Zeremi 4:11 - Bibeli do fee

¹¹ Waati nŋui Aɔ̃ Lafɛ̃ɛ á sɔ̃ zamaau do inɛi Zeruzalɛmu ŋau ku ni, fufu gbãa gɔ í dede wa hai do ikpa gbaau, si zamaam ŋau. Kù jɛ wa naa ku fɛ ijui amaajɛ walakɔ ku teeseɛ.

Zeremi 4:11 Iomraidhean Croise

Iri ku kɔ̃ 11:6

Mii iyi á cuku si ilu inɔ kukã ŋa wai í jɛ ina nyɛnyɛ do fainwita do fufu ku nɛ inya gbãa gɔ. Mii ŋau bɛi aa jɛ ikpɛ̃ iyi aa ba.

Ezai 22:4

Na ŋɔi í jɔ̀ ǹ ni, i maa bitandi ara nŋɛ na irim ŋa. I jɔ̀ n kpata ŋa ntɔ ntɔ, nɔ i maà bitandi ara nŋɛ i maa dɛdɛ i lɛlɛɛm ŋa na wahala iyi í ba inɛm ŋau ihɛ̃.

Ezai 27:8

[Aawo, kù ce nŋa bɛɛbɛ.] Í kpã ŋa ijui, í lele ŋa í nya ŋa hai si ilɛu. Í lele ŋai do fufu ku nɛ gbugbãi gɛlɛɛ iyi í yɛ bɛi fufui nunui daakɔ.

Ezai 41:16

Aa fɛ ŋai fufu ku so ku nɛò ŋa, nɔ fufu nla nla gɔ ku fangaa ŋa. Amma awɔ, aa nɛ inɔ didɔ̃i si amu Aɔ̃ Lafɛ̃ɛ. Aa maa saabu araɛi na amu Inɛ Kumái Izirɛliu.

Ezai 64:6

Inɛ kãma kù wɛɛ iyi wa kpe iriɛ, nɔ inɛ kãma kù wɛɛ iyi í teese í mu araɛ nɔ í dĩ do awɔ, domi ì sinda wajuɛ hai bi tu wa nɔ ì jɔ̀ à kua gbugbã na kurara nwa ŋau.

Zeremi 13:24

An fangaa ŋɛi bɛi fufu í ya gbangaa fɔfɔ si gbaa.

Zeremi 14:17

Ide iyi ì nɛ i sɔ̃ ŋa wee. Ijum í ya maa là inyii dasã do idũ fei hai nɛ kɔɔ, domi zamaam iyi ǹ bi bɛi ama inaabom í ba wahala nla nla, nɔ í ba kumɛɛ iyi wa roo ntɔ ntɔ.

Zeremi 23:19

Ŋɔi Zeremi í ni, fufu dabii nla nlai Aɔ̃ Lafɛ̃ɛ wee wa naa. Idɔɔkɔ̃ɛi í dede, nɔ í yɛi bɛi fufu dabii nla nla iyi í na wa bibii si irii ilu inɔ kukã ŋa.

Zeremi 4:12

Fufu ku nɛ gbugbã gɔi amu Aɔ̃ Lafɛ̃ɛ ǹ jɔ̀ í dede wa naa hai bɛ. Nsɛi, amui an kiiti ŋa.

Zeremi 8:19

Nɔ ǹ gbɔ anu ku dɔ̃i inɛm ŋau wa naa hai hee ilɛ jĩijĩ wa. Anu ku dɔ̃u wa ni, Aɔ̃ Lafɛ̃ɛ kù wa Siɔ̃ɔ mái? Ilaaluɛu kù wa si aniniɛ mái? Nɔ Aɔ̃ Lafɛ̃ɛ í ni, na mii í ce à kɔ̃ idɔm do jĩi ndu ŋa ŋa iyi à gbeu, do iwɛ̃i ilɛ mmu ŋa iyi à waa tɔɔ ŋau.

Zeremi 9:1

Bii í jɛ an ba inya si gbaa bii an sɔ̀ bɛi woo bɔ ilu, an fũsi inɛm ŋau awɔi n nɛ ikpa bɛ, domi aŋa fei à ya dabii a maa tɔɔ iwɛ̃ ŋai bɛi woo ce sakara ŋa a ci ya leekĩò inɛ akã, nɔ à jɛ woo zamba inɛ ŋa.

Zeremi 9:7

Amɛi inɛ ŋau í yɛi bɛi afa ku kpa amanɛ. Ide iyi à waa fɔ fei iboi. À ya maa sɔ̃ kpaasi nŋa idei laakai ku sũ, amma hee si lɛlɛi idɔ nŋa, taai à ya maa leaa.

Kukpata 2:11

Ǹ kpata hee ǹ gbɛɛji na wahalau, nɔ lasabum fei í fɔtɔtɔ. Í yɛ bɛi alolom í da wa cuku ilɛ, na bitandi iyi í ba inɛm ŋa. Ama kpɔtɔɔ ŋa do ama keeke ŋa à waa ku si bantumai iluu.

Kukpata 3:48

Ŋɔi ǹ kpata ntɔ ntɔ, na wahalai inɛm ŋau.

Kukpata 4:10

Si waati iyi wahala í naa si inɛm ŋau, iyei amu ŋa, baa do iyi à nɛ kubii ama nŋa ŋau jiida jiida fei, à kɛkɛɛ ama nŋa ŋaui à ceò sɔnda.

Kukpata 4:3

Baa ajaako ŋa á ya na ama nŋa ŋa amɔ. Amma inɛm ŋau, à baa à jɛ iye laalɔi bɛi taataa iyi í ya wa si gbaa.

Kukpata 4:6

Kurarai inɛm ŋau í la í re baa dulum dii inɛi ilui Sodomu ŋa iyi Aɔ̃ Lafɛ̃ɛ í jɔ̀ í ce nfe si iju kãmɛɛ akã, awɔi inɛ gɔ kù wa siu.

Ezekiɛli 17:10

Jĩi nɔu wee à lɔɔ í ce jiida. Á la mbɛ? Bii fufui nunui daakɔ í dede siɛ wa, kaa gbɛ mam mam? Á gbɛi si ilɛ tengi bii à lɔɔu bɛ.

Ezekiɛli 19:12

Amma à tuu do idɔɔkɔ̃ nɔ à nyɔɔ ilɛ. Fufui nunui daakɔ í jɔ̀ isoɛ ŋa à gbɛ. Amaawɔ ku nɛ gbugbãɛ ŋau à gbɛ nɔ ina í jo ŋa.

Ozee 13:15

Waati iyi kuwɛɛi Efaraimu wa bɔ waju si inɔi inɛɛ ŋa, fufu gɔi í naa siɛ. Fufuu í naai hai ikpa bi gbaau. Amu Aɔ̃ Lafɛ̃ɛi ǹ jɔ̀ fufuu í naa, nɔ inyii isɔ̃ ŋau fei à gbɛ. Lɔgɔ ŋa mɔ à gbɛ. Fufuu í ko amaniɛ ŋau fei í nɛò, nɔ í ko jĩnɛ ilu bɛɛrɛɛ ŋau mɔ fei í nɛò.

Ozee 13:3

Na nŋu, aa yɛi bɛi kudũi ijĩi daakɔ walakɔ bɛi ikpã iyi í ya wɔ. Aa yɛi bɛi fɔfɔ iyi fufu í so wa nɛò walakɔ bɛi cua iyi wa fangaa.

Ozee 4:19

Fufu á bii ŋai, nɔ anyɔ á mu ŋa si kuwee nŋa ŋau.

Abakuku 1:11

Inɛ laalɔ ŋau à ya lɔi bɛi fufu nla nla. Gbugbã nŋai à waa kaaba, nŋui í jɛ bɛi iwɛ̃ nŋa.

Abakuku 1:6

Inɛi Babilɔni ŋai an jɔ̀ a faata si ŋɛ wa. Inɛ kugaabu ŋai nɔ à ya maa nɛi gbãa gbãa si ilɛ ŋa iyi kù jɛ tu ŋa, nɔ a maa gba ŋa.

Matie 3:12

Wa mu mii ku fɛ bileeɛ si awɔ, nɔ ku kpã bileeu bii à kpokpoɛ, nɔ ku ko yɔyɔu ku dasi aka, sakou mɔ ku dasi ina iyi ci ya ku.

Luku 3:17

Wa mu kaale ku fɛ bileeɛ si awɔ, nɔ ku kpã bileeu bii à kpokpoɛ, nɔ ku ko yɔyɔu ku dasi aka, sakou mɔ ku dasi ina iyi ci ya ku.