Zeremi 3:2 - Bibeli do fee

² Wu iju i cɔ ikpa geete ŋau. Iwoi i kù tɔɔ iwɛ̃ ŋa bɛi woo ta icu ŋa iyi à ya maa gba mɔkɔ nkpɔ nkpɔ. Ì ya koo i maa leekĩ si itĩ kpãai bɛi inɛi Arabi iyi í wa si gbaa wa degbe woo lɔ ŋa. Nɔ ì riisi ilɛu do iwɛ̃ ku tɔɔ do laalɔ ku ce, bɛi inaabo à ta icu.

Zeremi 3:2 Iomraidhean Croise

Kusintii Andunya 38:14

Nɔ í bɔ jĩnɛi jaaɔ̃ ŋau í jilɔɔ, nɔ í bii wajuɛ do fuugɛsɛ, í koo í buba anu koofai ilu iyi à ya kpe Enaimu si itĩ kpãai Timuna, domi waati bɛɛbɛ í yɛ Sela í la nɔ baaɛu kù jɔ̀ kù so nŋu.

Ilaalu 1, 11:3

Í so ama inaaboi ilaalu ŋa aŋa cĩɔ mɛɛje (700) í ce ŋa abo nɔ í nɛ abo cĩɔ mɛɛta (300) má iyi aŋaò ŋa a kù ce abɔdɔ̃. Ŋɔi aboɛ ŋau à sinda idɔɛ.

Ilaalu 2, 23:13

Nɔ í lɛgɛ bi kuwee ŋa iyi Salomɔɔ í ma si antaii irii kutai Olivie iyi í wa wajui Zeruzalɛmu. Iri kutau bɛi à ya kpe iri kutai Nfe ku ce. Tengi bɛi Asitaate iwɛ̃ laalɔi inɛi Sidɔ̃ɔ ŋa í wa do Kemɔsi iwɛ̃ laalɔi inɛi Moabu ŋa do Milikɔmu iwɛ̃ laalɔi inɛi Amɔɔ ŋa.

Iri ku kɔ̃ 106:38

À dikã njɛi ama inɛmɔkɔ do ti ama inaabo nŋa ŋa iyi a kù ce taale kãma. Ama nŋa ŋaui à ceaò iwɛ̃i Kanaã ŋau kuwee, nɔ ilɛu í so riisi na njɛi amu ŋa iyi à dikãu.

Mɔnda ŋa 23:28

À ya koo a maa degbe inɛ ŋai bɛi ile ŋa. Inɛmɔkɔ nkpɔ nkpɔi à ya dasi kurara.

Mɔnda ŋa 7:11

Í jɛ hai nɛ anyɔ do ilu ide nkpɔ. Fitiɛ ci ya buba kpasɛ̃ɛ.

Zeremi 12:12

Hai si iri kuta ŋa bii inɛ kãma ci ya fitaui woo ce asɔɔ ŋau à faata wa. Taakubai Aɔ̃ Lafɛ̃ɛ í ce nfei ilɛu hai kɔɔ ihɛ̃ hee ku bɔ kɔɔ ikpa ihɔ̃. Nɔ laakai ku sũ kù wɛɛa inɛ kãma.

Zeremi 2:20

Aɔ̃ Lafɛ̃ɛ í ni, awɔ Izirɛli, hai ku kpɛi ì dedeò ide ku kɔ̀ sim. Ì fɛ anu akã nwau. Nɔ ì ni, n kù bi n maa n jɛ aru. Amma si antaii iri kuta do si abɛ jĩi tũtũ ŋa fei ì ya maa dabii si iwɛ̃ ŋai bɛi abo à ce sakara í ya ce do inɛmɔkɔ ŋa.

Zeremi 2:23

Na mii í ce ì waa ni, n kù riisi aram, n kù tɔɔ iwɛ̃ Baali ŋa. Cɔ isɛɛnɛɛ si lɔɔmau. Jɔ̀ i mà mii iyi ì ce. Ì yɛi bɛi kpookpo zãu iyi í sɛi wa bibii kù mà iyi wa ce.

Zeremi 2:7

Nɔ ǹ jɔ̀ ì lɔ si ilɛ iyi í nɛ ikoi jĩi ŋa, ku ba i jɛ isoɛ ŋa iyi à dɔ̃ ku jɛ ŋau. Amma ì to wa ŋa, nɔ ì na ì riisi ilɛm nɔu ŋa. Nɔ ì so tubum nɔu ì coo mii laalɔ ŋa.

Zeremi 3:1

Aɔ̃ Lafɛ̃ɛ í ni, bii inɛ gɔ í kɔ̀si aboɛ, nɔ abou í nɛ í koo í so mɔkɔ mmu, mɔkɔ nwou á yɔkɔ ku na ku gbaa ku jɛ aboɛ má? Aawo. Ilɛu á so riisii bii í ce bɛɛbɛ. Awɔ Izirɛli iyi ì ya dabii i maa tɔɔ iwɛ̃ nkpɔ nkpɔ bɛi woo ta icu í ya maa gba mɔkɔ nkpɔ nkpɔ, ì waa bi i nyi wa bi tom má?

Zeremi 3:13

Nŋu de, jɔ̀ i mà kuraraɛ ŋa. Jɔ̀ i mà iyi ì ce ide ku kɔ̀ bi Aɔ̃ Lafɛ̃ɛ, domi ì dabii si iwɛ̃ ŋai bii fei si abɛ jĩi tũtũ fei. Nɔ ì kɔ̀ idem ku gbɔ.

Zeremi 3:21

À waa gbɔ anu ku dɔ̃ si antaii iri kuta ŋa. Kukpatai inɛi Izirɛli ŋa mbɛ do suuru ku tɔɔ nŋa, domi à jɔ̀ kpãam nɔ à gbɛjɛ amu Aɔ̃ Lafɛ̃ɛ nŋa.

Zeremi 3:9

Izirɛli í jɔ̀ ilɛu í so riisi. Í ya maa tɔɔ iwɛ̃ ŋa iyi à ce do kuta ŋa do jĩi ŋa.

Zeremi 7:29

Ja ntoi iriɛ i nyɔɔ ku jĩ. Nɔ i koo i gũ antaii iri kuta i kɔ̃ iri do kukpata, domi Aɔ̃ Lafɛ̃ɛ í kɔ̀si zamaai nsɛi ŋa iyi à dede idɔɔkɔ̃ɛ, nɔ í fũsi ŋa awɔ.

Ezekiɛli 16:16

Ì so jĩnɛ jiidaɛ ŋa ì koo ì ceò boodai ilei iwɛ̃ɛ ŋa ì bɛi ì waa ceò si sakaraɛ. Mii iyi ì ceu bɛ, a kù yɛ dimiɛ nɔ kaa ce má ajɔ kãma.

Ezekiɛli 20:28

Ǹ gbã ŋa ǹ bɔò ŋa si ilɛ bii ǹ ce nŋa kuwãɛ do kugbasi ǹ ni an mu nŋau. Amma binɛ nŋa fei í koo í wai si iri kuta kugboka ŋa do si jĩi ku kuku ŋa. Tengi bɛi à ya ce kuwee ŋa iyi à ya jo si ina do kuweei amaajɛ ŋa, do ti atɛ̃ vɛ̃ɛ ŋa. Tengi bɛi à ya jo tuae ŋa iyi à nɛ inunu jiida ŋa. Iyi bɛi í jɔ̀ idɔm í kɔ̃ si ŋa.

Ozee 2:5

Bii kù jɛ bɛɛbɛ, an bɔ jĩnɛɛ ŋai fei mam mam, nɔ n jɔ̀ɔ basĩ bɛi si ajɔ iyi à búu. An jɔ̀ ku yɛi bɛi gbaa. Á baa ku yɛi bɛi ilɛ iyi í gbɛ kù nɛ mandi. An jɔ̀ ku kui do agbɛ.

Luku 16:23

Nɔ í koo wa yɛ ijuukpã bi kuwai iku ŋa, ŋɔi í wu iju lele, nɔ í hɔ̃nnɛ Aburahamu nɔ Lazaa í wa bi tɛɛ.

Wooda ku kɔsi 12:2

I lɛgɛ inya bii dimi ŋa iyi aa lele ŋau fei à ya tɔɔ iwɛ̃ nŋa ŋau, hai inya ŋa iyi à wa si iri kuta kugboka ŋau, do si geete ŋau, do kɔkɔi jĩi tũtũ fei.