Ŋɔi Zoziasi í nya iwɛ̃ ku tɔɔ hai si ilɛ bii inɛi Izirɛli ŋa à wau fei. Nɔ í tilasi inɛi Izirɛli ŋau fei a maa tɔɔ Aɔ̃ Lafɛ̃ɛ nŋa. Nɔ si kuwɛɛɛ fei a kù yaa hai si kpãai Aɔ̃ Lafɛ̃ɛi bala nŋa ŋa má.
Nŋui an bɛ ku koo si inɛi ilɛ ŋa iyi a kù waa jirimam. Bii í koo, an jɔ̀ ku ko mii ndu ŋa ŋa wai, aŋa iyi à dede idɔɔkɔ̃m, nɔ ku jojo si ŋa bɛi pɔkɔdɔ iyi í wa si kpãa.
Ŋɔi Aɔ̃ Lafɛ̃ɛ í ni, inɛ ŋau ihɛ̃ à ya naa kɔkɔm nii a maa jirimam do gɛlɛ nŋu akã. Amma idɔ nŋa í jĩim. Bɛɛrɛm iyi à waa ni aŋa à mà, iboi. Woodai amanɛ ŋa do cio nŋa nŋu akãi à waa too si.
À sinda à nyi si kurarai bala nŋa ŋa iyi à tako à kɔ̀ idem ŋa ku gbɔu, nɔ à ce anu akã do iwɛ̃ ŋa à ya maa tɔɔu. Inɛi Izirɛli ŋa do inɛi Zudaa ŋa à fũ akabuu iyi ǹ tako ǹ dĩ do bala nŋa ŋa.
Bii í jɛ an ba inya si gbaa bii an sɔ̀ bɛi woo bɔ ilu, an fũsi inɛm ŋau awɔi n nɛ ikpa bɛ, domi aŋa fei à ya dabii a maa tɔɔ iwɛ̃ ŋai bɛi woo ce sakara ŋa a ci ya leekĩò inɛ akã, nɔ à jɛ woo zamba inɛ ŋa.
Ǹ jɔ̀ amaajɛ nŋɛ ŋa à ba bɔ̃ɔ, nɔ à gbɛ. Jĩi ndii lambo nŋɛ ŋa hai rezɛ̃ɛ nŋɛ ŋa do jĩi ndii figi nŋɛ ŋa do jĩi ndii olivi nŋɛ ŋa, kokoo ŋa à ŋɔ ŋa. Amma do nŋu fei i kù nyi wa bi tom ŋa. Amu Aɔ̃ Lafɛ̃ɛi ǹ fɔ bɛɛbɛ.
Inɛi Zudaa ŋa à dede si akabuu iyi à dĩ. À ce dulum nla nla Zeruzalɛmu do si ilɛi Izirɛli fei. À riisi kpasɛ̃ kumá iyi Aɔ̃ Lafɛ̃ɛ í biu. À koo à so mudɛ̃ɛi woo tɔɔ iwɛ̃ ŋa à ce ŋa abo ŋa.