Zeremi 3:12 - Bibeli do fee

¹² Bɔ ikpa awɔ njɛi kpãai inunu i la na ideu ihɛ̃ i maa ni, baa wa Izirɛli woo kpaasi ide. Aɔ̃ Lafɛ̃ɛ í ni, n kaa n cɔɛ do iju laalɔ, domi ǹ jɛ ilu araare. N ci ya mu idei mbɛɛtɛ do ajɔ fei.

Zeremi 3:12 Iomraidhean Croise

Kusintii Andunya 4:7

Bɛɛbɛi bii ì ce daa jiida, í gbe wajuɛ ku sĩa, bii laalɔ mɔi ì waa ce, dulum nii í wa andɛ ileɛ bɛi iŋa buu, wa zagaɛ, amma jɔ̀ i kãmiaɛ.

Ilaalu 2, 15:29

Si waatii Pekai Tigilati-Pilezɛɛ ilaalui Asiriu í naa í jɛ ilui Iyɔ̃ɔ igũ do Abɛli-Bɛti-Maaka do Yanoa do Kedɛsi do Hatisɔɔ do ilɛi Galaadi do Galilee do ilɛi dimii Nɛfitaliu fei. Nɔ í mu inɛi bɛ ŋau aru í nɛò.

Ilaalu 2, 17:23

hee í koo í to Aɔ̃ Lafɛ̃ɛ í lele ŋa hai si wajuɛ bɛi í tako í sɔ̃ walii woo ce icɛɛ ŋa í ni a fɔu wo. Ŋɔi à mu inɛi Izirɛli ŋau aru à nɛò ŋa hee jĩijĩ si ilɛi Asiri. Bɛi à wa hee ku baa nnyi.

Ilaalu 2, 17:6

Si adɔ̃ mɛɛsãsiai Ozee, ilaalui Asiriu í jɛ ilui Samari igũ. Nɔ í mu inɛi Izirɛli ŋau aru í nɛò ŋa Asiri. Ŋɔi í koo í jilɛ ŋa ilɛi Hala do si itĩ idoi Habɔɔ si ilɛi Gozãa do si ilui inɛi Mɛɛdi ŋau.

Ilaalu 2, 18:1

Si adɔ̃ mɛɛtasiai bomma ku jɛi Ozee amai Ela ilaalui Izirɛlii Ezekiasi amai Ahazi í jɛ bommai Zudaa.

Bomma 2, 29:10

Amu de ǹ dasi idɔ n dĩ akabuu do Aɔ̃ Lafɛ̃ɛi Izirɛli ku ba idɔɔkɔ̃ nla nlaɛ iyi í dede si wau ku sũ.

Bomma 2, 30:9

Bii ì nyi wa bi Aɔ̃ Lafɛ̃ɛ ŋa, inɛ ŋa iyi à mu kpaasi nŋɛ ŋa do nyaanze nŋɛ ŋa aru à nɛòu, aa ce araare nŋa nɔ a jɔ̀ ŋa a baa wa si ilɛu ihɛ̃. Ntɔ ntɔ, Aɔ̃ Lafɛ̃ɛ nŋɛ í nɛ suuru, nɔ araareɛ í la. Bii ì nyi wa bi tɛɛ ŋa, kaa sinda ku to nŋɛ anyi.

Iri ku kɔ̃ 103:17

Amma jiida ku jɛi Aɔ̃ Lafɛ̃ɛ, í ya maa wɛɛi do inɛ ŋa iyi à waa jirimaɛ do ajɔ fei, nɔ dee dee ku jɛɛ mɔ í ya wai si tɔku nŋa ŋa,

Iri ku kɔ̃ 103:8

Aɔ̃ Lafɛ̃ɛ í jɛ ilu araare, nɔ í jɛ jiida. Í nɛ temua, nɔ jiida ku jɛɛ í la.

Iri ku kɔ̃ 103:9

Ci ya maa yɛ taalei inɛ do ajɔ fei. Ci ya maa mu inɛ do mbɛɛtɛ do ajɔ fei.

Iri ku kɔ̃ 145:8

Aɔ̃ Lafɛ̃ɛ, ì jɛ ilu araare, nɔ ì ya cea inɛ didɔ̃. Ì nɛ temua, nɔ jiida ku jɛɛ í la.

Iri ku kɔ̃ 79:5

Aɔ̃ Lafɛ̃ɛ, hee waati yoomai aa maa mɔsi idɔɔkɔ̃ɛ do awa, hee waati yoomai aa jɔ̀ iguɛu ku maa jo bɛi ina.

Iri ku kɔ̃ 86:15

Aɔ̃ Lafɛ̃ɛ, awɔi ì jɛ ilu araare nɔ ì ya cea inɛ didɔ̃. Idɔɛ ci ya saasa ku kɔ̃ amma jiida ku jɛɛ do dee dee ku jɛɛ í la.

Iri ku kɔ̃ 86:5

Awɔ Aɔ̃ Lafɛ̃ɛ ì jɛ inɛ jiida do ilu suuru. Jiida ku jɛɛ í la í caa bi inɛ ŋa iyi à waa kpeɛ.

Mɔnda ŋa 28:13

Inɛ iyi wa singa kuraraɛ ŋa ci ya bɔ waju, amma inɛ iyi í ce tuubai kuraraɛ nɔ í jɔ̀ɔ à ya ce araareɛi.

Ezai 31:6

Iŋɛ inɛi Izirɛli ŋa, ì sinda ì toa Aɔ̃ Lafɛ̃ɛ anyi ŋai mam mam, amma i sinda i nyi wa bi tɛɛ ŋa.

Ezai 44:22

Ǹ nya kuraraɛ ŋai bɛi kudũi ijĩ í ya nya, nɔ do yaase bɛɛbɛ mɔi ǹ nyaò dulum dɛɛ ŋa mɔ. Na nŋu, sinda i nyi wa bi titom, domi amui ǹ yaɛ.

Zeremi 11:6

Ŋɔi Aɔ̃ Lafɛ̃ɛ í sɔ̃m í ni, dɔ̃ anu hee lele i fɔ ide ŋau ihɛ̃ si ilui Zudaa ŋa do si kpãai Zeruzalɛmu ŋa i ni, i sotĩ i gbɔ idei akabuuu ihɛ̃ ŋa, nɔ i ceò ŋa icɛ ŋa.

Zeremi 12:15

Amma si anyiɛ, an nyi n ce araare nŋa má, nɔ n jɔ̀ inɛ fei ku nyi si tubuɛ, nɔ inɛ fei ku nyi si ilɛɛ.

Zeremi 23:8

Amma aa ya ce kugbasii a ni, do irii Aɔ̃ Lafɛ̃ɛ nŋu iyi í wɛɛ, nŋu iyi í jɔ̀ à mu dimii inɛi Izirɛli ŋa à nɛò ŋa ilɛi ikpa awɔ njɛi kpãai inunu, nɔ í nyi í jɔ̀ à baa má, do hai si ilɛ ŋa bii í lele ŋa í jɔ̀ à nɛu fei. Aa nyi a baai má a na a buba si ilɛ nŋa.

Zeremi 3:1

Aɔ̃ Lafɛ̃ɛ í ni, bii inɛ gɔ í kɔ̀si aboɛ, nɔ abou í nɛ í koo í so mɔkɔ mmu, mɔkɔ nwou á yɔkɔ ku na ku gbaa ku jɛ aboɛ má? Aawo. Ilɛu á so riisii bii í ce bɛɛbɛ. Awɔ Izirɛli iyi ì ya dabii i maa tɔɔ iwɛ̃ nkpɔ nkpɔ bɛi woo ta icu í ya maa gba mɔkɔ nkpɔ nkpɔ, ì waa bi i nyi wa bi tom má?

Zeremi 3:14

I baa wa ŋa ama ku kɔ̀ ide ŋa, domi amui ǹ jɛ mɛɛtu nŋɛ. An so nŋɛ inɛ akã hai si ilu gɔ, inɛ minji hai si nyaanze gɔ, nɔ n bɔò ŋɛ Siɔ̃ɔ.

Zeremi 3:18

Si waati nŋu, kpasɛ̃i Zudaa do ti Izirɛli aa tɔtɔɔi a maa nɛ. Aa ya dede wai ajɔ hai ilɛi awɔ njɛi kpãai inunu, a naa si ilɛ iyi ǹ muaa bala nŋɛ ŋau.

Zeremi 3:22

I baa wa ŋa, ama ku kɔ̀ ide ŋa. An ce nŋɛ suurui dee dee hai jɛ nŋɛ. Awa wee Ilaaɔ̃, à waa baa bi tɛɛ, domi awɔi ì jɛ Aɔ̃ Lafɛ̃ɛ nwa.

Zeremi 3:5

Aa maa mum do idɔɔkɔ̃i hee do ajɔ fei? Aa maa mum do mbɛɛtɛi waati kãma fei? Bɛi ì waa fɔ mbɛ. Amma ì kɔ̀ ì waa mɔsi do laalɔ ku ce.

Zeremi 3:7

Ǹ wa n fɔ wo ǹ ni, bii í ce nŋu ŋau bɛ wa fei í tã, á nyi wa bi tom. Amma kù nyi wa. Nɔ ifɔɛ Zudaa hai jɛ dee deeu í yɔɔ.

Zeremi 30:11

Nɔ Aɔ̃ Lafɛ̃ɛ í nyi í ni má, ǹ wɛɛ do awɔ ku ba n faabaɛ. Dimi ŋa bii ǹ jɔ̀ ì fangaa ì nɛu fei, an kpa iri nŋai. Amma awɔ, n kaa n ce nfeɛ. Ntɔi, ǹ kpãɛ iju bɛi í jɔ fei, domi n kaa n yɔkɔ n jɔ̀ɛ bɛi inɛ iyi kù nɛ taale kãma, amma ijuukpã iyi ì ba hai bi tom dee deei.

Zeremi 31:20

Nɔ Aɔ̃ Lafɛ̃ɛ í ni má, Efaraimu ama inɛmɔkɔm nii iyi ǹ bi ntɔ ntɔ. Nŋui ǹ bi í re. Nɔ bɛi ǹ wa n fɔ ideɛ fei, bɛɛbɛ mɔi ǹ ya n maa n ye gigiɛ waati kãma fei. Bɛi lasabum fei í wa siɛ, bɛɛbɛ mɔi ǹ nɛ araareɛ ntɔ ntɔ.

Zeremi 31:21

Na nŋu, gũ mii ŋa iyi aa nyaò kɔɔ si kpãau, nɔ i ce nyinda ŋa. Ce laakai si kpãa iyi ì too, do si kpãa bii ì nɛ si. Izirɛli, sinda i baa wa. Baa wa si ilu ŋau iyi à jɛ titɛɛ.

Zeremi 31:8

An jɔ̀ a baa hai ilɛi ikpa awɔ njɛi kpãai inunuu, nɔ n tɔtɔɔ ŋa wa hai kɔɔi andunya bii à wau fei. Fɛɛju ŋa do ilu kutɛ akã ŋa, inaabo bãasĩ ŋa, do inaabo ŋa iyi à waa gbɔ ara kuroi kubí, aŋa fei aa wa si. Zamaa nla nlai á baa ihɛ̃.

Zeremi 33:26

To, inɛ á yɔkɔ ku jɛsi iyi ǹ fũsi tɔkui Zakɔbu ŋa awɔ do iyi à jɛ ti Davidi woo ce icɛm nɔu? Kú jɛ si inɔ nŋa ǹ kɔ̀ ku so ilaalu ŋa iyi aa maa gbã dimii Aburahamu do ti Izaaki do ti Zakɔbu ŋau? Aawo. Ǹ nɛ kubi nŋai ntɔ ntɔ, nɔ an nyi n teese kuwɛɛ nŋa mái.

Zeremi 4:1

Ŋɔi Aɔ̃ Lafɛ̃ɛ í ni, awɔ Izirɛli bii ì sinda ì nyi wa bi tom, nɔ i kù waa mɔsi do laalɔɛ ŋau ku ce si wajum, i kaa nɛ i maa sa hai nɛ kɔɔ má.

Kukpata 3:22

nŋui í jɛ iyi jiida ku jɛi Aɔ̃ Lafɛ̃ɛ kù tã, nɔ araareɛ mɔ ci ya nɛ kɔɔ.

Ezekiɛli 11:17

Na nŋu sɔ̃ ŋa i ni amu Aɔ̃ Lafɛ̃ɛ ǹ ni an tɔtɔɔ ŋa wai hai si inɔi dimi mmu ŋa si ilɛ ŋa bii à koo à wau, nɔ n na ŋa ilɛi Izirɛliu má.

Ezekiɛli 33:11

Na nŋu, koo i sɔ̃ ŋa iyi amu Aɔ̃ Lafɛ̃ɛ ǹ ni, hee do kuwɛɛm fei, n kù bi ikui inɛ laalɔ. Iyi ǹ bii í jɛ, ku jɔ̀ kpãa laalɔɛ nɔ ku wɛɛ. Iŋɛ inɛi Izirɛli ŋa, i jɔ̀ laalɔ ku ce nŋɛ. Na mii í jɔ̀ ì waa bi i ku ŋa.

Ezekiɛli 39:25

Amma ide iyi amu Aɔ̃ Lafɛ̃ɛ ǹ wa n fɔ wee. Hai nsɛi bɛbɛi, an ce araarei inɛi Izirɛli tɔkui Zakɔbu ŋau. An jɔ̀ kuwɛɛ nŋa ku baa ku yɛ bɛi ti tako, nɔ n tilasi aŋa fei a mà bɛɛrɛi irim.

Ozee 6:1

Aa na i fɔ i maa ni ŋa, ka koo, ka nyi bi Aɔ̃ Lafɛ̃ɛ. Nŋui í mɛɛ wa, nɔ nŋui á jɔ̀ kumɛɛu ku tã. Nŋui í cã wa, nɔ nŋui á jɔsi kumɛɛ nwa ŋau iwɔ.

Kuwee 26:40

Amma inɛ ŋa iyi à gbe si hunde ŋau aa na a mà iyi aŋa do bala nŋa ŋa à ce dulum na kurara ŋa iyi à ceem, nɔ à nyi à ce ide ku kɔ̀ má si gãmɛm.

Zakari 1:4

Ǹ wa n tɔɔ ŋɛ, i maà ti i sisi bala nŋɛ ŋa. Hai kukpɛi waliim ŋa à sɔ̃ ŋa idem, à ni a jɔ̀ kuwɛɛ laalɔ do kookoosu laalɔ nŋa ŋa iyi à waa ceu, amma a kù bi ku gbɔ mɔm hee a jirimam.

Wooda ku kɔsi 30:2

nɔ ì sinda ì nyi wa bi tɛɛ, nɔ ì de itĩ ì waa gbɔ ideɛ dee dee do lasabu nŋɛ fei do idɔ nŋɛ fei iŋɛ do ama nŋɛ ŋa bɛi ǹ wa n sɔ̃ ŋɛ nnyiu ihɛ̃,