Zeremi 39:1 - Bibeli do fee

¹ Si adɔ̃ mɛɛsãsiai bomma ku jɛi Sedesiasi ilaalui Zudaa, si cukpa mɛɛwasiaɛi Nebukanɛsaa ilaalui Babilɔni í naa Zeruzalɛmu do soogeɛ ŋa fei à naa à bu iluu koe.

Zeremi 39:1 Iomraidhean Croise

Bomma 2, 36:17

Ŋɔi Aɔ̃ Lafɛ̃ɛ í jɔ̀ Nebukanɛsaa ilaalui inɛi Kaladee ŋau í naa si ŋa igũ, nɔ í lɔ hee inɔ kpasɛ̃i Aɔ̃ Lafɛ̃ɛ í kpa awaasũ ŋa bɛ. Kù jɔ̀ inɛ kãma, hai awaasũ ŋa do mudɛ̃ɛ ŋa hee do mɔkɔ ngbo ŋa do inɛ ŋa iyi ntoi iri nŋa í fũuta fei. Aɔ̃ Lafɛ̃ɛ í so aŋa fei í daa si awɔ.

Zeremi 32:1

Aɔ̃ Lafɛ̃ɛ í ba Zeremi ide ku fɔ si adɔ̃ mɛɛwasiai bomma ku jɛi Sedesiasi ilaalui Zudaa. Nɔ si adɔ̃ mɛɛwa do mɛɛjɔsiai bomma ku jɛi Nebukanɛsaa mbɛ.

Zeremi 34:1

Nebukanɛsaa ilaalui Babilɔniu í bɔ igũ si ilui Zeruzalɛmu do si ilui Zudaa ŋa. Í kooi do soogeɛ ŋa fei, do soogei ilɛ ŋa iyi nŋu takaɛ í kãmia ŋau fei. Ŋɔi Aɔ̃ Lafɛ̃ɛ í ba Zeremi ide ku fɔ í ni,

Zeremi 34:22

Nɔ Aɔ̃ Lafɛ̃ɛ í nyi í ni má, nsɛi an na ŋa woodam ŋa, nɔ n jɔ̀ a nyi wa si iluu má a naa a ce igũ do iluu má. Si igũu ku ce, aa gba iluui nɔ a dasi ina. An jɔ̀ inyau ku baa ku jɛ inyai bomma bii inɛ kãma kaa wa.

Zeremi 42:18

Ntɔ ntɔ Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋau í ni do yaase bɛi idɔɔkɔ̃ɛ í naa si inɛi Zeruzalɛmu ŋa, bɛɛbɛ mɔi idɔɔkɔ̃ɛ á naa si iŋɛ mɔ bii ì dede ì nɛ Ezibiti ŋa. Iŋɛi aa jɛ yaase iyi inɛ ŋa aa ya so waati iyi à waa bi a ceekpe inɛ gɔ, walakɔ bii à waa bi a fɔ idei mii laalɔ gɔ, walakɔ idei inɛ gɔ iyi à ceekpe, walakɔ inɛ gɔ iyi à waa bi a dasi anyɔ, nɔ i kaa yɛ ilɛu ihɛ̃ má ŋa.

Zeremi 52:1

Adɔ̃ kɔnfia do akãi Sedesiasi í nɛ waati iyi í jɛ bomma, nɔ adɔ̃ maatakãi í ce si bommau Zeruzalɛmu bɛ. Iyeɛi à ya kpe Hamutali. Ama inaaboi Zeremii inɛi Libuna gɔi wa jɛ.

Zeremi 6:6

Aɔ̃ Lafɛ̃ɛi lele do ilɛ í ni, i da jĩi ŋau, i ce bi ku gũò bindii Zeruzalɛmu ŋa. Ilu iyi í nɛ ku yɛ ijuukpãu mbɛ. Gbugbã ku taa inɛ ŋai í wa bɛ.

Ezekiɛli 33:21

Si adɔ̃ maateejisiai kumui awa inɛi Izirɛli ŋa si ajɔ miiusiai cukpa mɛɛwasiaɛ, inɛ gɔ iyi í ba í fita si waati iyi mbɛɛ ŋa à naa si Zeruzalɛmu, í naa í sɔ̃m í ni, iluu í cuku.

Ezekiɛli 4:3

So isɔ ku munga anu i jilɔɔ bɛi idĩ si afeɛ do iluu. Kãsi iluu iju i maa i kaakoɛò. Kuceɛui á nyisi iyi aa naa a bu ilui inɛi Izirɛli ŋau koe.

Ezekiɛli 40:1

Si adɔ̃ kɔnfia do miiusiai kumui awa inɛi Izirɛli ŋa, hai sintei adɔ̃u, si ajɔ mɛɛwasiai cukpau, adɔ̃ maatɛ̃ɛ wai ihɛ̃ dee dee iyi à jɛ Zeruzalɛmu igũ à lɛgɛɛ í ce bomma. Ajɔ nŋu bɛi Aɔ̃ Lafɛ̃ɛ í naa í som í bɔòm bɛ.

Ezekiɛli 5:2

Waati iyi ajɔi iluu ku bu koeu á leekĩ, koo jo ikɔ sinteu si aninii iluu. Ikɔ minjisiau, cãa do abɛu i kaakoò iluu. Ikɔ mɛɛtasiau koo fangaaɛ si fufu nɔ n leleɛ do taakubam.

Zakari 8:19

ǹ wa n sɔ̃ ŋɛ iyi anu ku dĩ iyi ì ya ce si cukpa mɛɛsia do si miiusia, do si mɛɛjesia do si mɛɛwasiai adɔ̃u á baa ku jɛa inɛi Zudaa ŋa ajɔi jingau do inɔ didɔ̃ nla nla. Amma i bi ntɔ do laakai ku sũ ŋa.

Wooda ku kɔsi 28:36

Aɔ̃ Lafɛ̃ɛ á jɔ̀ a mu ŋɛi iŋɛ do ilaalu iyi aa jilɛa ara nŋɛu a nɛò ŋɛ ilɛ mmu gɔ bii iŋɛ taka nŋɛ do bala nŋɛ ŋa i kù mà ŋa. Nɔ tengi bɛ, iwɛ̃ ŋai aa maa tɔɔ ŋa. Iwɛ̃ ŋau, kuta do jĩi ŋa iyi à gbei.