Zeremi 3:8 - Bibeli do fee

⁸ Baa do iyi ǹ kɔ̀si Izirɛli woo kpaasi ideu na sakaraɛ ŋau fei, nɔ ǹ naa tiai njɛ ku kɔ̀siu, ǹ yɛ iyi Zudaa hai jɛ dee deeu kù ce njo, nɔ í koo í riisi araɛ wa bɛi nŋu mɔ.

Zeremi 3:8 Iomraidhean Croise

Bomma 2, 21:11

Nɔ mɔm Yoramu í ce bi kuweea iwɛ̃ ŋa si antaii iri kutai Zudaa ŋa. Ŋɔi í tale si inɛi Zeruzalɛmu ŋa do inɛi Zudaa ŋau fei iwɛ̃ ŋa ku tɔɔ.

Ezai 50:1

Ide iyi Aɔ̃ Lafɛ̃ɛ í fɔ wee. Í ni, iŋɛ inɛi Zudaa ŋa, hee iwoi tiai njɛ ku kɔ̀ iyi wa nyisi iyi ǹ kɔ̀si Zeruzalɛmu iye nŋɛ í wa. Walakɔ mɔ i sɔ̃m ŋa, bi yooi ǹ koo ǹ ta ŋɛ bɛi aru si na iyi í jɔ̀ ǹ wa n mu gbesei lafɛ̃ɛ. Ntɔ ntɔ bii ǹ ta ŋɛ, na irii kurara nŋɛ ŋai, nɔ bii ǹ kɔ̀si iye nŋɛ, na dulum ku ce nŋɛ ŋai.

Zeremi 2:19

Inɔ kukãɛi á jɔ̀ i ba ijuukpã, nɔ dee dee hai jɛɛi á jɔ̀ i yɛ bɔ̃nɛ. Do yaase bɛɛbɛ, aa mà iyi mii iyi ì ce í jɛ laalɔ nɔ í ro. Ì fũsi amu Aɔ̃ Lafɛ̃ɛɛ awɔ nɔ i kù mà bɛɛrɛm. Amu Aɔ̃ Lafɛ̃ɛi lele do ilɛ, amui ǹ fɔ bɛɛbɛ.

Zeremi 3:1

Aɔ̃ Lafɛ̃ɛ í ni, bii inɛ gɔ í kɔ̀si aboɛ, nɔ abou í nɛ í koo í so mɔkɔ mmu, mɔkɔ nwou á yɔkɔ ku na ku gbaa ku jɛ aboɛ má? Aawo. Ilɛu á so riisii bii í ce bɛɛbɛ. Awɔ Izirɛli iyi ì ya dabii i maa tɔɔ iwɛ̃ nkpɔ nkpɔ bɛi woo ta icu í ya maa gba mɔkɔ nkpɔ nkpɔ, ì waa bi i nyi wa bi tom má?

Zeremi 33:24

i kù ce laakaii ide iyi inɛ ŋau ihɛ̃ à waa fɔ ba. À waa ni amu Aɔ̃ Lafɛ̃ɛ ǹ fũsi dimii Izirɛli do dimii Zudaa ŋa iyi ǹ cicau awɔ. Inɛ ŋa iyi à waa fɔ bɛɛbɛ ŋau, a kù waa saalu inɛm ŋau bɛi dimi gɔ má. Na ŋɔi í jɔ̀ à waa yaako ŋa.

Zeremi 5:7

Na mii á jɔ̀ amu Aɔ̃ Lafɛ̃ɛ n ceɛ suuru, Zeruzalɛmu. Amaɛ ŋa à kɔ̀sim. À waa ce kugbasi do irii iwɛ̃ ŋa iyi a kù jɛ Ilaaɔ̃. Ǹ na ŋa bukaatai mii iyi à nɛ fei, amma à wasi sakara ku ce. À na ara nŋai mam mam si sakarau ku ce,

Ezekiɛli 16:46

Igbãɛ iyi í wa ikpa awɔ cangaɛ, Samarii do ama inaaboɛ ŋai, nɔ ifɔɛ iyi í wa ikpa awɔ njɛɛ, Sodomu do ama inaaboɛ ŋai.

Ezekiɛli 16:47

I kù too si kuce nŋa do daa laalɔ nŋa nŋu akã. Laalɔ iyi ì ce si isɛɛnɛɛ í re tu ŋa.

Ezekiɛli 16:51

Samari kù ce baa bubui dulum dɛɛ, laalɔɛ ŋa iyi ì ce à kpɔ à re titɛɛ. Bii à cɔ laalɔ ŋa iyi Sodomu ifɔɛ do Samari igbãɛ à ce, a kù jɛ ilu taale ŋa do iyi ì ce.

Ezekiɛli 23:44

Inɛmɔkɔ ŋa à ya maa bɔ bi tɛɛi bɛi à ya bɔ bi abo à ta icu. Bɛi inɛ ŋa à ya maa bɔ bi abo à ta icu, bɛɛbɛi à ya maa bɔ bi Ohola do Oholiba aŋa iyi à ya maa sũ do inɛ iyi à ba fei.

Ezekiɛli 23:9

Na nŋui í ce ǹ soo ǹ daa inɛi Asiri mɔkɔ kaafeɛ ŋa iyi í biu si awɔ.

Ozee 3:4

Ntɔ ntɔ, inɛi Izirɛli ŋa aa wɛɛi waati sisɔ hai nɛ ilaalu, nɔ a kaa nɛ inɛ ngbo ŋa. A kaa nɛ iwɛ̃ ŋa, nɔ a kaa ya ce kuwee ŋa, nɔ a kaa nɛ mii ŋa iyi à ya beeò idɔɔbii Ilaaɔ̃.

Wooda ku kɔsi 24:1

Bii inɛ gɔ í gba abo gɔ abɔdɔ̃ nɔ í na í to bii kù na kù waa buu má, si na iyi í jɔ̀ wa yɛ taaleɛ si ide gɔ, á kɔa tiai njɛ ku kɔ̀i ku bɛi ku loo hai bi tɛɛ.

Wooda ku kɔsi 24:3

Bii í jɛ mɔkɔ iyi í nyi í koo í sou mɔ kù na kù buu má, nɔ í kɔ tiai njɛ ku kɔ̀ í naa í bɛi í loo hai bi tɛɛ, walakɔ bii í jɛ mɔkɔ iyi í koo í sou mɔkɔu í kui,