Zeremi 3:6 - Bibeli do fee

⁶ Si waatii ilaalu Zoziasi Aɔ̃ Lafɛ̃ɛ í sɔ̃m í ni, ì yɛ bɛi Izirɛli woo kpaasi ideu í ce? Í bɔ si antaii iri kuta ŋa fei do si abɛi jĩi tũtũ ŋau fei, nɔ bɛi í koo í riisi araɛ.

Zeremi 3:6 Iomraidhean Croise

Ilaalu 1, 14:23

Aŋa mɔ à ma geete bi kuwee ŋa, à gũ kuta ŋa, nɔ à gũa Asera iwɛ̃u jĩi ŋa si antaii iri kuta fei do si icui jĩi tũtũ fei.

Bomma 2, 34:1

Zoziasi í nɛi adɔ̃ mɛɛjɔ waati iyi í jɛ bomma. Nɔ í ce si bommau adɔ̃ kuntaa do akã Zeruzalɛmu.

Iri ku kɔ̃ 106:39

Iwɛ̃ ŋa ku tɔɔ nŋau í yɛi bɛi sakara ku ce bi Aɔ̃ Lafɛ̃ɛ.

Ezai 57:3

Amma iŋɛ, i sɛkɛɛ wa ihɛ̃ ŋa iŋɛ ama inɛmɔkɔi abo à ce alisi, iŋɛ woo ce sakara ŋa do woo ta icu ŋa.

Ezai 57:7

Si antaii iri kuta kugboka gɔi ì koo ì ce bi ku sũɛ. Nɔ tengi bɛ mɔi ì ya gũ i koo i ce kuweeɛ ŋa.

Zeremi 1:2

Aɔ̃ Lafɛ̃ɛ í baa ide ku fɔ si adɔ̃ maatɛtasiai bomma ku jɛi Zoziasi amai Amɔɔ ilaalui Zudaau.

Zeremi 11:10

À sinda à nyi si kurarai bala nŋa ŋa iyi à tako à kɔ̀ idem ŋa ku gbɔu, nɔ à ce anu akã do iwɛ̃ ŋa à ya maa tɔɔu. Inɛi Izirɛli ŋa do inɛi Zudaa ŋa à fũ akabuu iyi ǹ tako ǹ dĩ do bala nŋa ŋa.

Zeremi 17:2

Do yaase bɛɛbɛ, ama nŋa ŋa aa maa ye gigii bi kuwee nŋa ŋaui, do jĩi iyi à gũa iwɛ̃ Asera nŋa ŋau, do jĩi tũtũi iri kuta ŋau.

Zeremi 3:8

Baa do iyi ǹ kɔ̀si Izirɛli woo kpaasi ideu na sakaraɛ ŋau fei, nɔ ǹ naa tiai njɛ ku kɔ̀siu, ǹ yɛ iyi Zudaa hai jɛ dee deeu kù ce njo, nɔ í koo í riisi araɛ wa bɛi nŋu mɔ.

Zeremi 31:22

Hee waati yoomai aa nyi i maa dabii bii fei má, awɔ iyi ì yɛ bɛi mudɛ̃ɛ ku kɔ̀ ide. Aɔ̃ Lafɛ̃ɛ í taka mii titɔ̃ si ilɛ. Inaaboi wa dɛdɛ inɛmɔkɔ.

Zeremi 5:11

Ntɔ ntɔ, hai inɛi Izirɛli ŋa do inɛi Zudaa ŋau fei, kãma nŋa kù leekĩ do amu. Amu Aɔ̃ Lafɛ̃ɛi ǹ fɔ bɛɛbɛ.

Zeremi 7:24

Nɔ à kɔ̀ ku gbɔ. A kù sotĩ pai. Ikɔ do lasabu laalɔi idɔ nŋa ŋai a too si. Ŋɔi à baa do anyi, a kù wa waju.

Ezekiɛli 16:31

Ì maa araɛ inya kugboka ŋa si kpãa koko ŋa do si bantuma ŋa bii fei. Amma i kù ce baa bɛi inaabo à ta icu, i ci ya bee fia.

Ezekiɛli 16:35

Na nŋu, awɔ abo à ta icu, gbɔ idei Aɔ̃ Lafɛ̃ɛ.

Ezekiɛli 20:28

Ǹ gbã ŋa ǹ bɔò ŋa si ilɛ bii ǹ ce nŋa kuwãɛ do kugbasi ǹ ni an mu nŋau. Amma binɛ nŋa fei í koo í wai si iri kuta kugboka ŋa do si jĩi ku kuku ŋa. Tengi bɛi à ya ce kuwee ŋa iyi à ya jo si ina do kuweei amaajɛ ŋa, do ti atɛ̃ vɛ̃ɛ ŋa. Tengi bɛi à ya jo tuae ŋa iyi à nɛ inunu jiida ŋa. Iyi bɛi í jɔ̀ idɔm í kɔ̃ si ŋa.

Ezekiɛli 23:11

Ifɔɛ Oholiba í yɛ sakara iyi igbãɛ Ohola í ceu. Do nŋu fei nŋu mɔ í ce laalɔ í re baa Ohola igbãɛu. Icu ku taɛu í la ntɔ ntɔ.

Ezekiɛli 23:4

Irii igbãui Ohola nɔ ti ifɔɛ mɔ Oholiba. Aboi amu Aɔ̃ Lafɛ̃ɛi à jɛ wo, nɔ à bíim ama inɛmɔkɔ ŋa do ama inaabo ŋa. Ohola nŋui í jɛ Samari nɔ Oholiba mɔ nŋui í jɛ Zeruzalɛmu.

Ozee 11:7

Zamaam nɔu wa leekĩi si dee dee hai jɛɛ si gãmɛm. À waa kpe ŋa a dede a leekĩ, amma kãma nŋa kù bi ku dede.

Ozee 4:13

À ya maa ce kuwee ŋai si antaii iri kuta ŋa. À ya maa jo tuae ku dɔ̃ inunu ŋa si antaii geete ŋa, do si abɛi jĩi tũtũ ŋa tengi bii jĩjĩ jiida í wa. Na ŋɔi í jɔ̀ ama inaabo nŋa ŋau aa maa ta icui, nɔ aboi ama inɛmɔkɔ nŋa ŋau mɔ aa maa ce sakarai.

Woo kiiti ŋa 2:17

Amma a kù waa jirima baa woo kiiti nŋa ŋau, domi à ya koo a gulɛ a maa tɔɔ iwɛ̃ ŋa. Do yaase bɛɛbɛi à yaa gbãa gbãa hai si kpãa iyi bala nŋa ŋa à toou. Bala nŋa ŋau ngu ŋa à jirima woodai Aɔ̃ Lafɛ̃ɛ. Amma aŋa a kù ce bɛɛbɛ.