɛi andunya ŋa fei à mà bɛɛrɛm.

Kɔrɛnti 1, 1:31

Na nŋu, inɛ iyi wa tɔɔ fufu ku tɔɔ na irii Lafɛ̃ɛ. Bɛɛbɛi kukɔi idei Ilaaɔ̃ í ni.

Kɔrɛnti 2, 10:17

Kukɔi idei Ilaaɔ̃ wa fɔ, í ni, inɛ iyi wa tɔɔ fufu, ku tɔɔ fufu na Lafɛ̃ɛ.

Galati 3:8

Hai tako wo Ilaaɔ̃ í mà iyi nŋu á jɔ̀ dimi mmu ŋa a jɛ dee dee na naanɛ ku dasi nŋa. Ŋɔi í jɔ̀ í sisia Aburahamu laabaau jiidau hai ku kpɛ í ni, hai bi tɛɛi an weea inɛi andunya fei.

Wooda ku kɔsi 10:20

I jirima Aɔ̃ Lafɛ̃ɛ nŋɛ nɔ i ya ceaa icɛ ŋa. Nŋui aa bi ŋa nɔ i ya ce kugbasi do iriɛ ŋa.

Wooda ku kɔsi 4:30

Si waati iyi mii ŋa iyi ǹ ka ŋau bɛ fei à na à ba ŋɛ, aa wɛɛò inɔ kufɔ ŋa, nɔ aa sinda i baa bi Aɔ̃ Lafɛ̃ɛ nŋɛ, nɔ i gbɔ ideɛ ŋa,

Wooda ku kɔsi 6:13

Na nŋu, i jɔ̀ i mà bɛɛrɛi Aɔ̃ Lafɛ̃ɛ nŋɛ nɔ i ya gulɛ i tɔɔ nŋu akã ŋa, nɔ kugbasi iyi ì waa ce, i ya coo do iriɛ ŋa.

Filipi 3:3

Awai à ce bango do ntɔ, awa iyi à waa tɔɔ Ilaaɔ̃ do gbugbãi Hundeɛ, nɔ à waa tɔɔ fufu na irii Jesu Kirisi, kù nɔ kù jɛ kuce nwai à waa kaaba.

Ruutu 3:13

Amma sũ ihɛ̃ hee iju ku má, ala daakɔ aa ka yɔɔ bii á jɛsi nŋu ku soɛ. Bii í jɛsi, ku soɛ, bii kù jɛsi mɔi an gbasi do irii Aɔ̃ Lafɛ̃ɛ iyi an ceɛ mii iyi ǹ nɛ ku ce. Na nŋu, sũ hee iju ku má.

Samuɛli 1, 20:3

Amma Davidi í sɔ̃ɔ í ni, ntɔ ntɔ bɛɛbɛi. Amma baaɛ í mà kãm kãm iyi awɔ kpaasim nii. Á yɔkɔ ku fɔ si idɔɛ ku ni, kù sĩa Zonatãa ku mà domi inɔɛ á fɔ bii í gbɔ. Amma ǹ wa n sɔ̃ɛ do irii Aɔ̃ Lafɛ̃ɛ fei hee do kuwɛɛɛ fei, kuwɛɛm ku re agbãawɔ akã má si ilɛu ihɛ̃.