Zeremi 26:5 - Bibeli do fee

⁵ I mu laabaau iyi walii woo ce icɛm ŋau à waa sɔ̃ ŋɛ ku ce ncɛɛ. N kù gbɛɛjiò walii ŋa ku bɛ si ŋɛ wa ajɔ kãma, amma i ci ya gbɔ ide nŋa ŋai.

Zeremi 26:5 Iomraidhean Croise

Ilaalu 2, 17:13

Aɔ̃ Lafɛ̃ɛ í tako í sɔ̃ waliiɛ ŋau fei í ni a sɔ̃ inɛi Izirɛli ŋau do inɛi Zudaa ŋau a ni, i jɔ̀ kuce laalɔ nŋɛ nɔ i jirima woodam do idem ŋa. Nɔ i too si wooda iyi ǹ jɔ̀a bala nŋɛ ŋau do iyi ǹ bɛò walii woo ce icɛm ŋau wa mam mam ŋa.

Ilaalu 2, 17:23

hee í koo í to Aɔ̃ Lafɛ̃ɛ í lele ŋa hai si wajuɛ bɛi í tako í sɔ̃ walii woo ce icɛɛ ŋa í ni a fɔu wo. Ŋɔi à mu inɛi Izirɛli ŋau aru à nɛò ŋa hee jĩijĩ si ilɛi Asiri. Bɛi à wa hee ku baa nnyi.

Ilaalu 2, 24:2

Ŋɔi Aɔ̃ Lafɛ̃ɛ í tale si Zoakimu soogei Babilɔni ŋa wa do ti Siri ŋa do ti Moabu ŋa do ti Amɔɔ ŋa a bɔ si ilɛi Zudaa a koo a ce nfeɛ si bɛi í ni waliiɛ ŋa a fɔu wo.

Ilaalu 2, 9:7

Nɔ Akabu mɛɛtu nwoɛu, awɔi aa kpa tɔkuɛ ŋa. Do bɛɛbɛi Aɔ̃ Lafɛ̃ɛ á jaa walii woo ce icɛi nŋu ŋau fei do inɛ ŋa iyi Zezabɛli í jɔ̀ à kpa ŋau.

Ɛsidarasi 9:11

iyi à gbɔ hai si gɛlɛi walii woo ce icɛɛ ŋau. Ì sɔ̃ ŋa ì ni, ilɛ iyi an mu nŋɛu í jɛ ilɛ gɔ iyi í nɛ riisi. Inɛ ŋa iyi à wa bɛ ŋau aŋa taka nŋa à riisi, nɔ hai bii ilɛu í sinti hee ku bɔ iri ku kpaɛ laalɔ ku ce nŋa í caa.

Zeremi 11:7

Hai ajɔ iyi amu Aɔ̃ Lafɛ̃ɛ ǹ jɔ̀ bala nŋɛ ŋa à fita wa hai ilɛi Ezibiti ǹ sɔ̃ ŋa ǹ kɔnkɔn du ŋa ǹ ni a ya sotĩ a gbɔ idem ŋa. Bɛɛbɛi ǹ wa n sɔ̃ iŋɛ mɔ nnyi ǹ wa n kɔnkɔn du ŋɛ ǹ ni i ya sotĩ i gbɔ idem ŋa.

Zeremi 29:19

Aɔ̃ Lafɛ̃ɛ í ni, bɛɛbɛi á jɛ si na iyi í jɔ̀ à kɔ̀ ku gbɔ ide iyi ǹ wa n sɔ̃ ŋa. Do nŋu fei, n kù gbɛɛji, ǹ kɔ̀ ǹ wasi ku bɛ si ŋa walii woo ce icɛm ŋa wa, amma à kɔ̀ ku gbɔ ide nŋa.

Zeremi 32:33

Anyii aŋa fei à sinda à toom wa, a kù toom waju nŋa. Ǹ kɔ ŋa, nɔ n kù gbɛɛjiò ikɔ ku na ŋa, amma a kù jɛ ikɔu ku gba.

Zeremi 35:15

Ǹ bɛ si iŋɛ fei walii woo ce icɛm ŋa wa. N kù gbɛɛjiò ku bɛ ŋa wa a naa a sɔ̃ ŋɛ a ni, iŋɛ fei i jɔ̀ kpãa laalɔ nŋɛ i sinda i baa wa ŋa. I teese kuce nŋɛ ŋa, nɔ i maà nɛ anu akã do iwɛ̃ ŋa hee i koo i maa tɔɔ ŋa ŋa. Do yaase bɛɛbɛ, an jɔ̀ i buba si ilɛ iyi ǹ muaa iŋɛ do bala nŋɛ ŋau. Amma wee i kù jɛ ku sotĩ ku gbɔ nɔ i kù jirimam ŋa.

Zeremi 35:17

Nɔ Zeremi í sɔ̃ ŋa má í ni, na nŋu, Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋau í ni, wahala ŋa iyi ǹ fɔ ideɛ si gãmɛi inɛi Zudaa ŋa do inɛi Zeruzalɛmu ŋau fei, an jɔ̀ ku naa si ŋai, domi iyi ǹ ba ŋa ide ku fɔ a kù desim itĩ, nɔ iyi ǹ kpe ŋa à kɔ̀ ku jɛ.

Zeremi 44:4

Ǹ bɛ si ŋɛ walii woo ce icɛm ŋa wa. N kù gbɛɛjiò ku bɛ ŋa wa a naa a sɔ̃ ŋɛ a ni, i maà ce daa laalɔ iyi ǹ céu bɛ ŋa.

Zeremi 7:13

Nɔ bɛbɛi, si bɛi iŋɛ mɔ ì ce kookoosu ŋau bɛ fei, si bɛi ǹ sɔ̃ ŋɛ hai daakɔ nɔ ì kɔ̀ ku gbɔ ŋa, si bɛi ǹ kpe ŋɛ nɔ i kù jɛɛm ŋa,

Zeremi 7:25

Hai ajɔ iyi bala nŋɛ ŋau à fita wa hai ilɛi Ezibiti hee ku baa nnyi, n kù gbɛɛji do walii woo ce icɛm ŋau ku bɛ si ŋɛ wa. Ǹ ya n bɛ ŋa wai waati kãma fei.

Ezekiɛli 38:17

Amu Aɔ̃ Lafɛ̃ɛ ǹ wa n fɔ ǹ ni, awɔi ì jɛ inɛ iyi ǹ fɔ ideɛu. Hai ku kpɛi ǹ jɔ̀ waliii Izirɛli woo ce icɛm ŋau à fɔ iyi ǹ ni an jɔ̀ inɛ gɔ ku naa igũ si inɛm ŋau.

Amɔsu 3:7

Ntɔ ntɔ Aɔ̃ Lafɛ̃ɛ kaa ce ngɔgɔ iyi kù sɔ̃ walii woo ce icɛɛ ŋa si asii titã.

Zakari 1:6

Do nŋu fei, idem ŋa do wooda ŋa iyi ǹ sɔ̃ walii woo ce icɛm ŋa a sɔ̃ ŋa à to si ŋa nɔ à ce si ŋa icɛ. À jɔ à kpaasi idɔ à mà iyi kuce laalɔ nŋa í to amu Aɔ̃ Lafɛ̃ɛi lele do ilɛ ǹ jɔ̀ ijuukpã ku naa si ŋa bɛi ǹ tako ǹ sɔ̃ ŋau.

Kuyɛi Zãa 10:7

amma waati iyi amaleka mɛɛjesiau mɔ á fã kãakãakĩɛ, waati bɛɛbɛi Ilaaɔ̃ á kɔ̃ mii iyi í dasi idɔ ku ce iyi inɛ kãma kù màu, si bɛi í sɔ̃ walii woo ce icɛɛ ŋa wo.

Kuyɛi Zãa 11:18

Dimii andunya fei í damɔɔ. Amma idɔɔkɔ̃ɛ í to wa. Waati í to i kiiti iku ŋa. Waati í nɔ í to i na woo ce icɛɛ ŋa riba nŋa, hai walii ŋa do woo dasi naanɛ ŋa hee do inɛ ŋa iyi à waa jirimaɛ ŋa fei, hai keekeò nlaɛ. Waati í to i ce nfei inɛ ŋa iyi à waa ce nfei andunya.