Zeremi 4:10 - Bibeli do fee

¹⁰ Ŋɔi ǹ ni, Aɔ̃ Lafɛ̃ɛ, debɛi ì lɛlɛ zamaau do inɛi Zeruzalɛmu ŋaui iyi ì ni, aa ba laakai ku sũ, nɔ waati nŋui taakuba wa kpa ŋa.

Zeremi 4:10 Iomraidhean Croise

Kufita 5:22

Ŋɔi Moizi wa ce kutɔɔ má í ni, Lafɛ̃ɛ, na mii í jɔ̀ ì cea inɛ ŋau ihɛ̃ laalɔ. Na mii í jɔ̀ ì bɛm wa.

Kufita 9:14

domi si tuubau ihɛ̃ an jɔ̀ wahala gɔ ku naa siɛ do si akaweɛ ŋa do si inɛɛ ŋa ku ba ku mà iyi inɛ kãma kù yɛ bɛi amu si andunya fei.

Ezai 30:10

Aŋai à ya sɔ̃ woo ce kuyɛ ŋa a maa ni, i maà yɛ ngɔgɔ ŋa. Nɔ à ya sɔ̃ walii ŋa a maa ni, i maà ce kuyɛ iyi í jɛ dee dee si gãmɛ nwa ŋa. I ya sɔ̃ wa idei mii ŋa iyi á dɔ̃ nwa si, nɔ i ya ce nwa kuyɛ ŋa iyi a kù jɛ ntɔ.

Ezai 37:35

Aɔ̃ Lafɛ̃ɛ í ni nŋu á bii si iluu awɔi nŋu ku faabaɛ, si na iyi í jɔ̀ nŋu í jɛ Ilaaɔ̃ do na irii Davidi amaacɛi nŋu.

Ezai 63:17

Aɔ̃ Lafɛ̃ɛ, na mii í ce ì jɔ̀ à nyɔ à jĩò kpãaɛ ŋa. Na mii í ce ì jɔ̀ à lele idɔ nwa nɔ à kɔ̀ ku mà bɛɛrɛɛ. Sinda i nyi wa na kubii awa woo ce icɛɛ ŋa, na awa dimi ŋa iyi à jɛ inɛɛ ŋa.

Zeremi 1:6

Ŋɔi ǹ jɛaa ǹ ni, Aɔ̃ Lafɛ̃ɛ, amu wee n kù mà ide ku fɔ, domi amu ama keekei.

Zeremi 23:17

Baa inɛ ŋa iyi à ya maa yaakom, à ya sɔ̃ ŋai a ni amu Aɔ̃ Lafɛ̃ɛ ǹ ni aa nɛ laakai ku sũ. Nɔ à ya sɔ̃ baa inɛ ŋa iyi à waa too si idɔ kulele nŋa ŋau a ni laalɔ kãma kaa ba ŋa.

Zeremi 32:17

Aɔ̃ Lafɛ̃ɛ, awɔi ì ce lele do ilɛ do gbugbã nla nlaɛ. Nkãma kù gaabu bi titɛɛ.

Zeremi 4:18

Zeruzalɛmu, mii iyi wa baɛ, wa naai hai si kuceɛ do si inɔ kukãɛ. Ntɔ ntɔ wahala iyi í baɛu í caa, nɔ wa gũɛi hee si idɔ.

Zeremi 5:12

Inɛi Zudaa ŋa à kɔ̀si Ilaaɔ̃, à ni kù nɛ gbugbã kãma. Nɔ à ni má, laalɔ kãma kaa ba aŋa. À ni igũ kaa naa si aŋa hee má jɛ ari.

Zeremi 6:14

A ci ya gbɔa kumɛɛi inɛm ŋau ku ce ncɛɛ. À ya wasi ku ni, mii fei wa nɛ, mii fei wa nɛ jiida jiida. Amma nkãma kù waa nɛ.

Zeremi 8:11

A ci ya gbɔa kumɛɛi inɛm ŋau ku ce ncɛɛ. À ya wasi ku ni, mii fei wa nɛ, mii fei wa nɛ jiida jiida. Amma nkãma kù waa ce.

Kukpata 2:21

Awaasũ ŋa do mɔkɔ ngbo ŋa à waa sũi ilɛ si kpãa ŋa bii fei. Mudɛ̃ɛm ŋa do awaasũm ŋa, à kpa ŋai do taakuba. Si ajɔi idɔɔkɔ̃ɛu, ì jɔ̀ à kpa ŋa, nɔ ì jɔ̀ à saka ŋa baa araare kù wa si.

Ezekiɛli 11:13

Waati iyi amu Ezekiɛli ǹ wa n fɔ idei Aɔ̃ Lafɛ̃ɛu ŋɔi Pelatia amai Benayau í cuku í ku. Ŋɔi ǹ sɛɛbata ilɛ ǹ dɔ̃ anu ǹ ni, waiyooi Aɔ̃ Lafɛ̃ɛ, ì waa bi i kpa inɛi Izirɛli ŋa iyi à gbe ŋau fei?

Romu 1:24

Na ŋɔi í jɔ̀ Ilaaɔ̃ í fũsi ŋa awɔ ku ba a hanya a ce daa sãmi aŋa duusɔ̃ɔ si bɛi idɔ nŋa í bi. Daa sãmiu á jɔ̀ a cã anyi.

Romu 1:26

Ŋɔi í jɔ̀ Ilaaɔ̃ í fũsi ŋa awɔ nɔ à dasi kɔdɛɛ iyi í jɔ̀ à waa cã anyi. Inaabo nŋa ŋa a ci ya jɛ baa inɛmɔkɔ ku sũò ŋa má, bii kù jɛ aŋa duusɔ̃ɔ.

Romu 1:28

Si bɛi a kù bi Ilaaɔ̃ ku mà, ŋɔi í jɔ̀ Ilaaɔ̃ í fũsi ŋa awɔ si lasabu laalɔ nŋa a ceò mii iyi kù jɔ amanɛ ku ce.