Zeremi 3:16 - Bibeli do fee

¹⁶ Amu Aɔ̃ Lafɛ̃ɛ ǹ wa n fɔi ǹ ni, waati iyi aa bí ŋa nɔ akpɔ nŋɛ ku kɔ̃ɔsi si zamaai ilɛu bɛ ŋa, a kaa fɔ idei kpakoi akabuui amu Aɔ̃ Lafɛ̃ɛ má. Kaa nyi wa si lasabu nŋɛ má. A kaa ye gigiɛ má, nɔ a kaa mà baa mà kù wa bɛ má. Nɔ inɛ kãma kaa ce mmuɛ gɔ má.

Zeremi 3:16 Iomraidhean Croise

Ezai 60:22

Inɛ ŋa iyi a kù kpɔ si nyaanze nŋa, aŋai aa jɛ bɛi amanɛ dubu. Nɔ dimi iyi kù la, nŋui á baa ku jɛ dimi ilu gbugbã. Amu Aɔ̃ Lafɛ̃ɛ, an coo ńya ńyai bii waatiu í to.

Ezai 61:4

Inɛ ŋa aa teese a ma ilu iyi í tako í cukuui. Aa teese a ma kpasɛ̃ ŋa iyi à cuku ŋaui do ilu ŋa iyi à ce asɔɔ nŋa hai ku kpɛu.

Ezai 65:17

Nɔ í fɔ í ni, an ce lele titɔ̃i do ilɛ titɔ̃, nɔ a kaa ya ye gigii lele nwou do ilɛ nwou má. Kaa ya naa si lasabui inɛ ŋa má.

Zeremi 3:17

Si waati nŋu bɛ, aa ya kpe ilui Zeruzalɛmui, kitãi bommai Aɔ̃ Lafɛ̃ɛ. Nɔ inɛi ilɛ ŋau fei aa ya tɔtɔɔ wa Zeruzalɛmui do irii Aɔ̃ Lafɛ̃ɛ. Nɔ a kaa ya too si lasabu laalɔ iyi á naa nŋa si idɔ má.

Zeremi 30:19

Hai si inɔ nŋa bɛi aa maa gbɔ iri ku kɔ̃i saabu do imui inɛ ŋa iyi à wɛɛò inɔ didɔ̃. An jɔ̀ a kpɔ a kɔ̃ɔsi, nɔ a kaa kaye má. An jɔ̀ a nɛ bɛɛrɛ, nɔ a kaa yaako ŋa má.

Zeremi 31:27

Nɔ Aɔ̃ Lafɛ̃ɛ í ni má, ajɔ wa naa si bii an jɔ̀ zamaai amanɛ ŋa do mɛɛmu ŋa a fangaa si bommai Izirɛli do Zudaa bɛi à ya fã ngboi mii ku gbɛ̃ si ilɛ.

Zeremi 31:8

An jɔ̀ a baa hai ilɛi ikpa awɔ njɛi kpãai inunuu, nɔ n tɔtɔɔ ŋa wa hai kɔɔi andunya bii à wau fei. Fɛɛju ŋa do ilu kutɛ akã ŋa, inaabo bãasĩ ŋa, do inaabo ŋa iyi à waa gbɔ ara kuroi kubí, aŋa fei aa wa si. Zamaa nla nlai á baa ihɛ̃.

Zeremi 7:4

I maà jɔ̀ naanɛ nŋɛ ku wa si ide ibo ŋau i maa ni ŋa, ihɛ̃i í jɛ kpasɛ̃i Aɔ̃ Lafɛ̃ɛ, ihɛ̃i í jɛ kpasɛ̃i Aɔ̃ Lafɛ̃ɛ.

Ezekiɛli 15:5

Bii í wɛɛ bũmdũm a ci ya ceò icɛ kãma, aa fɔ idei bii ina í joo? Waati bɛɛbɛ, a kaa yɔkɔ a ceò nkãma má.

Ezekiɛli 37:26

An dĩ akabuu do aŋa. Akabuuui á jɔ̀ a maa wɛɛò laakai ku sũ hee do ajɔ fei. An jɔ̀ a kpɔ nɔ n ce bi kuwa kumám bi tu ŋa do ajɔ fei.

Amɔsu 9:9

An na wooda n jɔ̀ a yaga inɛi Izirɛli ŋa si ilɛ bii à wa fei bɛi à ya tɛmɛ sãa nɔ kuta kãma ci ya cuku ilɛ.

Sofoni 3:11

Si ajɔ nŋu bɛ, iŋɛ inɛm ŋa anyɔ kaa mu ŋɛ má si gãmɛi laalɔ ŋa iyi ì ce fei ì dedeò ide ku kɔ̀ si gãmɛm nɔu ŋa, domi an jɔ̀ inɛ ŋa iyi aa wɛɛò inɔ didɔ̃ na igũ ku jɛ nŋɛu a jĩò ŋɛ, nɔ i kaa jɛ ilu faau si iri kuta kumám nɔu má ŋa.

Matie 1:11

Zoziasi mɔ í bí Yekonia do ifɔɛ ŋa si waati iyi ilaalui Babilɔni ilu nlau í jɛ inɛi Izirɛli ŋa igũ í nɛò ŋa si ilɛɛ.

Matie 3:9

I maà tamaa mà aa ba faaba ŋa si na iyi í jɔ̀ ì jɛ tɔkui Aburahamu ŋa. An sɔ̃ ŋɛ, Ilaaɔ̃ á yɔkɔ ku so kuta ŋau ihɛ̃ ku ce ŋa tɔkui Aburahamu ŋa.