Zeremi 3:9 - Bibeli do fee

⁹ Izirɛli í jɔ̀ ilɛu í so riisi. Í ya maa tɔɔ iwɛ̃ ŋa iyi à ce do kuta ŋa do jĩi ŋa.

Zeremi 3:9 Iomraidhean Croise

Ezai 57:3

Amma iŋɛ, i sɛkɛɛ wa ihɛ̃ ŋa iŋɛ ama inɛmɔkɔi abo à ce alisi, iŋɛ woo ce sakara ŋa do woo ta icu ŋa.

Ezai 57:6

Kuta ku yɔrɔ ŋa iyi à wa acãi inyiui à jɛ ikpɛ̃ɛ Izirɛli. Aŋau bɛ, aŋai à jɛ titɛɛ. Na iri nŋai ì waa ce amuai vɛ̃ɛ do kuwee ŋa iyi à ya jo si ina fei sãa sãau. Ǹ nɛ n jɛsi mii ŋau bɛ?

Zeremi 10:8

Aŋa fei mam mam à ce nnyɛii nɔ a kù nɛ yaase. Kpãai iwɛ̃ ku tɔɔ nŋau bɛ, cioi inya ngbɛi.

Zeremi 16:18

An jɔ̀ a ba kusãi kurara nŋai do ti dulum du ŋa ikɔ minji, domi à dasi ilɛm nɔu riisi, nɔ à jɔ̀ tubum nɔu í kɔ̃ do iwɛ̃ nŋa ŋa iyi ǹ céu.

Zeremi 2:27

Ì ya sɔ̃ jĩi i ni ŋa, awɔi ì jɛ baa nwa. Nɔ ì ya sɔ̃ kuta i ni ŋa, awɔi ì bím wa. Amui ì nɛ i cɔ ŋa wo, amma ì sinda ì toom anyi ŋa. Nɔ waati iyi ì wa si wahala, ì ya ni ŋai, dede i faaba wa.

Zeremi 2:7

Nɔ ǹ jɔ̀ ì lɔ si ilɛ iyi í nɛ ikoi jĩi ŋa, ku ba i jɛ isoɛ ŋa iyi à dɔ̃ ku jɛ ŋau. Amma ì to wa ŋa, nɔ ì na ì riisi ilɛm nɔu ŋa. Nɔ ì so tubum nɔu ì coo mii laalɔ ŋa.

Zeremi 3:2

Wu iju i cɔ ikpa geete ŋau. Iwoi i kù tɔɔ iwɛ̃ ŋa bɛi woo ta icu ŋa iyi à ya maa gba mɔkɔ nkpɔ nkpɔ. Ì ya koo i maa leekĩ si itĩ kpãai bɛi inɛi Arabi iyi í wa si gbaa wa degbe woo lɔ ŋa. Nɔ ì riisi ilɛu do iwɛ̃ ku tɔɔ do laalɔ ku ce, bɛi inaabo à ta icu.

Ezekiɛli 16:17

Ì so jĩnɛi wura do isɔ fũfũ ŋa iyi ǹ naɛu ì ceò iwɛ̃ akɔ ŋa nɔ ì ya maa ce sakara do ŋa.

Ezekiɛli 23:10

Aŋai à jɔ̀ɔ basĩ, nɔ à mu ama inɛmɔkɔɛ do inaaboɛ ŋa nɔ à kpa nŋu takaɛ do taakuba. Do yaase bɛɛbɛi à kiitiɛ nɔ í jɛ bɛi ikɔ bi inaabo mmu ŋa iyi à gbe.

Ezekiɛli 23:21

Oholiba, ì nyi si kuce hai nɛ yaasei hai mudɛ̃ɛu má. Waati iyi ì wa Ezibiti, ì ya jɔ̀ inɛi Ezibiti ŋau a maa baabaa gɛndaɛ nɔ a maa tɛ amɔɛ ŋa.

Ezekiɛli 23:3

Ama inaabo ŋau, waati iyi à wɛɛ mudɛ̃ɛ, icui à ya maa ta Ezibiti. Bɛi inɛ ŋa à tɛ amɔ nŋa ŋa nɔ à baabaa gɛnda nŋa ŋa.

Ozee 2:2

Waati bɛɛbɛi inɛi Zudaa ŋa do inɛi Izirɛli ŋau aa tɔtɔɔ njɛ nɔ a so inɛ akã ku jɛ inɛ ngbo nŋa, nɔ aa fita hai si ilɛui, domi ajɔi Yizireɛliu, ajɔ nla nlai á jɛ.

Ozee 4:12

Zamaam nɔu, jĩi iyi í gbe í jɛ iwɛ̃ɛi í ya maa bee ide. Jĩi nɔui í ya jɛaa. Lasabui iwɛ̃ ŋa ku tɔɔi í naa si ŋa nɔ í jɔ̀ à nyɔ. Nŋui í jɛ bɛi sakara iyi à ya maa ce, nɔ à fɛɛfɛ do amu Aɔ̃ Lafɛ̃ɛ nŋa.

Zoɛli 1:19

Aɔ̃ Lafɛ̃ɛ, awɔi ǹ wa n dɔ̃ si anu, domi ina í ce nfei bi kujɛi mɛɛmu ŋa si gbaau. Nɔ inau í jo jĩi ndii sako ŋaui fei.

Abakuku 2:19

Inɔ kufɔi á jɛ ti iŋɛ iyi ì sɔ̃ jĩi ì waa ni ku dede, nɔ ì sɔ̃ kuta gɔ iyi kaa yɔkɔ ku fɔ ide ì waa ni ku dede, aŋa iyi a kaa yɔkɔ a kɔ ŋɛ si nkãma, nɔ baa bii í jɛ à bii ŋa do wura do isɔ̃ fũfũ, hunde kãma de kù wa si ŋa.

Matie 5:32

Amma amu, ǹ wa n sɔ̃ ŋɛ, inɛ iyi í kɔ̀si aboɛ nɔ kù jɛ na sakara, mɔkɔu í dasiɛ sakarai. Nɔ mɔkɔ mɔ iyi í so abo iyi à kɔ̀siu, í ce sakarai.