Zeremi 4:1 - Bibeli do fee

¹ Ŋɔi Aɔ̃ Lafɛ̃ɛ í ni, awɔ Izirɛli bii ì sinda ì nyi wa bi tom, nɔ i kù waa mɔsi do laalɔɛ ŋau ku ce si wajum, i kaa nɛ i maa sa hai nɛ kɔɔ má.

Zeremi 4:1 Iomraidhean Croise

Kusintii Andunya 35:2

Nɔ Zakɔbu í sɔ̃ inɛi kpasɛ̃ɛ ŋa do inɛ ŋa iyi à wa bi tɛɛ fei, í ni, i nyɔ iwɛ̃ nŋɛ ŋa iyi ì nɛu. I ce buki iyi á jɔ̀ i maaju ŋa, nɔ i kpaasi ibɔ nŋɛ ŋa.

Ilaalu 2, 23:13

Nɔ í lɛgɛ bi kuwee ŋa iyi Salomɔɔ í ma si antaii irii kutai Olivie iyi í wa wajui Zeruzalɛmu. Iri kutau bɛi à ya kpe iri kutai Nfe ku ce. Tengi bɛi Asitaate iwɛ̃ laalɔi inɛi Sidɔ̃ɔ ŋa í wa do Kemɔsi iwɛ̃ laalɔi inɛi Moabu ŋa do Milikɔmu iwɛ̃ laalɔi inɛi Amɔɔ ŋa.

Ilaalu 2, 23:24

Si anyii nŋu, Zoziasi ilaaluu í kpa woo ba iku ŋa ide ku fɔ do woo ce alisi ŋau. Nɔ í lɛgɛ mii ŋa iyi à ce à jɔ iwɛ̃ nŋa ŋau nɔ í bɛjɛ iwɛ̃ ŋa hee do jĩnɛi iwɛ̃ ŋau iyi à wa Zeruzalɛmu do ilɛi Zudaa fei. Í ce bɛɛbɛi ku ba ku ceò idei wooda ŋa iyi à kɔ si tia iyi Hilikiya woo wee nlau í yɛ si kpasɛ̃i Aɔ̃ Lafɛ̃ɛu icɛ.

Bomma 2, 15:8

Iyi Aza í gbɔ idei walii Azaria amai Odɛdi, ŋɔi í ba gbugbã í kɔ̃ɔsi nɔ í nya iwɛ̃ ŋa hai si ilɛi Zudaa do Bɛnzamɛɛu fei do hai si ilu ŋa iyi í gba si iri kutai Efaraimu ŋau. Nɔ í teese bi kuwee iyi í wa wajui kpasɛ̃i Aɔ̃ Lafɛ̃ɛu si bii à ya ceaa kuwee ŋau.

Bomma 2, 33:8

Bii inɛi Izirɛli ŋau à waa ceò ide iyi ǹ sɔ̃ ŋa fei icɛ, bii à waa jirima wooda do ikɔ iyi Moizi woo ce icɛm í na ŋa, n kaa n nya ŋa hai si ilɛ iyi ǹ jilɛa bala nŋa ŋau.

Bomma 2, 34:33

Ŋɔi Zoziasi í nya iwɛ̃ ku tɔɔ hai si ilɛ bii inɛi Izirɛli ŋa à wau fei. Nɔ í tilasi inɛi Izirɛli ŋau fei a maa tɔɔ Aɔ̃ Lafɛ̃ɛ nŋa. Nɔ si kuwɛɛɛ fei a kù yaa hai si kpãai Aɔ̃ Lafɛ̃ɛi bala nŋa ŋa má.

Ezai 31:6

Iŋɛ inɛi Izirɛli ŋa, ì sinda ì toa Aɔ̃ Lafɛ̃ɛ anyi ŋai mam mam, amma i sinda i nyi wa bi tɛɛ ŋa.

Zeremi 15:19

Na ŋɔi í jɔ̀ Aɔ̃ Lafɛ̃ɛ í fɔ í ni, bii ì sinda ì nyi wa bi tom, an jɔ̀ i baa si icɛɛ si wajum má. Bii ì tã sɔɔlu i ya wũaa ide iyi í nɛ bɛɛrɛ, do iyi kù nɛ bɛɛrɛ, awɔi aa jɛ woo fɔ idem. Nɔ aŋai à nɛ a sinda a baa bi titɛɛ bɛbɛi, amma kù jɛ awɔi aa nyi si ŋa.

Zeremi 15:4

Waati bɛɛbɛ, njo á mu inɛi bommai andunya ŋau fei bii à waa yɛ ŋa. Mii ŋau bɛ fei á ba ŋai na laalɔ ŋa iyi Manasee amai Ezekiasi iyi wa jɛ ilaalui Zudaau í ce si ilui Zeruzalɛmu.

Zeremi 18:11

Ŋɔi Aɔ̃ Lafɛ̃ɛ í ni má, ba inɛi Zudaa ŋa do inɛi Zeruzalɛmu ŋa ide ku fɔ. Sɔ̃ ŋa i ni amu Aɔ̃ Lafɛ̃ɛ ǹ ni ǹ nɛ lasabu iyi ǹ ce si gãmɛ nŋa. Sɔɔlui wahalai ǹ ce nŋa. Na nŋu, a fũsi kpãa sãmi nŋa ŋau awɔ a sinda wa. A teese kpãa nŋa ŋa do kuce nŋa ŋau.

Zeremi 24:9

An jɔ̀ yaasei kuwɛɛ nŋa ku jɛaa inɛ ŋa zigiidai bi bommai ilɛ ŋau fei. Tengi bii an fangaa ŋa a koo a wa fei, aŋai aa jɛ yaase iyi inɛ ŋa aa ya so waati iyi à waa bi a bú inɛ gɔ, walakɔ waati iyi à waa yaako inɛ gɔ, walakɔ waati iyi à waa kɔ̃ irii inɔ kukã gɔ, walakɔ waati iyi à waa bi a ceekpe inɛ gɔ.

Zeremi 25:5

Aɔ̃ Lafɛ̃ɛ wa sɔ̃ ŋɛ wa ni, i jɔ̀ kpãa laalɔ iyi ì waa too ŋau ŋa, nɔ i jɔ̀ inɔ kukã ku ce nŋɛ ŋau nɔ i sinda i baa wa ŋa bi amu Aɔ̃ Lafɛ̃ɛ nɔ i buba si ilɛ iyi ǹ muaa iŋɛ do bala nŋɛ ŋau hee do ajɔ fei.

Zeremi 3:1

Aɔ̃ Lafɛ̃ɛ í ni, bii inɛ gɔ í kɔ̀si aboɛ, nɔ abou í nɛ í koo í so mɔkɔ mmu, mɔkɔ nwou á yɔkɔ ku na ku gbaa ku jɛ aboɛ má? Aawo. Ilɛu á so riisii bii í ce bɛɛbɛ. Awɔ Izirɛli iyi ì ya dabii i maa tɔɔ iwɛ̃ nkpɔ nkpɔ bɛi woo ta icu í ya maa gba mɔkɔ nkpɔ nkpɔ, ì waa bi i nyi wa bi tom má?

Zeremi 3:12

Bɔ ikpa awɔ njɛi kpãai inunu i la na ideu ihɛ̃ i maa ni, baa wa Izirɛli woo kpaasi ide. Aɔ̃ Lafɛ̃ɛ í ni, n kaa n cɔɛ do iju laalɔ, domi ǹ jɛ ilu araare. N ci ya mu idei mbɛɛtɛ do ajɔ fei.

Zeremi 3:14

I baa wa ŋa ama ku kɔ̀ ide ŋa, domi amui ǹ jɛ mɛɛtu nŋɛ. An so nŋɛ inɛ akã hai si ilu gɔ, inɛ minji hai si nyaanze gɔ, nɔ n bɔò ŋɛ Siɔ̃ɔ.

Zeremi 3:22

I baa wa ŋa, ama ku kɔ̀ ide ŋa. An ce nŋɛ suurui dee dee hai jɛ nŋɛ. Awa wee Ilaaɔ̃, à waa baa bi tɛɛ, domi awɔi ì jɛ Aɔ̃ Lafɛ̃ɛ nwa.

Zeremi 35:15

Ǹ bɛ si iŋɛ fei walii woo ce icɛm ŋa wa. N kù gbɛɛjiò ku bɛ ŋa wa a naa a sɔ̃ ŋɛ a ni, iŋɛ fei i jɔ̀ kpãa laalɔ nŋɛ i sinda i baa wa ŋa. I teese kuce nŋɛ ŋa, nɔ i maà nɛ anu akã do iwɛ̃ ŋa hee i koo i maa tɔɔ ŋa ŋa. Do yaase bɛɛbɛ, an jɔ̀ i buba si ilɛ iyi ǹ muaa iŋɛ do bala nŋɛ ŋau. Amma wee i kù jɛ ku sotĩ ku gbɔ nɔ i kù jirimam ŋa.

Zeremi 36:3

Á yɔkɔ ku jɛ inɛi Zudaa ŋa aa gbɔ iyi ǹ wa n bi n jɔ̀ wahala ku naa si aŋai, nɔ á yɔkɔ ku jɛ aa fũsi laalɔ ku ce nŋa awɔ, nɔ n ce nŋa suurui kurara nŋa do dulum du ŋa.

Zeremi 4:4

I ce bango na irii Aɔ̃ Lafɛ̃ɛ ŋa, i jɔ̀ idɔ kulele nŋɛ ŋau nɔ i naa ara nŋɛ iŋɛ inɛi Zudaa do inɛi Zeruzalɛmu ŋa, ku ba idɔɔkɔ̃m ku maà lu wa bɛi ina nɔ ku maà jo hee a mɔngɔ ku kpaa, na inɔ kukã ku ce nŋɛ.

Zeremi 7:3

Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋa í ni, i teese kpãa nŋɛ ŋa do kuce nŋɛ ŋa. Nɔ n jɔ̀ ŋɛ i wa si inyau ihɛ̃ ŋa.

Zeremi 7:5

Bii ì teese kpãa nŋɛ do kuce nŋɛ ŋa, bii ì waa fũa njɛ inɔ ŋa,

Zeremi 7:7

an jɔ̀ ŋɛ i wa si inyau ihɛ̃ ŋa, si ilɛ iyi ǹ muaa bala nŋɛ ŋa hai ku kpɛ hee do ajɔ fei.

Ezekiɛli 11:18

Bii à baa, aa leekĩ iwɛ̃ ŋa ku tɔɔ do laalɔ ŋa iyi inɛi ilɛ ŋau à waa cei.

Ezekiɛli 18:13

bii wa wɛ̃a inɛ ŋa fia do inyi nɔ ku maa dɛdɛ si riba, amau bɛ á maa wɛɛ mbɛ? Aawo, kaa wɛɛ, domi laalɔ nla nlai wa ce. Aa kpaai, nɔ ikuɛ á jɛ idei iriɛ.

Ezekiɛli 43:9

Nsɛi inɛi Izirɛli ŋau aa jɔ̀ sakara ku ce nŋa, nɔ aa fa ikui ilaalu nŋa ŋau hai bi tom. Do yaase bɛɛbɛ an wa si anini nŋai hee do ajɔ fei.

Ozee 14:1

Inɛi ilui Samari ŋa à nɛ a yɛ ijuukpãi kurara nŋai si na iyi í jɔ̀ à ce ide ku kɔ̀ bi Aɔ̃ Lafɛ̃ɛ nŋa. Na nŋu, igũi á naa si ŋa ku kpa ŋa. Aa tɛɛsɛ ama kpɔtɔɔ nŋa ŋai, nɔ a pũ inaabo bãasĩ nŋa ŋa.

Ozee 2:2

Waati bɛɛbɛi inɛi Zudaa ŋa do inɛi Izirɛli ŋau aa tɔtɔɔ njɛ nɔ a so inɛ akã ku jɛ inɛ ngbo nŋa, nɔ aa fita hai si ilɛui, domi ajɔi Yizireɛliu, ajɔ nla nlai á jɛ.

Ozee 7:16

À sinda à waa baa, amma kù jɛ bi tom. À yɛi bɛi bioo iyi í ka. Inɛ ngbo nŋa ŋa aa kui si igũ, na ide laalɔ ku fɔ nŋa si gãmɛm. Na ŋɔi í jɔ̀ inɛi Ezibiti ŋa aa maa yaako ŋa.

Zoɛli 2:12

Ŋɔi Aɔ̃ Lafɛ̃ɛ í fɔ í ni, bɛbɛi i nyi wa bi titom ŋa do idɔ nŋɛ fei. I dĩ anu ŋa, i kpata ŋa, nɔ i tɔɔm ŋa.

Zakari 1:4

Ǹ wa n tɔɔ ŋɛ, i maà ti i sisi bala nŋɛ ŋa. Hai kukpɛi waliim ŋa à sɔ̃ ŋa idem, à ni a jɔ̀ kuwɛɛ laalɔ do kookoosu laalɔ nŋa ŋa iyi à waa ceu, amma a kù bi ku gbɔ mɔm hee a jirimam.

Wooda ku kɔsi 27:15

ikpei á jɛ ti inɛ iyi í gbe jĩi, walakɔ í gbe kuta, walakɔ í yɔ isɔ gɔ í ceò ngɔgɔ iyi í jɔ iwɛ̃, nɔ í manji wa tɔɔɛ. Aɔ̃ Lafɛ̃ɛ í cé mii dimi bɛɛbɛ iyi amanɛ ŋa à ce do awɔ nŋa. Nɔ zamaau fei á jɛi ku ni, ami.

Wooda ku kɔsi 4:30

Si waati iyi mii ŋa iyi ǹ ka ŋau bɛ fei à na à ba ŋɛ, aa wɛɛò inɔ kufɔ ŋa, nɔ aa sinda i baa bi Aɔ̃ Lafɛ̃ɛ nŋɛ, nɔ i gbɔ ideɛ ŋa,

Zozue 24:14

Ŋɔi Zozue í ni má, na nŋu nsɛi, iŋɛi ì nɛ i jirima Aɔ̃ Lafɛ̃ɛ bɛbɛi, nɔ i ceaa icɛ do idɔ nŋɛ fei ŋa, do dee dee ku jɛ. I jɔ̀ iwɛ̃ ŋa iyi bala nŋɛ ŋau à tako à waa tɔɔ waati iyi à wa icei idoi Efaratau do si waati iyi à na à wa ilɛi Ezibitiu, nɔ i na ara nŋɛ si icɛi Aɔ̃ Lafɛ̃ɛ ku ce ŋa.

Woo kiiti ŋa 10:16

Ŋɔi à fũsi iwɛ̃ ŋa iyi à waa tɔɔ ŋau fei awɔ, à sinda à waa tɔɔ Aɔ̃ Lafɛ̃ɛ. Nɔ Aɔ̃ Lafɛ̃ɛ kù jɔ̀ a kù kpɛ si wahalau.

Samuɛli 1, 7:3

Ŋɔi Samuɛli í sɔ̃ ŋa í ni, bii í jɛ do idɔ nŋɛ feii ì waa nyi wa bi Aɔ̃ Lafɛ̃ɛ ŋa, i jɔ̀ iwɛ̃ Asitaate ku tɔɔ ŋa do iwɛ̃ ŋa iyi à gbe fei. I sinda idɔ nŋɛ wa si Aɔ̃ Lafɛ̃ɛ nɔ i tɔɔ nŋu akã ŋa, nɔ ku nya ŋɛ hai si awɔi inɛi Filisi ŋa.