Zeremi 26:9 - Bibeli do fee

⁹ Bɛirei í ce ì jɛ ì waa ce walii do irii Aɔ̃ Lafɛ̃ɛ ì waa ni, aa lɛgɛ kpasɛ̃i Aɔ̃ Lafɛ̃ɛu ihɛ̃ bɛi à lɛgɛ ti Siloou nɔ iluu ihɛ̃ ku baa ku kpɔò bomma inɛ kãma kaa wa si. Ŋɔi zamaau fei í naa í tɔtɔɔ í kaako Zeremi si bantumai kpasɛ̃i Aɔ̃ Lafɛ̃ɛu.

Zeremi 26:9 Iomraidhean Croise

Bomma 2, 25:16

Ŋɔi Amasia í da ideu si gɛlɛɛ nɔ í beeɛ í ni, awɔi à so ì jɛ woo kɔ ilaalu? Tɛkɛɛ hai bɛ. Mà ì nɔ ì bi a cãɛi? Waliiu ku bɛi ku coko, í sɔ̃ɔ í ni, ǹ mà iyi Ilaaɔ̃ í dasi idɔ ku ce nfeɛi si na iyi í jɔ̀ ì ce bɛɛbɛ nɔ i kù gbɔ ikɔm.

Ezai 29:21

Inɛ ŋau, aŋai à ya maa yɛ taalei inɛ ŋa, nɔ à ya maa lea inɛ iyi í ya maa kiiti inɛ ŋa anu koofai iluu cɛkũm ŋa, nɔ a maa na ilu ntɔ ŋa taale.

Zeremi 32:3

Sedesiasi ilaalui Zudaaui í jɔ̀ à cĩmboɛ, domi í ni, bɛirei í ce ì ce walii ì waa ni, Aɔ̃ Lafɛ̃ɛ í ni, an so iluu ihɛ̃ n daa ilaalui Babilɔni si awɔ nɔ ku gbaa.

Zeremi 33:10

Ŋɔi Aɔ̃ Lafɛ̃ɛ í nyi í ni má, iŋɛ inɛi Zudaa ŋa ì ya maa ni ŋa, ilɛu í kpɔò bomma, inɛ kãma kù wa bɛ má hee má jɛ mɛɛmu ŋa. Ntɔi, ilui Zudaa ŋau do kpãai Zeruzalɛmu ŋau à gbe ngbɛ nnyiu ihɛ̃. Mii ilu hunde kãma kù wa bɛ, hai amanɛ hee do mɛɛmu ŋa. Nɔ ntɔ ntɔ, si ilɛu bɛ aa na a gbɔ

Zeremi 36:29

Si gãmɛi Zoakimu ilaalui Zudaau aa fɔi i ni, Aɔ̃ Lafɛ̃ɛ í ni, awɔ Zoakimu awɔi ì jo tia iyi à kɔu. Nɔ ì ni, Zeremi na mii í ce ì kɔ ide ŋau ihɛ̃ ì ni ilaalui Babilɔni á naa kù nɛ sika kãma, á lɛgɛ iluui nɔ ku ce nfei amanɛ do mɛɛmu ŋa fei.

Zeremi 9:11

Yooi í jɛ ilu laakai iyi wa gbɔ yaasei mii ŋau bɛ. Inɛ iyi Aɔ̃ Lafɛ̃ɛ í ba ide ku fɔ, lafɛ̃ɛ ku sisi yaasei ide ŋau bɛ wa. Na mii í ce ilɛu í ce nfe. Na mii í jɔ̀ í baa í jɛ gbaa bii inɛ kãma ci ya too.

Kukpata 4:13

Wahalau í naai na dulum dii walii ŋau do kurarai woo wee ŋau, domi aŋai à kpa inɛ dee dee ŋa si inɔ iluu.

Amɔsu 5:10

Iŋɛ inɛi Izirɛli ŋa ì cé ntɔ ŋai, nɔ bi ku ce kiiti, i ci ya bi woo fɔɛ ŋa.

Misee 2:6

À sɔ̃m à waa ni, maà fɔ ide nkpɔ, maà fɔ dimii ideu bɛ, nɔ à ni, hai nɛ yaasei, awɔ iyi ì waa ni laalɔu kaa fo iri nwa.

Matie 21:23

Ŋɔi Jesu í to Zeruzalɛmu nɔ í bɔ bantumai kpasɛ̃i Ilaaɔ̃ má wa kɔ inɛ ŋa si cio. Ŋɔi inɛ ngboi woo weei Ilaaɔ̃ ŋa do inɛ ngboi Zuifu ŋa à naa bi tɛɛ, à beeɛ à ni, mii ŋa iyi ì waa ceu ihɛ̃, yooi í naɛ kpãa iyi ì waa cooò. Do gbugbãi yooi ì waa cooò.

Matie 27:20

Amma inɛ ngboi woo weei Ilaaɔ̃ ŋa do inɛ ngboi Zuifu ŋau à wasi ku mante zamaau à waa ni a sɔ̃ Pilati ku nyaa aŋa Barabasi nɔ ku jɔ̀ a kpa Jesu.

Maaku 15:11

Amma inɛ ngboi woo weei Ilaaɔ̃ ŋau à wasi ku mante zamaau à ni a sɔ̃ Pilati ku nya nŋa Barabasi.

Laabaau jiida iyi Zãa í kɔ 8:20

Ideu bɛi Jesu í fɔ waati iyi wa kɔ inɛ ŋa si cio bantumai kpasɛ̃i Ilaaɔ̃ bii à ya jilɛ fiai kɔlɛtiu. Nɔ inɛ gɔ kù lesiɛ awɔ si na iyi í jɔ̀ waatiɛ kù to wa titã.

Laabaau jiida iyi Zãa í kɔ 8:59

Ŋɔi à tasi kuta à waa bi a taa, amma Jesu í manji í fita hai kpasɛ̃i Ilaaɔ̃u í nɛ.

Woo bɛ ŋa 13:50

Amma Zuifu ŋau à dede idɔɔkɔ̃i ilu irii ilu ŋau do inaabo ilu amani ŋa iyi à waa too kucei Zuifu ŋau. Nŋui í jɔ̀ à kpã Pɔlu do Baanabasi iju à lele ŋa hai bɛ.

Woo bɛ ŋa 21:30

Nɔ inɛ ŋa à cã bii bii si iluu fei. Ŋɔi inɛ ŋa à sɛi à wasi ku naa hai bii fei, nɔ à mu Pɔlu à faa à fitaɛ wa hai bantumai kpasɛ̃u. Bɛ gbakã à cĩmbo gambo ŋau.

Woo bɛ ŋa 22:22

Inɛ ŋau à waa desi idei Pɔlu itĩ hee í fɔ ide ŋau bɛ. Amma waati iyi à gbɔ í ni Ilaaɔ̃ í bɛ nŋu bi dimi mmu ŋa, ŋɔi aŋa fei à lɔsi ku dɔ̃ anu à waa ni, i kpaa. Dimii lafɛ̃ɛ kù sĩa ku maa wɛɛ.

Woo bɛ ŋa 3:11

Ŋɔi mɔkɔ iyi í ba iriu kù jɛ kù nɛ hai bi Piɛɛ do Zãa. Aŋaò ŋa à wa ikpa akãi kpasɛ̃i Ilaaɔ̃ iyi à ya kpe bantumai Salomɔɔ. Nɔ inɛ ŋa iyi ideu í mu ŋa bitiu à sɛi à bɔ bi tu ŋa.

Woo bɛ ŋa 5:12

Ŋɔi woo bɛ ŋau à wasi maamaake do nyinda nkpɔ ku ce si inɛ ŋa. Nɔ woo dasi Jesu naanɛ ŋau à ya tɔtɔɔ bantumai Salomɔɔ.

Woo bɛ ŋa 5:28

í ni, à kɔ̀ nŋɛ mam mam à ni i maà ya ce waazo do irii mɔkɔu má ŋa. Amma wee ì ce waazo nŋɛ ì waa koo ŋa hee ì kɔ inɛi Zeruzalɛmu ŋa fei si cio nŋɛ nɔ ì waa bi i dasi wa taalei ikui mɔkɔu ŋa.

Woo bɛ ŋa 6:14

À gbɔ iyi í fɔ í ni Jesu inɛi Nazarɛtiu á lɛgɛ kpasɛ̃u ihɛ̃ nɔ ku kpaasi dedemba ŋa iyi Moizi í sɔ̃ wa fei.

Zozue 18:1

Ŋɔi inɛi Izirɛli ŋau à kãmia inɛi ilɛ ŋau, nɔ aŋa fei à koo à tɔtɔɔ Siloo, nɔ à jilɛ ilei acɔ iyi à ya kpe ile bi kukou tengi bɛ bii aa ya naa a tɔɔ Aɔ̃ Lafɛ̃ɛ.