Zeremi 3:3 - Bibeli do fee

³ Na ŋɔi í jɔ̀ ǹ kɔ̀ɛ ijĩ, nɔ agbɛ í mu si jɛadɔ̃u. Amma ì lele idɔɛ ì waa mɔsi do icu ku taɛ, nɔ anyɔ kù waa muɛ.

Zeremi 3:3 Iomraidhean Croise

Kusintii Andunya 19:34

Iju kumáɛ ŋɔi inɛ ngbou í sɔ̃ ifɔɛ í ni, idũ ana ǹ jɔ̀ baa nwa í sũòm. Ka sɔɔ atɛ̃ vɛ̃ɛ má alɛi ku ba awɔ mɔ i koo ku sũòɛ ku ba dimiɛ ku maà kpa iri.

Neemi 9:17

À kɔ̀ ku jirimaɛ nɔ à gbɛjɛ maamaake ŋa iyi ì ce na iri nŋa. Ŋɔi à so ide ku kɔ̀ nɔ si ide hai jɛ nŋau à cicaa ara nŋa inɛ ngbo ku ba a nyi si icɛi aru nŋa. Amma do nŋu fei, i kù fũsi ŋa awɔ domi ì ya cea inɛ suuru, ì jɛ ilu inɔ akã, nɔ ì nɛ araare. Idɔɛ ci ya kɔ̃ gbãa gbãa nɔ jiida ku jɛɛ kù nɛ kɔɔ.

Mɔnda ŋa 21:29

Inɛ laalɔ í ya maa kaaba araɛi, amma inɛ jiida í ya maa ce laakaii isɛɛnɛɛi.

Ezai 5:6

An jɔ̀ ilɛu ku wɛɛɛ bɛɛbɛi. Inɛ kãma kaa ya teese amaawɔi jĩi ŋau, nɔ inɛ kãma kaa ya logooɛ. Jĩi ku nɛ agũ ŋa do agũ mmu ŋai aa dede a biiɛ. Nɔ n kaa n jɔ̀ ijĩ ku dũ hee ku wɔ si ilɛu.

Zeremi 14:1

Ide iyi Aɔ̃ Lafɛ̃ɛ í sɔ̃ Zeremi si gãmɛi agbɛ iyi wa ce.

Zeremi 14:22

Si iwɛ̃i inɛi ilɛ ŋau ihɛ̃, baa akã í wɛɛ iyi á yɔkɔ ku jɔ̀ ijĩ ku naa? Mà lelei í ya jɔ̀ ijĩ ku naa anu akã nɔ ku leekĩ. Kù jɛ awɔ Aɔ̃ Lafɛ̃ɛ nwai? Siɛi kpãa ku cɔ nwa í wa, domi awɔi ì waa ce mii ŋau bɛ fei.

Zeremi 14:3

Ilu gbugbã ŋa à ya bɛ woo ce icɛ nŋa ŋai a koo a dɛdɛ inyi wa. Amma baa bii à bɔ isɔ̃ a ci ya ba inyi kãma wa. À ya sinda a baai jɔlɔ ngbɛ. Nɔ na anyɔ do na lasabu nŋa iyi í fɔtɔtɔu, à ya bii iri nŋai do acɔ.

Zeremi 14:4

Ilɛ í gbɛ hee í la si na iyi í jɔ̀ ijĩ kù waa wɔ. Nɔ woo logoo ŋa mɔ à wɛɛò inɔ kufɔ ntɔ ntɔ, na ŋɔi í jɔ̀ si inɔ kufɔ nŋa, aŋa mɔ à ya maa bii iri nŋai do acɔ.

Zeremi 36:2

so tia iyi à ya kau nɔ i kɔ ide ŋa iyi ǹ sɔ̃ɛ si gãmɛi Izirɛli do si gãmɛi Zudaa do si ilɛ ŋau fei, hai si waatii ilaalu Zoziasi iyi ǹ sinti ku baɛ ide ku fɔu hee ku baa nnyi.

Zeremi 5:24

A ci ya fɔ si idɔ nŋa a maa ni, ka jirima Aɔ̃ Lafɛ̃ɛ nwa iyi í jɔ̀ ijĩ wa wɔ si waatiɛ hai ti jɛadɔ̃ do ti sɔnkpasa. Nɔ í ya muu nwa azuma ŋa si bii aa ka daò amaajɛ.

Zeremi 5:25

Na laalɔ ku ce nŋɛ ŋai í jɔ̀ mii ŋau a ci ya ce si waati nŋa. Dulum du ŋɛ ŋai à jɔ̀ ì kua mii jiida ŋau bɛ ŋa.

Zeremi 5:3

Aɔ̃ Lafɛ̃ɛ, mii iyi ì bii í jɛ kuwɛɛ si ntɔ. Wee nsɛi ì kpã ŋa iju, amma kù jɛ nŋa si nkãma. Ì bi i tã do aŋa, amma à kɔ̀ ku gbɔ ide iyi ì waa sɔ̃ ŋa. À lele idɔ nŋa ŋa bɛi kuta, nɔ à kɔ̀ ku nyi wa bi tɛɛ.

Zeremi 6:15

Anyɔ í nɛ ku mu ŋai wo si laalɔ ŋa iyi à ce. Amma kù mu ŋa. A kù mà baa mà aŋa à wa si kurara. Na ŋɔi í ce aa cukui do inɛ ŋa iyi à waa cuku. Ilɛi aa maa tɛɛsɛ waati iyi an kpã ŋa iju. Amu Aɔ̃ Lafɛ̃ɛi ǹ fɔ bɛɛbɛ.

Zeremi 8:12

Anyɔ í nɛ ku mu ŋai wo si laalɔ ŋa iyi à ce. Amma kù mu ŋa. A kù mà baa mà aŋa à wa si kurara. Na ŋɔi í ce aa cukui do inɛ ŋa iyi à waa cuku. Ilɛi aa maa tɛɛsɛ waati iyi an kpã ŋa iju. Amu Aɔ̃ Lafɛ̃ɛi ǹ fɔ bɛɛbɛ.

Zeremi 9:12

Ŋɔi Aɔ̃ Lafɛ̃ɛ í ni má, mii ŋau í ba ŋai si na iyi í jɔ̀ à fũsi woodam ŋa iyi ǹ na ŋa awɔ, do si na iyi í jɔ̀ à kɔ̀ ku gbɔ idem nɔ a kù jɛ ku tooɛ.

Ezekiɛli 3:7

Amma inɛi Izirɛli ŋau a kaa bi ideɛ ku gbɔ, si na iyi í jɔ̀ a kù bi idem ku gbɔ domi aŋa fei à yika itĩ nɔ idɔ nŋa í le.

Kuwee 26:19

An jɔ̀ faau nŋɛ ku leekĩ, domi i kaa nɛ gbugbã má ŋa. An jɔ̀ lelei Aɔ̃ ku yɛ nŋɛ bɛi isɔ, nɔ ilɛ nŋɛ ŋau aa gbɛi bɛi isɔ nkpa, domi ijĩ kaa naa.

Amɔsu 4:7

Ǹ kɔ̀ nŋɛ ijĩ waati iyi amaajɛ ŋa ku da í gbe cukpa mɛɛta. Ǹ jɔ̀ ijĩ í wɔ ilu bii gɔ ŋa, nɔ kù wɔ bii gɔ ŋa. Í wɔ iko bii gɔ ŋa nɔ kù wɔ bii gɔ ŋa, nɔ iko ŋa bii kù wɔu agbɛi í ce.

Amɔsu 4:8

Inɛi ilu do ilu ŋa à ya maa nɛ si njɛ ku ba a ba inyi ku mɔ, amma a ci ya ba bɛi à bi. Do nŋu fei i kù nyi wa bi tom ŋa. Amu Aɔ̃ Lafɛ̃ɛi ǹ fɔ bɛɛbɛ.

Sofoni 2:1

I tɔtɔɔ njɛ nɔ i ce lasabu ŋa, iŋɛ inɛi ilɛ ŋa iyi i kù nɛ anyɔ ŋau,

Sofoni 3:5

Do nŋu fei, Aɔ̃ Lafɛ̃ɛ njɛ í wa bi tu ŋa bɛ, nɔ í jɛ dee dee. Ci ya ce mii iyi kù jɛ dee dee. Daakɔ fei í ya jɔ̀ dee dee ku jɛɛ ku fita gbugbãai si inya kumá, nɔ ci ya haata ajɔ kãma. Amma inɛ laalɔ kù mà anyɔ.

Azee 1:11

Ǹ jɔ̀ agbɛ í ce si ilɛu hee do si iri kuta ŋa fei, nɔ hai bilee do jĩi ndii rezɛ̃ɛ do isoi jĩi ndii olivi ŋau fei à gbɛ hee ku koo si mii mmu ŋa iyi à fita si ilɛ fei. Amanɛ do mɛɛmu ŋa fei à wahala ntɔ ntɔ nɔ icɛ iyi ì ce ŋa í ce nfe.

Wooda ku kɔsi 28:23

Lelei Aɔ̃ á lei bɛi isɔ danya do lelei iri nŋɛ ŋa. Nɔ ilɛ mɔ á lei bɛi isɔ si lɛlɛi kutɛ nŋɛ ŋa.

Ebɛɛ 12:25

Na nŋu, i ce laakai ŋa i maà kɔ̀ ku gbɔ idei inɛ iyi wa ba ŋɛ ide ku fɔ ŋa. Moizi í ba inɛ ŋa ide ku fɔ si andunyau ihɛ̃ í ni a ce laakai, nɔ inɛ ŋa iyi à kɔ̀ ku gbɔ ideɛu a kù fita si ijuukpã. To, awa mɔ iyi à waa gbɔ inɛ iyi wa fɔ ide wa hai lelei Aɔ̃, bɛirei aa ka ce ka fita si ijuukpã bii à waa toaa anyi.