Zeremi 32:3 - Bibeli do fee

³ Sedesiasi ilaalui Zudaaui í jɔ̀ à cĩmboɛ, domi í ni, bɛirei í ce ì ce walii ì waa ni, Aɔ̃ Lafɛ̃ɛ í ni, an so iluu ihɛ̃ n daa ilaalui Babilɔni si awɔ nɔ ku gbaa.

Zeremi 32:3 Iomraidhean Croise

Bomma 2, 28:22

Baa do iyi Ahazi í wa si wahala ŋau bɛ fei, í kɔ̀ í wasi dulum ku ce bi Aɔ̃ Lafɛ̃ɛ.

Kufita 5:4

Ŋɔi ilaalui Ezibitiu í ni, awɔ Moizi do Arɔ̃ɔ, na mii í ce ì waa sinda inɛ ŋau hai si icɛ nŋa ŋa. I koo i nɛ icɛ nŋɛ.

Zeremi 2:30

Ǹ kpã ama nŋɛ ŋa ijui si ngbɛ. A kù ce laakai si mii iyi í ba ŋau. Do taakuba nŋɛi ì kpaò walii nŋɛ ŋa, bɛi muusu nla kugaabu.

Zeremi 21:3

Ŋɔi Zeremi í jɛ nŋa í ni a koo a sɔ̃ Sedesiasi a ni,

Zeremi 27:8

Bii dimi gɔ walakɔ ilɛ gɔ kù waa cea Nebukanɛsaa ilaalui Babilɔni icɛ, nɔ kù jɛsi ku to kɔ̃ɔɛ ku so zuugui ilaalui Babilɔniu, an jɔ̀ igũ do ari do patapoo ku naa siɛ. Amu Aɔ̃ Lafɛ̃ɛ, bɛi ǹ fɔ mbɛ, nɔ do yaase bɛɛbɛi an kpaò irii dimiu.

Zeremi 34:21

An so Sedesiasi ilaalui Zudaa do inɛ ngboɛ ŋaui n daa mbɛɛ nŋa ŋa si awɔ aŋa iyi à waa dɛdɛ ku kpa ŋa, do si awɔi soogei ilaalui Babilɔni ŋa iyi à fa ara nŋa à jĩò ŋɛ.

Zeremi 36:29

Si gãmɛi Zoakimu ilaalui Zudaau aa fɔi i ni, Aɔ̃ Lafɛ̃ɛ í ni, awɔ Zoakimu awɔi ì jo tia iyi à kɔu. Nɔ ì ni, Zeremi na mii í ce ì kɔ ide ŋau ihɛ̃ ì ni ilaalui Babilɔni á naa kù nɛ sika kãma, á lɛgɛ iluui nɔ ku ce nfei amanɛ do mɛɛmu ŋa fei.

Zeremi 37:4

Waati bɛɛbɛ fei, a kù mu Zeremi a kù dasiɛ piisɔ̃ɔ titã. Wa ce isɛɛnɛɛi titã bɛi í bi.

Zeremi 38:18

Amma bii ì kɔ̀ ku fita ku kooò araɛ bi inɛ ngboi soogei ilaalui Babilɔni ŋau, iluu ihɛ̃ á dasi awɔi inɛi Kaladee ŋai, nɔ aa dasi inai a joo, nɔ awɔ takaɛ i kaa fita hai si awɔ nŋa.

Zeremi 38:3

Ntɔ ntɔ Aɔ̃ Lafɛ̃ɛi wa fɔ í ni, nŋu á so iluu ihɛ̃i nŋu ku daa soogei ilaalui Babilɔni ŋau si awɔ nɔ a gbaa.

Zeremi 38:4

Iyi akawe ŋau à gbɔ bɛi wa fɔ, ŋɔi à sɔ̃ ilaalu Sedesiasi à ni, mɔkɔu ihɛ̃ í gbe a kpaa, domi ide ŋa iyi wa fɔu ihɛ̃ á fɔ inɔi sooge ŋa do inɛ ŋa iyi à gbe si inɔ iluui. Inɛɛu ihɛ̃ kù waa dɛdɛa zamaai iluu mii jiida, í gbe nfe ku cei zamaau.

Zeremi 38:8

Ŋɔi Ebɛdi-Melɛki í fita wa hai kabai ilaaluu, nɔ í na í ba ilaaluu ide ku fɔ í ni,

Zeremi 5:3

Aɔ̃ Lafɛ̃ɛ, mii iyi ì bii í jɛ kuwɛɛ si ntɔ. Wee nsɛi ì kpã ŋa iju, amma kù jɛ nŋa si nkãma. Ì bi i tã do aŋa, amma à kɔ̀ ku gbɔ ide iyi ì waa sɔ̃ ŋa. À lele idɔ nŋa ŋa bɛi kuta, nɔ à kɔ̀ ku nyi wa bi tɛɛ.

Kukpata 1:14

Aɔ̃ Lafɛ̃ɛ wa yɛ kuraram ŋa. Í tɔtɔɔ kuraram ŋaui í dĩ ŋa inya akã wa muu si awɔɛ, nɔ kugbokaɛ í naa hee si kɔ̃ɔm. Aɔ̃ Lafɛ̃ɛ í jɔ̀ ǹ kua gbugbã. Í som í daa mbɛɛ ŋa si awɔ, nɔ n kaa n yɔkɔ n kɔ̀ò aram si gãmɛ nŋa.

Amɔsu 7:13

Amma maà mɔsi walii ku ceɛ Betɛli ihɛ̃ má, domi bi kuweei ilaalui nɔ kpasɛ̃u ti ilaalui.

Luku 20:2

Nɔ à ni, sɔ̃ wa, yiiko yoomai ì waa ceò mii ŋau ihɛ̃, mà yooi í naɛ kpãaɛ.