Zeremi 26:6 - Bibeli do fee

⁶ Bii i kù waa jɛ ku gbɔ idem ŋa, an lɛgɛ kpasɛ̃i amu Aɔ̃ Lafɛ̃ɛu ihɛ̃i bɛi ǹ lɛgɛ ti Siloou. Nɔ an jɔ̀ Zeruzalɛmu ku baa ku jɛ yaase iyi inɛi andunya fei á ya so ku ceekpeò.

Zeremi 26:6 Iomraidhean Croise

Ilaalu 2, 22:19

ideu í to siɛ. Ì kaye araɛ si wajum waati iyi ì gbɔ ide iyi ǹ ni á na ku ba iluu bɛ do inɛɛ ŋa fei. Ǹ ni an ceekpe ŋa nɔ n ce nfei ilɛ nŋa. Iyi ì gbɔ ideu, ì ga ibɔɛ ŋa na inɔ kufɔ nɔ ì kpata si wajum. Na nŋu, amu mɔ ǹ gbɔ kutɔɔɛu,

Ezai 43:28

Na ŋɔi í jɔ̀ ǹ dasi ilaalu ŋa iyi ǹ nya ikã ŋau anyɔ nɔ ǹ jɔ̀ zamaai Zakɔbuu í dasi nfe ku ce. Ǹ fũsi Izirɛli awɔ, ǹ jɔ̀ mbɛɛɛ ŋa à wasi ku buu.

Ezai 65:15

Inɛ ŋa iyi ǹ cica ŋau, iri nŋɛi aa ya so a ceekpeò a ni, Aɔ̃ Lafɛ̃ɛ ku jɔ̀ i ku bɛi wãanɛ, walakɔ bɛi wãanɛ kasa. Amma ti inɛ ngu ŋa iyi à jɛ woo ce icɛm ŋau, an kpe ŋai do iri mmu.

Zeremi 24:9

An jɔ̀ yaasei kuwɛɛ nŋa ku jɛaa inɛ ŋa zigiidai bi bommai ilɛ ŋau fei. Tengi bii an fangaa ŋa a koo a wa fei, aŋai aa jɛ yaase iyi inɛ ŋa aa ya so waati iyi à waa bi a bú inɛ gɔ, walakɔ waati iyi à waa yaako inɛ gɔ, walakɔ waati iyi à waa kɔ̃ irii inɔ kukã gɔ, walakɔ waati iyi à waa bi a ceekpe inɛ gɔ.

Zeremi 25:18

Ŋɔi ǹ sintiɛ hai si ilui Zeruzalɛmu, do si ilui Zudaa ŋa. Hai bi ilaaluɛ ŋa hee ku koo si akaweɛ ŋa, ku ba ilu nŋa ŋau a kpɔò bomma, hee inɛ ŋa a biti nɔ a baa a jɛ dɔ̃anyi, nɔ mii iyi á ba ŋau ku jɛaa inɛ ŋa yaase iyi aa ya so waati iyi à waa bi a ceekpe inɛ gɔ fei. Nŋui wa ce bɛ nnyiu ihɛ̃.

Zeremi 29:18

An jɔ̀ igũ do ari do patapoo ku naa si ŋai, nɔ an jɔ̀ bommai andunya ŋau ihɛ̃ njo ku ya mu ŋa waati iyi à yɔɔ fei. Si dimi ŋa bii ǹ fangaa ŋa à nɛ fei, yaase nŋai inɛ ŋa aa ya so waati iyi à waa bi a ceekpe inɛ gɔ, walakɔ waati iyi à bi a fɔ ide laalɔ gɔ, walakɔ waati iyi à bi a fɔ idei zigiida walakɔ idei anyɔ gɔ fei.

Zeremi 29:22

Nɔ inɛi Zudaa ŋa iyi à mu à nɛò Babilɔni ŋau fei, bii à waa bi a ceekpe inɛ gɔ, aa ya cooi do irii inɛ minji ŋau bɛ. Aa ya nii, Aɔ̃ Lafɛ̃ɛ ku ceɛ bɛi í cea Sedesiasi do bɛi í cea Akabu, aŋa iyi ilaalui Babilɔni í banda ŋa si ina.

Zeremi 42:18

Ntɔ ntɔ Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋau í ni do yaase bɛi idɔɔkɔ̃ɛ í naa si inɛi Zeruzalɛmu ŋa, bɛɛbɛ mɔi idɔɔkɔ̃ɛ á naa si iŋɛ mɔ bii ì dede ì nɛ Ezibiti ŋa. Iŋɛi aa jɛ yaase iyi inɛ ŋa aa ya so waati iyi à waa bi a ceekpe inɛ gɔ, walakɔ bii à waa bi a fɔ idei mii laalɔ gɔ, walakɔ idei inɛ gɔ iyi à ceekpe, walakɔ inɛ gɔ iyi à waa bi a dasi anyɔ, nɔ i kaa yɛ ilɛu ihɛ̃ má ŋa.

Zeremi 44:22

Ntɔ ntɔ Aɔ̃ Lafɛ̃ɛ kù yɔkɔ kù temuaò kuce hai nɛ bɛɛrɛ nŋɛ ŋa. Na ŋɔi í jɔ̀ ilɛ í ce nfe í baa í kpɔò bomma nɔ í jɛ yaase iyi aa so bii à waa bi a ceekpe inɛ gɔ, nɔ inɛ kãma kù wa si inɔ iluu. Ŋɔi í jɔ̀ ì waa yɔɔ bɛ ihɛ̃ nnyiu bɛ ŋa.

Kukpata 2:15

Inɛ ŋa iyi à waa too do bɛ fei à ya dakpaɛi a maa nyaanyi na iriɛ. À ya fã fooi, nɔ a gbugbã iri a yaakoɛ a maa ni, Zeruzalɛmu ilu iyi à ya kpe kusĩau mbɛ? Na iriɛi inɛi ilɛ ŋa fei à ya maa wɛɛò inɔ didɔ̃u bɛ?

Kukpata 2:16

Mbɛɛɛ ŋa fei laalɔɛi à ya maa fɔ. À ya fã fooi nɔ à sa siɛ inyí do kugaabu à ni, à too awɔ à muu mbɛ. Ntɔ ntɔ, si ajɔ iyi à waa cɔ kpãaɛui à wa si, nɔ à yɔɔ.

Daniɛli 9:11

Inɛi Izirɛli ŋau fei à gbea woodaɛ ŋa nɔ à jĩò ŋa a kù de si itĩ. Na ŋɔi í jɔ̀ ikpe í cuku si wa na idei kugbasi ŋa iyi à kɔ si woodai Moizi woo ce icɛɛ, domi à ce dulum nii bi awɔ Ilaaɔ̃.

Zakari 5:3

Ŋɔi í sɔ̃m í ni, idei ikpei iyi wa fangaa si ilɛ fei. Nɔ si ikpa akãi tiau à kɔ si à ni woo ce ile ŋa iyi à wa si ilɛu fei aa lele ŋa, si ikpa akã má à kɔ si à ni woo gbasi si ibo ŋa mɔ fei, aa lele ŋa.

Zozue 18:1

Ŋɔi inɛi Izirɛli ŋau à kãmia inɛi ilɛ ŋau, nɔ aŋa fei à koo à tɔtɔɔ Siloo, nɔ à jilɛ ilei acɔ iyi à ya kpe ile bi kukou tengi bɛ bii aa ya naa a tɔɔ Aɔ̃ Lafɛ̃ɛ.