Zeremi 4:16 - Bibeli do fee

¹⁶ I koo i sɔ̃ inɛi ilɛ ŋau ŋa nɔ i jɔ̀ inɛi Zeruzalɛmu ŋau a gbɔ. Mbɛɛ ŋa à waa naa hai ilɛ jĩijĩ gɔ, à waa dɔ̃ anu si ilui Zudaa ŋa wa.

Zeremi 4:16 Iomraidhean Croise

Ezai 34:1

I sɛkɛɛ wa iŋɛ inɛi ilɛ ŋa, ku ba i gbɔ ŋa. Zamaa, i sotĩ i gbɔ ŋa. Ilɛ mɔ hee do mii iyi í wa si fei, ku sotĩ ku gbɔ. Nɔ andunya mɔ hee do mii iyi í wa si fei, ku sotĩ ku gbɔ.

Ezai 39:3

Si anyii nŋu, ŋɔi walii Ezai í naa í ba ilaalu Ezekiasi nɔ í beeɛ í ni, bɛirei inɛ ŋau bɛ à ni, nɔ hai iwoi à naa bi titɛɛ. Ŋɔi Ezekiasi í jɛaa í ni, à naai hai ilɛ jĩijĩ. Hai Babilɔnii à naa ku cɔm.

Zeremi 1:15

domi wee an kpe zamaai bommai awɔ njɛi kpãai inunu ŋau wa fei. Aa naai nɔ a jilɛ kitãi bomma nŋa ŋa si anu koofai Zeruzalɛmu ŋau, a kaakoò bindiu fei, do ilui Zudaa ŋau fei.

Zeremi 16:6

Si ilɛu bɛ, ilu fia ŋa do ilu are ŋa aa maa kui nɔ inɛ kãma kaa si ŋa. Inɛ kãma kaa ce akũ nŋa, inɛ kãma kaa bu araɛ nɔ inɛ kãma kaa wa iriɛ na iri nŋa.

Zeremi 2:15

À waa dɔ̃ si ŋa anu bɛi muusu nla saasaabɔ ŋa. Nɔ à ce nfei ilɛu fei mam mam. À jo ilu nŋa ŋa nɔ inɛi ilu ŋau a kù wa bɛ má.

Zeremi 31:10

Iŋɛ inɛi andunya ŋa, i sotĩ i gbɔ idei Aɔ̃ Lafɛ̃ɛ ŋa, nɔ i sisi laabaauɛ si gũngũm ŋa iyi à wa hee jĩijĩ ŋa. I fɔ i ni ŋa, inɛ iyi í fangaa inɛi Izirɛli ŋau á nyi ku tɔtɔɔ ŋa má, nɔ á maa degbe ŋai bɛi woo degbe í ya maa degbe mɛɛmu gaaɛ ŋa.

Zeremi 39:1

Si adɔ̃ mɛɛsãsiai bomma ku jɛi Sedesiasi ilaalui Zudaa, si cukpa mɛɛwasiaɛi Nebukanɛsaa ilaalui Babilɔni í naa Zeruzalɛmu do soogeɛ ŋa fei à naa à bu iluu koe.

Zeremi 4:17

À waa kaako Zeruzalɛmui bɛi inɛ ŋa iyi à waa degbe iko, domi iluu í kɔ̀si amu Aɔ̃ Lafɛ̃ɛɛ.

Zeremi 5:15

Nɔ Aɔ̃ Lafɛ̃ɛ í ni, iŋɛ inɛi Izirɛli ŋa mɔ, an jɔ̀ dimi gɔ ku naa si ŋɛ wa hai ilɛ jĩijĩ gɔ. Inɛi ilɛ ŋau, i kaa yɔkɔ i jɛ ŋa igũ ŋa. Ilɛu í nɛ gbugbã, nɔ ilɛ nwoi. Dimi gɔi iyi i kù waa gbɔ feeɛ ŋa, nɔ i kù waa gbɔ yaasei ide ku fɔɛ ŋa.

Zeremi 5:6

Na ŋɔi í ce muusu nla í fita wa hai sako wa kpa ŋa. Nɔ gbeegbekũi gbaa wa ce nfe nŋa. Muãa wa manji kɔkɔi ilu nŋa. Inɛ nŋa iyi á fita fei, á gagagaai, domi dulum du ŋau í kpɔ wa kɔ̃ɔsii. Zamba nŋa mɔ kù nɛ baa jia.

Zeremi 50:2

Í ni, laabaauu ihɛ̃, i sɔ̃ inɛi ilɛ ŋa. I gũ nyinda ŋa iyi á jɔ̀ inɛ ŋa a màa ŋa. I jɔ̀ inɛ ŋa a gbɔɔ nɔ i maà singa nkãma ŋa. I fɔ ŋa i ni, à mu Babilɔni mbɛ. Anyɔi í baa í jɛ ti iwɛ̃ɛ Bɛli. Nɔ njo í mu iwɛ̃ɛ Maaduku. Anyɔ nla nlai í jɛ ti iwɛ̃i inɛi Babilɔni ŋau, nɔ mii riisiɛ ŋau fei à lɛgɛ.

Zeremi 6:18

Na nŋu, iŋɛ dimi ŋa iyi í gbe ŋa i de itĩ i gbɔ ŋa mii iyi á ba inɛm ŋau ŋa.

Zeremi 6:19

Iŋɛ inɛi andunya ŋa i sotĩ i gbɔ ŋa. Wee ǹ wa n naaò laalɔ wa si inɛm ŋau ihɛ̃, nŋui á jɛ ribai lasabu laalɔ nŋau domi à kɔ̀ ku gbɔ idem ŋa, à kɔ̀ ku jirima woodam ŋa.

Zeremi 6:22

Ŋɔi Aɔ̃ Lafɛ̃ɛ í ni, zamaa gɔ wee wa naa hai do ilɛi awɔ njɛi kpãai inunu. Dimi nla nla gɔi í dede wa hai kɔɔi andunya.

Zeremi 6:23

À waa mu bioo do kaka ŋa. Inɛ kugaabu ŋai, nɔ a kù nɛ araare. Imu nŋa í ya maa fĩi bɛi ibai tenku, nɔ si antaii acĩ ŋai à gũ wa. À tã sɔɔlu a ce igũ ajɔ ajɔ do awɔ Siɔ̃ɔ iyi ì yɛ bɛi mudɛ̃ɛ kusĩa.

Zeremi 8:19

Nɔ ǹ gbɔ anu ku dɔ̃i inɛm ŋau wa naa hai hee ilɛ jĩijĩ wa. Anu ku dɔ̃u wa ni, Aɔ̃ Lafɛ̃ɛ kù wa Siɔ̃ɔ mái? Ilaaluɛu kù wa si aniniɛ mái? Nɔ Aɔ̃ Lafɛ̃ɛ í ni, na mii í ce à kɔ̃ idɔm do jĩi ndu ŋa ŋa iyi à gbeu, do iwɛ̃i ilɛ mmu ŋa iyi à waa tɔɔ ŋau.

Ezekiɛli 21:22

Amu takam an maa n cãi do awɔm hee idɔɔkɔ̃m koo sũ. Amu Aɔ̃ Lafɛ̃ɛi ǹ fɔ bɛɛbɛ.