Zeremi 26:3 - Bibeli do fee

³ Á yɔkɔ ku jɛ aa gbɔ nɔ aŋa fei a fũsi yaasei kuwɛɛ laalɔ nŋa awɔ. Ǹ nɛ lasabui n jɔ̀ wahala ku naa si ŋa na laalɔ ŋa iyi à waa ce. Amma bii à gbɔ, n kaa n jɔ̀ ku naa si ŋa má.

Zeremi 26:3 Iomraidhean Croise

Ilaalu 1, 21:27

Iyi Akabu í gbɔ idei Eliiu í tã ŋɔi í ga ibɔɛ í nyisiò ara ku kayeɛ. Í dasi saaki nɔ í dĩ anu. Do saakiu bɛi í ya sũ, nɔ do nŋui í ya maa nɛò kpɛlɛ kpɛlɛ.

Ilaalu 1, 21:29

ì yɛ bɛi Akabu í kaye araɛ si wajum? Na nŋu, n kaa n jɔ̀ laalɔu ku naa si waatii kuwɛɛɛ, si waatii kuwɛɛi amaɛi an jɔ̀ laalɔu ku naa si kpasɛ̃ɛ.

Zeremi 26:13

Bɛbɛi, i teese isɛɛnɛ nŋɛ ŋa nɔ i kpaasi kuce nŋɛ ŋa. I sotĩ i gbɔ idei Aɔ̃ Lafɛ̃ɛ nŋɛ ŋa ku ba ku fũsi laalɔ iyi í dasi idɔ nŋu ku ce nŋɛu awɔ.

Zeremi 26:19

Waati bɛɛbɛ, ilaalu Ezekiasi do zamaai Zudaa ŋau à kpa walii Miseei? Aawo. Ngu ŋa à jirima Aɔ̃ Lafɛ̃ɛi, nɔ à tɔɔɛ suuru. Nɔ Aɔ̃ Lafɛ̃ɛ í fũsi laalɔ iyi í dasi idɔ ku ce nŋau awɔ. Nɔ nŋui awa aa ka cea ara nwa laalɔ nla nla?

Zeremi 36:3

Á yɔkɔ ku jɛ inɛi Zudaa ŋa aa gbɔ iyi ǹ wa n bi n jɔ̀ wahala ku naa si aŋai, nɔ á yɔkɔ ku jɛ aa fũsi laalɔ ku ce nŋa awɔ, nɔ n ce nŋa suurui kurara nŋa do dulum du ŋa.

Zeremi 36:7

Á yɔkɔ ku jɛ aa tɔɔ Aɔ̃ Lafɛ̃ɛ nɔ aŋa fei a sinda wa a jɔ̀ kuce laalɔ nŋa ŋau, domi idɔɔkɔ̃ nla nlai Aɔ̃ Lafɛ̃ɛ í wɛɛò si gãmɛi zamaau bɛ.

Ezekiɛli 12:3

Na nŋu, ce sɔɔlu i fita dasã nkpa hai bii ì wau si wajui aŋa fei i nɛ inya mmu. Á yɔkɔ ku jɛ aa mà iyi aŋa à jɛ woo kɔ̀ ide ŋa.

Ezekiɛli 18:21

Bii inɛ laalɔ í jɔ̀ laalɔ ku ceɛ, bii wa jirima woodam, nɔ wa ce mii iyi í jɛ dee dee do iyi í tɛ, á maa wɛɛi kaa ku.

Ozee 11:9

N kaa n ceɛ bɛi idɔɔkɔ̃m í la í tou. N kaa n sinda n nyi wa n naa n ce nfei Efaraimu, domi n kù jɛ amanɛ. Ilaaɔ̃i ǹ jɛ, nɔ ǹ jɛ Inɛ Kumá. N kaa n sinda n nyi wa do idɔɔkɔ̃.

Zoɛli 2:14

Á yɔkɔ ku jɛ Aɔ̃ Lafɛ̃ɛ á kpaasi lasabuɛ, nɔ ku jɔ̀ jiida ku jɛɛ ku naa si ŋɛ. Waati bɛɛbɛ, aa yɔkɔ i naaò kuweei iyafũ do ti vɛ̃ɛ wa ŋa.

Zonasi 4:2

Nɔ í sɔ̃ Aɔ̃ Lafɛ̃ɛ í ni, mii ŋa iyi ǹ wa n yɛ mbɛ waati iyi ǹ wa ilɛi idem, ŋɔi í jɔ̀ ǹ sa gbãa gbãa ǹ nɛ ikpa Taasi. Ǹ mà iyi awɔ ilu araarei, idɔɛ ci ya saasa ku kɔ̃ nɔ jiida kú jɛɛ í caa, nɔ idei laalɔ iyi ì dasi idɔ i cea amanɛ ì ya kpaa mái.