Zeremi 3:1 - Bibeli do fee

¹ Aɔ̃ Lafɛ̃ɛ í ni, bii inɛ gɔ í kɔ̀si aboɛ, nɔ abou í nɛ í koo í so mɔkɔ mmu, mɔkɔ nwou á yɔkɔ ku na ku gbaa ku jɛ aboɛ má? Aawo. Ilɛu á so riisii bii í ce bɛɛbɛ. Awɔ Izirɛli iyi ì ya dabii i maa tɔɔ iwɛ̃ nkpɔ nkpɔ bɛi woo ta icu í ya maa gba mɔkɔ nkpɔ nkpɔ, ì waa bi i nyi wa bi tom má?

Zeremi 3:1 Iomraidhean Croise

Iri ku kɔ̃ 106:38

À dikã njɛi ama inɛmɔkɔ do ti ama inaabo nŋa ŋa iyi a kù ce taale kãma. Ama nŋa ŋaui à ceaò iwɛ̃i Kanaã ŋau kuwee, nɔ ilɛu í so riisi na njɛi amu ŋa iyi à dikãu.

Ezai 24:5

Inɛ ŋa iyi à wa si ilɛu, à jɔ̀ ilɛu í so riisi, domi a kù jirima woodai Aɔ̃ Lafɛ̃ɛ ŋau, nɔ a kù ceò ikɔɛ ŋa iyi à ba icɛ. Akabuu hai nɛ kɔɔ iyi í wa si gãmɛi aŋaò Aɔ̃ Lafɛ̃ɛ ŋau, à jɔ̀ í leekĩ.

Zeremi 2:20

Aɔ̃ Lafɛ̃ɛ í ni, awɔ Izirɛli, hai ku kpɛi ì dedeò ide ku kɔ̀ sim. Ì fɛ anu akã nwau. Nɔ ì ni, n kù bi n maa n jɛ aru. Amma si antaii iri kuta do si abɛ jĩi tũtũ ŋa fei ì ya maa dabii si iwɛ̃ ŋai bɛi abo à ce sakara í ya ce do inɛmɔkɔ ŋa.

Zeremi 2:23

Na mii í ce ì waa ni, n kù riisi aram, n kù tɔɔ iwɛ̃ Baali ŋa. Cɔ isɛɛnɛɛ si lɔɔmau. Jɔ̀ i mà mii iyi ì ce. Ì yɛi bɛi kpookpo zãu iyi í sɛi wa bibii kù mà iyi wa ce.

Zeremi 2:7

Nɔ ǹ jɔ̀ ì lɔ si ilɛ iyi í nɛ ikoi jĩi ŋa, ku ba i jɛ isoɛ ŋa iyi à dɔ̃ ku jɛ ŋau. Amma ì to wa ŋa, nɔ ì na ì riisi ilɛm nɔu ŋa. Nɔ ì so tubum nɔu ì coo mii laalɔ ŋa.

Zeremi 22:20

Iŋɛ inɛi Zeruzalɛmu ŋa, i gũ antaii iri kutai Libãa ŋa nɔ i dɔ̃ anu ŋa. I jɔ̀ inɛ ŋa a gbɔ anu ku dɔ̃ nŋɛ si antaii iri kutai Basãa ŋa. I dɔ̃ anu hai lelei iri kutai Abarimu ŋa, domi inɛ ŋa iyi à nɛ kubi nŋɛ ŋau fei à kpa iri.

Zeremi 3:22

I baa wa ŋa, ama ku kɔ̀ ide ŋa. An ce nŋɛ suurui dee dee hai jɛ nŋɛ. Awa wee Ilaaɔ̃, à waa baa bi tɛɛ, domi awɔi ì jɛ Aɔ̃ Lafɛ̃ɛ nwa.

Zeremi 3:9

Izirɛli í jɔ̀ ilɛu í so riisi. Í ya maa tɔɔ iwɛ̃ ŋa iyi à ce do kuta ŋa do jĩi ŋa.

Zeremi 31:22

Hee waati yoomai aa nyi i maa dabii bii fei má, awɔ iyi ì yɛ bɛi mudɛ̃ɛ ku kɔ̀ ide. Aɔ̃ Lafɛ̃ɛ í taka mii titɔ̃ si ilɛ. Inaaboi wa dɛdɛ inɛmɔkɔ.

Zeremi 4:1

Ŋɔi Aɔ̃ Lafɛ̃ɛ í ni, awɔ Izirɛli bii ì sinda ì nyi wa bi tom, nɔ i kù waa mɔsi do laalɔɛ ŋau ku ce si wajum, i kaa nɛ i maa sa hai nɛ kɔɔ má.

Zeremi 4:14

Zeruzalɛmu, bii ì bi i ba faaba, wiɛ idɔɛ. Mà hee waati yoomai ì waa bi i maa mu lasabui laalɔ ku ceɛ ŋau si idɔɛ.

Kukpata 1:2

Í ya maa kpatai idũ fei, cikãajui í ya maa cã wa si kɛkɛlɛɛ. Si inɛ ŋa iyi à buu, inɛ gɔ kù wɛɛ iyi í lɛlɛɛ í mua gbugbã. Kpaasiɛ ŋa fei à zambaɛi, à baa à jɛ mbɛɛɛ ŋa.

Ezekiɛli 16:26

Ì ce sakara do inɛi Ezibiti ŋa iyi à jɛ inɛi kɔkɔɛ ŋa nɔ à nɛ ara kusĩau. Ì dede idɔɔkɔ̃m na sakara nkpɔ nkpɔ ku ceɛ ŋau.

Ezekiɛli 16:30

Amu Aɔ̃ Lafɛ̃ɛ ǹ ni, lasabu laalɔɛ iyi ì nɛi í jɔ̀ ì ce mii ŋau bɛ fei. Icu ku taɛ iyi í caai í jɔ̀ ì ce mii ŋau bɛ.

Ezekiɛli 16:35

Na nŋu, awɔ abo à ta icu, gbɔ idei Aɔ̃ Lafɛ̃ɛ.

Ezekiɛli 33:11

Na nŋu, koo i sɔ̃ ŋa iyi amu Aɔ̃ Lafɛ̃ɛ ǹ ni, hee do kuwɛɛm fei, n kù bi ikui inɛ laalɔ. Iyi ǹ bii í jɛ, ku jɔ̀ kpãa laalɔɛ nɔ ku wɛɛ. Iŋɛ inɛi Izirɛli ŋa, i jɔ̀ laalɔ ku ce nŋɛ. Na mii í jɔ̀ ì waa bi i ku ŋa.

Ozee 1:2

Ide sinte ŋa iyi Aɔ̃ Lafɛ̃ɛ í sɔ̃ Ozee í ni ku sɔ̃ zamaai nŋu ŋau wee. Aɔ̃ Lafɛ̃ɛ í sɔ̃ Ozee í ni, koo so inaabo à ce sakara, nɔ abou ku bíɛ amu ŋa iyi aa jɛ amai abo à ce sakara, domi inɛi Izirɛli ŋau à ya dabii a maa tɔɔ iwɛ̃ ŋai bɛi inaabo à ce sakara í ya maa dabii si inɛmɔkɔ ŋa, nɔ à fũsi Aɔ̃ Lafɛ̃ɛ awɔ.

Ozee 2:2

Waati bɛɛbɛi inɛi Zudaa ŋa do inɛi Izirɛli ŋau aa tɔtɔɔ njɛ nɔ a so inɛ akã ku jɛ inɛ ngbo nŋa, nɔ aa fita hai si ilɛui, domi ajɔi Yizireɛliu, ajɔ nla nlai á jɛ.

Misee 2:10

I dede i nɛ ŋa, domi ilɛu bɛ kù jɛ inya bii aa sĩmi ŋa na kuriisiɛ. Wahala ŋai á bí nŋɛ, wahala nla nla ŋa.

Zakari 1:3

Na nŋu, sɔ̃ inɛ ŋau i ni, amu Aɔ̃ Lafɛ̃ɛi lele do ilɛ, ǹ sɔ̃ ŋɛ ǹ ni i nyi wa sim má ŋa, amu mɔ an nyi wa si ŋɛ.

Matie 5:31

Nɔ Jesu í sɔ̃ ŋa má í ni, Moizi í ni, inɛ iyi wa kɔ̀si aboɛ á náa tiai njɛ kukɔ̀sii.

Wooda ku kɔsi 22:21

aa fitaò ama inaabou anu koofai baaɛi nɔ inɛi ilu ŋau a taa kuta a kpaa si na iyi í jɔ̀ í ce ide sãmi si ilɛi Izirɛli, í bɛjɛ araɛ si inɔ kpasɛ̃i baaɛ. Do yaase bɛɛbɛi aa nyaò laalɔu bɛ hai si anini nŋɛ.

Woo kiiti ŋa 19:2

Ŋɔi abou í ce sakara nɔ í nɛ í jɔ̀ mɔkɔu í koo í ce cukpa mɛɛ kpasɛ̃i baaɛ Betelehɛmu bɛ si ilɛi Zudaa.