Zeremi 3:11 - Bibeli do fee

¹¹ Ŋɔi Aɔ̃ Lafɛ̃ɛ í sɔ̃m í ni, í jɔ bɛi Izirɛli woo kpaasi ideu kù nɛ taale bii à wãaò Zudaa hai jɛ dee deeu.

Zeremi 3:11 Iomraidhean Croise

Zeremi 11:10

À sinda à nyi si kurarai bala nŋa ŋa iyi à tako à kɔ̀ idem ŋa ku gbɔu, nɔ à ce anu akã do iwɛ̃ ŋa à ya maa tɔɔu. Inɛi Izirɛli ŋa do inɛi Zudaa ŋa à fũ akabuu iyi ǹ tako ǹ dĩ do bala nŋa ŋa.

Zeremi 3:22

I baa wa ŋa, ama ku kɔ̀ ide ŋa. An ce nŋɛ suurui dee dee hai jɛ nŋɛ. Awa wee Ilaaɔ̃, à waa baa bi tɛɛ, domi awɔi ì jɛ Aɔ̃ Lafɛ̃ɛ nwa.

Zeremi 3:7

Ǹ wa n fɔ wo ǹ ni, bii í ce nŋu ŋau bɛ wa fei í tã, á nyi wa bi tom. Amma kù nyi wa. Nɔ ifɔɛ Zudaa hai jɛ dee deeu í yɔɔ.

Zeremi 3:8

Baa do iyi ǹ kɔ̀si Izirɛli woo kpaasi ideu na sakaraɛ ŋau fei, nɔ ǹ naa tiai njɛ ku kɔ̀siu, ǹ yɛ iyi Zudaa hai jɛ dee deeu kù ce njo, nɔ í koo í riisi araɛ wa bɛi nŋu mɔ.

Ezekiɛli 16:47

I kù too si kuce nŋa do daa laalɔ nŋa nŋu akã. Laalɔ iyi ì ce si isɛɛnɛɛ í re tu ŋa.

Ezekiɛli 23:11

Ifɔɛ Oholiba í yɛ sakara iyi igbãɛ Ohola í ceu. Do nŋu fei nŋu mɔ í ce laalɔ í re baa Ohola igbãɛu. Icu ku taɛu í la ntɔ ntɔ.

Ozee 11:7

Zamaam nɔu wa leekĩi si dee dee hai jɛɛ si gãmɛm. À waa kpe ŋa a dede a leekĩ, amma kãma nŋa kù bi ku dede.

Ozee 4:16

Izirɛli í ce itĩ ku yikai bɛi kɛtɛ iyi í kɔ̀ icɛ ku ce. Na nŋu, na mii Aɔ̃ Lafɛ̃ɛ njɛ mɔ á gbã ku bɔòɛ ku jɛ bɛi angudã tengi bii bantuma í cĩ.